ފިލިޕީންސަށް އެރި ތޫފާން، ރާއީގައި މަރުވި މީހުންގެ އާއިލާތަކަށް ރާއްޖޭގެ ހާރިޖީ ވަޒީރު އަދި އދގެ އާއްމު މަޖިލީހުގެ ރައީސް އަބްދުﷲ ޝާހިދު ތައުޒިޔާ ވިދާޅުވެއްޖެއެވެ.

ފިލިޕީންސަށް މި އަހަރު އެރި އެންމެ ބާރުގަދަ ތޫފާނުގައި 12 މީހުން މަރުވެ، ބޮޑެތި ގެއްލުންތަކެއް ލިބިފައިވާކަމަށް އެގައުމުގެ ކަމާއިބެހޭ ފަރާތްތަކުން ބުނެއެވެ.

އދގެ އާއްމު މަޖިލީހުގެ ރައީސް އަބްދުﷲ ޝާހިދު ވިދާޅުވީ ތޫފާން ރާއީގެ ސަބަބުން ފިލިޕީންސަށް ލިބުނު ގެއްލުންތަކާއިމެދު ހިތާމަކުރައްވާކަމަށެވެ. އަދި މަރުވި މީހުންގެ އާއިލާތަކަށް ތައުޒިޔާ ވިދާޅުވެ، އެކަމުން އަރައިގަތުމަށް ކުރާ މަސައްކަތް ކާމިޔާބުކުރެއްވުން އެދިވަޑައިގެން އެމަނިކުފާނު ވަނީ ދުއާ ކުރަށްވައިފަ އެވެ.

We are deeply saddened by the loss of life & the horrible devastation caused by Typhoon #OdettePH in the #Philippines.

My sincere condolences to those families who lost loved ones. We pray for the success of the rescue and recovery efforts.@DFAPHL @teddyboylocsin

— Abdulla Shahid (@abdulla_shahid) December 18, 2021

ގަޑިއަކު 195 ކިލޯމީޓަރުގެ ގަދަވަޔާއެކު ބުރާސްފަތިދުވަހު ފިލިޕީންސްގެ ސިއާރްގާއޯއަށް އެރި ތޫފާން ރާއީއަކީ އެންމެ ނުރައްކާތެރި ތޫފާންތަކުގެ ދަރަޖައިގެ ތޫފާނެކެވެ. މި ތޫފާންގެ ސަބަބުން ގިނަ ފްލައިޓްތަކެއް ކެންސަލްކޮށް ބައެއް ބަނދަރުތައްވެސް ބަންދުކުރަން ޖެހުނެވެ.

ފިލިޕީންސަށް އެރި ތޫފާން ރާއީގެ ބާރު މިހާރު ދަށްވެފައިވާއިރު، އެ ތޫފާންގެ މިސްރާބު މިހާރު ހުރީ ވިއެޓްނާމާއި ދިމާއަށެވެ.