ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ ހުޅަނގު އޭޕްރޮން ބޮޑުކޮށް އަލަށް ހެދި ބައި ރަސްމީކޮށް މިއަދު ހުޅުވައިފިއެެވެ.

ވީއައިއޭގެ ހުޅަނގު ސަރަހައްދުގައި ގާއިމުކުރި "އޭޕްރަން 3ބީ" ހުޅުވީ މިއަދު ހަވީރު ބޭއްވި ރަސްމިއްޔާތެއްގައެެވެ. އެތަން ބޭނުންކުރަން ފެށުމުގެ ގޮތުން އިންޑިއާއިން ރާއްޖެއައި މޯލްޑިވިއަންގެ އެއާބަސް 320 ގެ މަތިންދާބޯޓު އެ ސަރަހައްދުގައި ވަނީ ޕާކުކޮށްފަ އެވެ. އަދި އެ ބޯޓަށް މަރުހަބާ ކިއުމުގެ ގޮތުން ވަނީ ވޯޓާ ސެލިއުޓެއްވެސް އަރުވާފައެވެ.

Today, we officially opened the expanded west apron area @VelanaAirport for flight operations. The new apron area has nine aircraft stands which can accommodate both domestic and international flights. pic.twitter.com/ytXjtUKfIW

— Maldives Airports Company Ltd - MACL (@MACLmedia) November 4, 2021

އެމްއޭސީއެލުން ބުނީ، އަަލަށް ހުޅުވި އޭޕްރޮންގައި ނުވަ އެއާކްރާފްޓް ޕާކުކުރެވޭ އިރު އިންޓަނޭޝަނަލް އަދި ޑޮމެސްޓިކް ފްލައިޓްތަކަށް ވެސް އެތަނުން ހިދުމަތް ދެވޭނެ ކަމަށެވެ. އަލަށް ހުޅުވި އޭޕްރޮނާއެކު އެމްއޭސީއެލްގެ ހިދުމަތްތައް އަވަސްވެފައި ފަސެންޖަރުންނަށް ކުރިއަށްވުރެ ބޮޑަށް ފަސޭހަވާނެ ކަމަށް އެމްއޭސީއެލުން ހާމަކުރެއެވެ.

އާ އޭޕްރޭން ބޭނުންކުރަށް ފެށުމުގެ ކުރިން އެތަން ސަލާމަތީ މިންގަނޑުތަކަށް ފެތޭތޯ ބަަލަން ޓެސްޓު ކޮށްފައިވަނީ މިދިޔަ މަހުއެވެ.

ވީއައިއޭގައި މިހާރު ހިދުމަތް ދެމުންދަނީ އުތުރު އެޕްރޮންއާއި އިރުމަތި އަދި ހުޅަނގު އޭޕްރޮނުންނެވެ.