ކޮވިޑް ވެކްސިން ޕްރޮގްރާމްގެ ދަށުން ބޫސްޓާ ޑޯޒްތައް ޖަހަން ލައްކައަކަށް ވުރެ ގިނަ ވެކްސިންގެ ޑޯޒް ރާއްޖެ ގެނެސްފިއެވެ.

ޔުނިސެފްގެ ރާއްޖޭގެ ބްރާންޗުން ހާމަކުރިގޮތުގައި ބޫސްޓާ ޑޯޒް ޖަހަން ފައިޒާ ވެކްސިންގެ 100،620 ޑޯޒް މިއަދު ވަނީ ރާއްޖެ ގެެނެސްފައެވެ. ޔުނިސެފުން ބުނީ މިއީ ދުނިޔޭގެ ގައުމުތަކަށް ހަމަހަމަ ކަމާއެކު ވެކްސިން ފޯރުކޮށްދިނުމަށް ޑަބްލިޔުއެޗްއޯ އިސްވެ އުފައްދާފައިވާ ކޮވެކްސް ފެސިލިޓީ މެދުވެރިކޮށް އެމެރިކާގެ ސްޓޭޓް ޑިޕާޓްމަންޓުން ހަދިޔާ ކުރި ވެކްސިން ކަމަށެވެ.

More vaccines have landed!

Maldives has received 100,620 doses of Pfizer vaccines donated by @StateDept received via the #COVAX Facility.

The vaccines will support ongoing efforts to vaccinate eligible population & administer booster shots.@MoHmv @HPA_MV pic.twitter.com/buVEpb1r8E

— UNICEF Maldives (@UNICEFMaldives) December 18, 2021

ރައީސް އިބްރާހިމް މުހައްމަދު ސޯލިހު މީގެ ކުރިން ވިދާޅުވެފައިވަނީ މި މަހުގެ މެދުތެރޭގައި ބޫސްޓާ ޑޯޒް ގިނަ ބަޔަަކަށް ދޭން ފަށާނެ ކަމަށެވެ. އެހެން ނަމަވެސް ވެކްސިން ނުލިބުމުގެ ސަބަބުން މި ޕްރޮގްރާމް ފެށިފައެއް ނުވެއެެވެ.

ކޮވިޑް ވެކްސިންގެ ތިންވަނަ ޑޯޒް، ނުވަތަ ބޫސްޓާ ޑޯޒް، އެޗްޕީއޭއިން ޖަހަން ފަށާފައިވަނީ މިދިޔަ މަހުއެެވެ. އެގޮތުން 60 އަހަރުން މަތީގެ މީހުންނާއި ދިފާއީ ނިޒާމު ބަލިކަށި މީހުންނާއި ފްރޮންޓް ލައިންގައި މަސައްކަތް ކުރާ ސިއްހީ މުވައްޒަފުނަށް މިހާރު ވަނީ ވެކްސިންގެ ބޫސްޓާރ ޑޯޒް ޖަހަން ފަށާފައެވެ. މިހާރު 50 އަހަރުން މަތީގެ މީހުނަށް ވެސް ބޫސްޓާ ޑޯޒް ޖަހަން ވަނީ ފުރުސަތު ހުޅުވާލާފައެވެ.

އެޗްޕީއޭ އިން މައުލޫމާތު ދީފައިވާ ގޮތުގައި މިހާތަނަށް 22،093 މީހުން ވަނީ ބޫސްޓަރ ޑޯޒް ޖަހާފައެވެ. ތިންވަނަ ޑޯޒެއްގެ ގޮތުގައި ދެނީ ފައިޒާ ވެކްސިނެވެ.