އަންނަ އަހަރަށް ލަފާކޮށް ސަރުކާރުން ހުށަހަޅާ ބަޖެޓާއި ގުޅޭގޮތުން ސަރުކާރަށް ނިސްބަތްވާ ރައްޔިތުންގެ މަޖިލީހުގެ މެމްބަރުންނާއެކު ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ބޭއްވެވި މަޝްވަރާތައް ނިންމާލައިފިއެވެ.

ރައީސުލްޖުމްހޫރިއްޔާގެ އޮފީހުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ، 2022 ވަނަ އަހަރަށް ލަފާކުރާ ބަޖެޓްގެ ފޯމިއުލޭޝަންތަކާއި ގުޅޭގޮތުން އެމްޑީޕީގެ މަޖިލިސް މެމްބަރުންނާއެކު ބޭއްވި ހިޔާލު ހޯދުމުގެ މަޝްވަރާތައް ނިންމާލާފައިވާކަމަށެވެ.

Last night President @ibusolih concluded The series of consultations with all MDP MPs to discuss the formulation of Budget 2022.

-Key PSIP projects

- Budget revenue, expenditure and financing

-Fulfilling presidential pledges pic.twitter.com/IGI6fzgYTE

— Mabrook Azeez (@MvSpokesperson) October 20, 2021

މިމަޝްވަރާތަކުގައި ތަރައްގީގެ މަޝްރޫއުތަކާއި އާމްދަނީ އާއި ހަރަދާއި ގުޅޭގޮތުން މަޝްވަރާކުރެއްވިކަމަށް މަބްރޫކް ވިދާޅުވިއެވެ. މީގެއިތުރުން ރައީސް ސާލިހުގެ ވައުދުފުޅުތައް ފުއްދެވުމާއި ގުޅޭގޮތުންވެސް މިބައްދަލުވުންތަކުގައި މަޝްވަރާކުރެއްވިކަމަށް މަބްރޫކް ވިދާޅުވިއެވެ.

ދައުލަތުގެ މާލިއްޔަތުގެ ގާނޫނުގައިވާ ގޮތުން ކުރިއަށް އޮންނަ އަހަރުގެ ދައުލަތުގެ ބަޖެޓް ހިނގަމުންދާ އަހަރުގެ އޮކްޓޯބަރު 31ގެ ކުރިން ރައްޔިތުންގެ މަޖިލީހަށް ފޮނުވަން ޖެހެއެވެ.