އދ. ފެންފުށީ ސްކޫލުގައި ކްލާސްރޫމްތަކެއް އެޅުމަށް އަމިއްލަ ކުންފުންޏަކާ ޙަވާލުކޮށްފިއެވެ.

އެޑިއުކޭޝަން މިނިސްޓްރީގެ ފަރާތުން މި މަސައްކަތް ޙަވާލުކޮށްފައިވަނީ ވެލްޓްރޭޑިންގ ޕްރައިވެޓް ލިމިޓެޑާއެވެ.

އެއްބަސްވުމުގައި ސޮއިކުރުމުގެ ރަސްމިއްޔާތުގައި އެޑިއުކޭޝަން މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރ އަހުމަދު ރިޔާޒެވެ. އަދި ވެލްޓްރޭޑިންގ ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެކުންފުނީގެ މެނޭޖަރ ހަސަން އިބްރާހީމް ދީދީއެވެ.

އދ.ފެންފުށީ ސްކޫލުގެ 4 ކްލާސްރޫމް އިމާރާތުގެ މަސައްކަތް ހަވާލުކުރުމުގެ އެގްރިމަންޓްގައި ސޮއިކުރުން.
މި މަސައްކަތް ހަވާލުކުރެވިގެން މިދިޔައީ ވެލްޓްރޭޑިންގ ޕްރައިވެޓް ލިމިޓެޑާ.
1/2 pic.twitter.com/gYXZSCaRrT

— Ministry of Education (@MoEdumv) December 19, 2021

މި މަޝްރޫއަކީ މިއަހަރުގެ ޕީ.އެސް.އައި.ޕީ މަޝްރޫޢުތަކުގެ ތެރެއިން ކުރިއަށްގެންދިއުމަށް ހަމަޖެހިފައިވާ މަޝްރޫޢެކެވެ. އެގޮތުން މި މަޝްރޫޢުގެ ދަށުން އދ. ފެންފުށި ސްކޫލައި 4 ކްލާސްރޫމް އިމާރާތުގެ މަސައްކަތް ކުރުމަށް ވެލްޓްރޭޑިންގ ޕްރައިވެޓް ލިމިޓެޑާއި ވަނީ ޙަވާލުކޮށްފައެވެ. އަދި އެކުންފުންޏާއި މި މަޝްރޫޢު ޙަވާލުކޮށްފައިވަނީ 140 ދުވަހުގެ ތެރޭގައި މަސައްކަތް އެއްކޮށް ފުރިހަމަކުރާގޮތަށެވެ.

މި މަޝްރޫޢަށް ގާތްގަނޑަކަށް 4.6 މިލިއަން ރުފިޔާ ޚަރަދުވާނެކަމަށް .އެޑިއުކޭޝަން މިނިސްޓްރީން ވިދާޅުވެއެވެ.