ރާއްޖޭގެ މަސްދަޅު މޮރިޝަސްގައި ބަންދުކޮށް ވިއްކުމަށް ނިންމީ ގެއްލުމުގައި ތައިލޭންޑަށް ނުވިއްކައިވާނެ ގޮތެއް ހޯދުމަށް ކަމަށް އެސްޓީއޯގެ މެނޭޖިންގ ޑިރެކްޓަރ ހުސެއިން އަމްރު ވިދާޅުވެއްޖެއެވެ.
ފެލިވަރުގައި ބަންދު ކުރެވެނީ ދުވާލަކު އެންމެ 50 ޓަނު ކަމަށާއި އެހެންކަމުން ބާކީ ހުންނަ މަސްކޮޅު ގެއްލުމުގައި ތައިލޭންޑަށް ވިއްކުން ނޫން ގޮތެއް ހޯދަން ޖެހޭކަމަށް އަމްރު މިއަދު ވިދާޅުވިއެވެ. އެގޮތުން އަމްރު ވިދާޅުވީ، ރާއްޖޭގައި މަހަށް ރަނގަޅު އަގެއް ލިބޭނީ ހުރިހާ މަހެއްވެސް ދަޅުގައި ބަންދުކުރެވިގެން ކަމަށެވެ.
އަމްރު ވިދާޅުވީ، ފެލިވަރު އަދި ކޫއްޑޫގައި މަސްދަޅު ބަންދުކުރުމުގެ ކެޕޭސިޓީ އިތުރުކުރުމުގެ މަސައްކަތްކުރަމުން އައިނަމަވެސް އެކަމަށް ހައްލެއް ލިބެންދެންވެސް ގެއްލުމުގައި ތައިލެންޑަށް މަސް ނުވިއްކައި ވާނެ ގޮތެއް ހޯދަންޖެހޭ ކަމަށެވެ.
"ފެލިވަރުގައި ބަންދުކޮށްފަ ބާކީ ހުންނަ މަސް މޮރިޝަސްއަށް ގެންގޮސް އެ މަސް މިފްކޯއިން ދަޅުގަ ބަންދުކޮށް ޔޫރަޕަށް ބޭރުކުރުމުން ރަނގަޅު އަގެއް ލިބޭނެ." އަމްރު ވިދާޅުވިއެވެ.
އަމްރު ވިދާޅުވީ، ޔޫރަޕަށް ރާއްޖެ އިން ބޭރުކުރާ މަހަށް 24 އިންސައްތައިގެ ޑިއުޓީއެއް ދައްކަން ޖެހޭތީ، ރާއްޖޭގެ މަސް ޔޫރަޕްގައި ވިއްކަން ޖެހެނީ ވަރަށް އަގު ބޮޑުކޮށް ކަމަށެވެ. އެހެންނަމަވެސް، މޮރިޝަސް ފަދަ ގައުމުތަކުން ޑިއުޓީއަކާ ނުލައި ޔޫރަޕަށް މަސް އެތެރެ ކުރެވޭތީ އެ ގައުމުން ބާނާ މަސް ޔޫރަޕްގެ ގިނަ ގައުމުތަކުން ގަންނަ ކަމަށް އަމްރު ވަނީ ފާހަގަކުރައްވާފައެވެ.
މި މަހު ނޫނީ އަންނަ މަހު މޮރިޝަސް އާއެކު އެއްބަސްވުންތަކުގައި ސޮއިކޮށް، ރާއްޖޭގައި މަސް ޕްރޮސެސް ކުރުމަށް ފަހު ބާކީވާ ބައި ދެން ފޮނުވާނީ މޮރިޝަސް އަށެވެ. މިކަމަކީ ވަގުތީ ހައްލެއް ކަމަށާއި މަހުން އެންމެ ރަނގަޅު ފައިދާއެއް ލިބޭނީ ރާއްޖޭގައި ބޮޑު ފެކްޓަރީއެއް އަޅައި އެ ތަނުން މަސް ޕްރޮސެސް ކުރަން ފެށުމުން ކަމަށް އަމްރު ވިދާޅުވި އެވެ.
އަމްރު ވިދާޅުވީ، ފެލިވަރު އަދި ކޫއްޑޫގައި މަސްދަޅު ބަންދުކުރުމުގެ ކެޕޭސިޓީ އިތުރުކުރުމުގެ މަސައްކަތްކުރަމުން އައިނަމަވެސް އެކަމަށް ހައްލެއް ލިބެންދެންވެސް ގެއްލުމުގައި ތައިލެންޑަށް މަސް ނުވިއްކައި ވާނެ ގޮތެއް ހޯދަންޖެހޭ ކަމަށެވެ.
"ފެލިވަރުގައި ބަންދުކޮށްފަ ބާކީ ހުންނަ މަސް މޮރިޝަސްއަށް ގެންގޮސް އެ މަސް މިފްކޯއިން ދަޅުގަ ބަންދުކޮށް ޔޫރަޕަށް ބޭރުކުރުމުން ރަނގަޅު އަގެއް ލިބޭނެ." އަމްރު ވިދާޅުވިއެވެ.
- ފެލިވަރުގަ ބަންދުކޮށްފަ ބާކީ ހުންނަ މަސް މޮރިޝަސްއަށް ގެންގޮސް އެ މަސް މިފްކޯއިން ދަޅުގަ ބަންދުކޮށް ޔޫރޮޕަށް ބޭރުކުރުމުން ރަނގަޅު އަގެއް ލިބޭނެ.
— Amr 🎈 (@HusenAmr) December 11, 2021
މި މަހު ނޫނީ އަންނަ މަހު މޮރިޝަސް އާއެކު އެއްބަސްވުންތަކުގައި ސޮއިކޮށް، ރާއްޖޭގައި މަސް ޕްރޮސެސް ކުރުމަށް ފަހު ބާކީވާ ބައި ދެން ފޮނުވާނީ މޮރިޝަސް އަށެވެ. މިކަމަކީ ވަގުތީ ހައްލެއް ކަމަށާއި މަހުން އެންމެ ރަނގަޅު ފައިދާއެއް ލިބޭނީ ރާއްޖޭގައި ބޮޑު ފެކްޓަރީއެއް އަޅައި އެ ތަނުން މަސް ޕްރޮސެސް ކުރަން ފެށުމުން ކަމަށް އަމްރު ވިދާޅުވި އެވެ.
ކިޔުންތެރިންގެ ހިޔާލު