ގދ ހަވޮއްޑާގައި ހިންގާ އަމާރި ހަވޮއްޑާ މޯލްޑިވްސްގައި މޫދަށް އެރި އުޅުނު ފަތުރުވެރިޔަކު ގެނބިގެން މަރުވެއްޖެއެވެ.
މި ހާދިސާ ހިނގާފައިވަނީ މިއަދު ހަވީރު 17:00 ހާއިރު އެވެ. ސްނޯކްލިން އަށް ފައިބައިގެން އުޅެނިކޮށް ޙާލު ދެރަވުމުން އެމީހާ ވަނީ ތިނަދޫގައި ހުންނަ ޑރ އަބްދުއްސަމަދު މެމޯރިއަލް ހޮސްޕިޓަލަށް ގެންގޮސްފައެވެ.
ގެނބިގެން މަރުވީ ޔޫކޭއަށް ނިސްބަތްވާ 35 އަހަރުގެ ފިރިހެނެކެވެ. އެފަތުރުވެރިޔާއަށް ހޮސްޕިޓަލުގައި ފަރުވާ ދެމުން ދަނިކޮށް ނިޔާވެފައިވާ ކަމުގެ މައުލޫމާތު ހޮސްޕިޓަލުން ފުލުހުންނާއި ހިއްސާ ކޮށްފައިވަނީ 18:12 އެހާކަންހާއިރުއެވެ.
ފުލުހުން ބުނީ އެ މައްސަލަ އިތުރަށް ތަޙްޤީޤު ކުރަމުންދާ ކަމަށެވެ.
ފުލުހުން ބުނީ އެ މައްސަލަ އިތުރަށް ތަޙްޤީޤު ކުރަމުންދާ ކަމަށެވެ.
ކިޔުންތެރިންގެ ހިޔާލު