އައްޑޫ ސިޓީގައި ހިނގި އެކްސިޑެންޓެއްގައި މީހަކު ނިޔާވެއްޖެއެވެ.

ފުލުހުން ބުނީ އޭނާ ނިޔާވީ އެކްސިޑެންޓުގައި ލިބުނު އަނިޔާތަކަށް ފަރުވާދެމުންދަނިކޮށް ރޭގެ ވަގުތެއްގައި ކަމަށެވެ. އެއީ 59 އަހަރުގެ ދިވެހި ފިރިހެނެއްކަމަށްވެސް ފުލުހުން މައުލޫމާތު ދެއެވެ.

މިއެކްސިޑެންޓު ހިނގާފައިވަނީ އޭނާ ޑިއުޓީއަށް ދަނިކޮށް މަގުމަތީގައި ދުވަން ނުކުމެ އުޅުނު މީހެއްގެ ގައިގައި ޖެހިގެންކަމަށް ފުލުހުން ބުނެފައި ވެއެވެ. މިއެކްސިޑެންޓުގައި، ދުވަން ނުކުމެ އުޅުނު މީހާއަށް މާބޮޑު އަނިޔާއެއް ނުލިބޭކަމަށްވެސް ފުލުހުން ބުނެފައި ވެއެވެ.

އައްޑޫ ސިޓީ ލިންކް ރޯޑުގައި ނުރައްކާތެރި އެކްސިޑެންޓްތައް ހިނގައި އެތައް ބަޔަކު މަރުވަމުންދާއިރުވެސް، މިކަމަށް އެދެވިގެންވާ ހައްލެއް އަދި ހޯދިފައެއް ނުވެއެވެ.