ކަޅުވަކަރު މިސްކިތް ނެގުމަށްފަހު އެތަނުގައި ބިރަކާއި ނުލާ މަޖާކުރާ ތަނެއް ހެދީ ޕީޕީއެމްގެ ސަރުކާރުން ކަމަށް ވިދާޅުވެ އަދާލަތު ޕާޓީގެ އިލްމްވެރިންގެ މަޖިލީހުގެ ނާއިބް ރައީސް ޑރ. މުހަންމަދު އިޔާޒު ޑރ. ޝަހީމަށް ވަރުގަދަ ބަހުގެ ހަމަލާތަކެއް ދެއްވައިފިއެވެ.
މަޝްހޫރު ދީނީ އިލްމްވެރިޔާ ޑރ. މުހަންމަދު އިޔާޒް ވިދާޅުވީ ކަޅުވަކަރު މިސްކިތް ނަގާ އެތަނުގައި ބިރަކާނުލާ މަޖާކުރާ ތަނެއް ހެދީ ޕީޕީއެމްގެ ސަރުކާރުން ކަމަށެވެ. އަދި ފާޑުފާޑުގެ ލަވަކިޔާ ނަށާ "ކަސްބީ މީހުން" ގެނެސްގެން ޝޯތައް ބޭއްވިއިރު އޭރުގެ އިސްލާމިކް މިނިސްޓަރ ޑރ. ޝަހީމްގެ ބަހެއް ނުވިކުނު ކަމަށް ޑރ. އިޔާޒް ވިދާޅުވިއެވެ.
އިސްލާމް ދީނުގެ ޢިލްމްވެރިޔާ ޑރ. އިޔާޒް ދީނީ ޢިލްމްވެރިޔާ ޑރ. ޝަހީމަށް ފާޑުވިދާޅުވެ އިދިކޮޅު ޕީޕީއެމަށް މިފަދަ ރައްދެއް ދެއްވާފައި މިވަނީ އިންޑިއާ ސިފައިން ރާއްޖެއިން ބޭރުކުރުމަށް ގޮވާލާ އިދިކޮޅު ލީޑަރު، ރައީސް ޔާމިން އިސްވެ ހުންނަވައިގެން ހިންގަވާ އިންޑިއާ އައުޓް ކެމްޕޭނާ ދެކޮޅަށް ޑރ. އިޔާޒު ނިސްބަތްވެވަޑައިގަންނަވާ އަދާލަތު ޕާޓީން ނެރުނު ބަޔާނަށް ޑރ. ޝަހީމު ވަރަށް ބޮޑަށް ފާޑުވިދާޅުވެ އަދި އަދާލަތުގެ މެންބަރަކު އިސްވެ ހުންނަވާ އިސްލާމިކް މިނިސްޓްރީއަށް ވެސް ފާޑުވިދާޅުވުމާއި ގުޅިގެންނެވެ.
އިދިކޮޅު ކޯލިޝަނުން ހިންގާ އިންޑިޔާ އައުޓް ކެމްޕޭން ކުށްވެރިކޮށް ސަރުކާރު ކޯލިޝަންގައި ހިމެނޭ އަދާލަތު ޕާޓީން ނެރުނު ނޫސްބަޔާނެއްގައި ބުނެފައިވަނީ އަވައްޓެރި އިންޑިއާއާއި މެދު ދިވެހިންގެ ހިތްތަކުގައި ނަފުރަތު އުފެއްދުމަށް ރައީސް ޔާމިން އިސްވެ ހުންނަވާ ކުރައްވާ މަސައްކަތަކީ ވަރަށް ޒިންމާދާރުކަން ކުޑަ ކަމެއް ކަމަށާއި، އެކަމާ މެދު ކަންބޮޑުވާ ކަމަށެވެ. މިކަމާ ގުޅިގެން ޑރ. ޝަހީމުވަނީ އިންޑިއާގެ ޖީއެމްއާރް ކުންފުނި ރާއްޖެއިން ބޭރުކުރަން ގޮވާލާ އަދާލަތުން ހިންގި ކެމްޕޭނާއި މެދު ސުވާލު އުފައްދަވައި މިއަދު އަދާލަތުގެ އެ ދީނާ ގައުމިއްޔަތުގެ ރޫހު ބަދަލުވެފައިވާރީ ވަރަށް ބޮޑަށް ފާޑުވިދާޅުވެފައެވެ.
މީގެއިތުރުން މިސަރުކާރުގެ އިސްލާމިކް މިނިސްޓްރީއަށް ފާޑުވިދާޅުވެ ކުރީގެ އިސްލާމިކް މިނިސްޓަރ ޑރ. ޝަހީމު ވިދާޅުވީ ރާއްޖޭގައި އިސްލާމްދީނާއި ދެކޮޅު ހަމަލާތައް އަންނަމުންދާ މިދަނޑިވަޅުގައި ވެސް އިސްލާމިކް މިނިސްޓްރީ "ނެގިމަޑުވެފައި" އޮވެގެން ނުވާނެ ކަމަށެވެ.
ރާއްޖޭގެ މީޑިޔާއަކުން ގެނެސްދިން ޕްރޮގުރާމެއްގައި ވާހަކަފުޅު ދައްކަވަމުން ކުރީގެ އިސްލާމިކް މިނިސްޓަރު ޑރ. މުހަންމަދު ޝަހީމް އަލީ ސައީދު ވިދާޅުވީ، މި ސަރުކާރުގެ އިސްލާމިކް މިނިސްޓްރީގެ ފުރިހަމަ ހައިބަތާއި ގަދަރު ހިފަހައްޓަންޖެހޭ ކަމަށެވެ. އެގޮތުން އިސްލާމްދީނާއި ދެކޮޅަށް އަންނަ ހަމަލާތަކުން ދީން ސަލާމަތް ކުރަން އިސްލާމިކް މިނިސްޓްރީން މަސައްކަތް ކުރަންޖެހޭ ކަމަށް ޑރ. ޝަހީމް ވިދާޅުވިއެެވެ.
ޑރ. ޝަހީމުގެ ވަޒީރު ކަމުގައި ރާއްޖޭގައި ހިނގާފައިވާ ބައެއް ކަންކަމަށް އަލިއަޅުއްވާލައްވައި ޑރ. އިޔާޒް ޑރ. ޝަހީމަށް ފާޑުވިދާޅުވެފައިވާއިރު، ކުރީގެ ރައީސް އަބުދުﷲ ޔާމިންގެ ސަރުކާރުގައި އާ އަހަރުގެ ފެށުން ފާހަގަކުރުމަށް ބޭރުން މަޝްހޫރު ލަވަކިޔުންތެރިން ގެނެސް މިއުޒިކް ޝޯތައް ވަނީ ބާއްވާފައެވެ. އޭރުގެ ސަރުކާރުގައި ދީނީ އިލްމްވެރިން އެކަމާ ދެކޮޅަށް ތެދުވެ ވަނީ އަޑު އުފުލާފައެވެެ.
ޑރ. އިޔާޒް އިޝާރަތް ކުރެއްވި ކަޅުވަކަރު މިސްކިތަކީ މާލޭގައި ހުރި އެންމެ ދުވަސްވީ މިސްކިތްތަކުގެ ތެރޭގައި ހިމެނޭ މިސްކިތެކެެވެ. ކަޅުވަކަރު މިސްކިތަކީ ގާތްގަނޑަކަށް 200 އަހަރުގެ ދިގު ތާރީހެއް އޮތް މިސްކިތަކަށް ވީ ނަމަވެސް އެ މިސްކިތް ވަނީ ކުރީގެ ރައީސް އަވްދުﷲ ޔާމިންގެ ސަރުކާރުގައި ރޫޅާލައި ކުރިން ހުރި ތަނުން ނަގާފައެވެ. އެހެން ނަމަވެސް ރައީސް ސޯލިހުގެ ސަރުކާރުގައި ވަރަށް ބޮޑު އިސްކަމެއް ދީގެން އެ މިސްކިތްް ހިމާޔަތްކޮށް އަލުން އެހެންތާކު ވަނީ އެމިސްކިތް ރާވާފައެވެ.
ރައީސް ޔާމީންގެ ސަރުކާރުން ކަޅުވަކަރު މިސްކިތް އޭރި ހުރި ސަލަޓަންޕާކު ތެރެއިން ނެގީ ހުޅުމާލޭގެ ފަރުކޮޅުފުށި ސަރަހައްދުގައި ގާއިމުކުރަން ނިންމާފައި އޮތް ދިވެހި ތާރީޚާއި ސަގާފަތް ދައްކުވައިދޭ މަރުކަޒުގައި އެމިސްކިތް ބެހެއްޓުމަށް ކަމަށް ބުނެއެވެ.
ކަޅުވަކަރު މިސްކިތް ނަގާ އެއްލާލާފައި އެތަނުގައި ބިރަކާނުލާ މަޖާ ކުރާ ތަނެއް ހެދީ @ProgressPartyMV ސަރުކާރުން. ފާޑުފާޑުގެ ލަވަކިޔާ ނަށާ ކަސްބީ މީހުން ގެނެސްގެން ޝޯތައް ބޭއްވިއިރު އޭރުގެ އިސްލާމިކްމިނިސްޓަރ @Mohamedshaheem1 ގެ ބަހެއް ނުވިކުނު.
— Dr.Mohamed Iyaz (@dr_iyaz) December 25, 2021
އިސްލާމް ދީނުގެ ޢިލްމްވެރިޔާ ޑރ. އިޔާޒް ދީނީ ޢިލްމްވެރިޔާ ޑރ. ޝަހީމަށް ފާޑުވިދާޅުވެ އިދިކޮޅު ޕީޕީއެމަށް މިފަދަ ރައްދެއް ދެއްވާފައި މިވަނީ އިންޑިއާ ސިފައިން ރާއްޖެއިން ބޭރުކުރުމަށް ގޮވާލާ އިދިކޮޅު ލީޑަރު، ރައީސް ޔާމިން އިސްވެ ހުންނަވައިގެން ހިންގަވާ އިންޑިއާ އައުޓް ކެމްޕޭނާ ދެކޮޅަށް ޑރ. އިޔާޒު ނިސްބަތްވެވަޑައިގަންނަވާ އަދާލަތު ޕާޓީން ނެރުނު ބަޔާނަށް ޑރ. ޝަހީމު ވަރަށް ބޮޑަށް ފާޑުވިދާޅުވެ އަދި އަދާލަތުގެ މެންބަރަކު އިސްވެ ހުންނަވާ އިސްލާމިކް މިނިސްޓްރީއަށް ވެސް ފާޑުވިދާޅުވުމާއި ގުޅިގެންނެވެ.
އިދިކޮޅު ކޯލިޝަނުން ހިންގާ އިންޑިޔާ އައުޓް ކެމްޕޭން ކުށްވެރިކޮށް ސަރުކާރު ކޯލިޝަންގައި ހިމެނޭ އަދާލަތު ޕާޓީން ނެރުނު ނޫސްބަޔާނެއްގައި ބުނެފައިވަނީ އަވައްޓެރި އިންޑިއާއާއި މެދު ދިވެހިންގެ ހިތްތަކުގައި ނަފުރަތު އުފެއްދުމަށް ރައީސް ޔާމިން އިސްވެ ހުންނަވާ ކުރައްވާ މަސައްކަތަކީ ވަރަށް ޒިންމާދާރުކަން ކުޑަ ކަމެއް ކަމަށާއި، އެކަމާ މެދު ކަންބޮޑުވާ ކަމަށެވެ. މިކަމާ ގުޅިގެން ޑރ. ޝަހީމުވަނީ އިންޑިއާގެ ޖީއެމްއާރް ކުންފުނި ރާއްޖެއިން ބޭރުކުރަން ގޮވާލާ އަދާލަތުން ހިންގި ކެމްޕޭނާއި މެދު ސުވާލު އުފައްދަވައި މިއަދު އަދާލަތުގެ އެ ދީނާ ގައުމިއްޔަތުގެ ރޫހު ބަދަލުވެފައިވާރީ ވަރަށް ބޮޑަށް ފާޑުވިދާޅުވެފައެވެ.
މީގެއިތުރުން މިސަރުކާރުގެ އިސްލާމިކް މިނިސްޓްރީއަށް ފާޑުވިދާޅުވެ ކުރީގެ އިސްލާމިކް މިނިސްޓަރ ޑރ. ޝަހީމު ވިދާޅުވީ ރާއްޖޭގައި އިސްލާމްދީނާއި ދެކޮޅު ހަމަލާތައް އަންނަމުންދާ މިދަނޑިވަޅުގައި ވެސް އިސްލާމިކް މިނިސްޓްރީ "ނެގިމަޑުވެފައި" އޮވެގެން ނުވާނެ ކަމަށެވެ.
ރާއްޖޭގެ މީޑިޔާއަކުން ގެނެސްދިން ޕްރޮގުރާމެއްގައި ވާހަކަފުޅު ދައްކަވަމުން ކުރީގެ އިސްލާމިކް މިނިސްޓަރު ޑރ. މުހަންމަދު ޝަހީމް އަލީ ސައީދު ވިދާޅުވީ، މި ސަރުކާރުގެ އިސްލާމިކް މިނިސްޓްރީގެ ފުރިހަމަ ހައިބަތާއި ގަދަރު ހިފަހައްޓަންޖެހޭ ކަމަށެވެ. އެގޮތުން އިސްލާމްދީނާއި ދެކޮޅަށް އަންނަ ހަމަލާތަކުން ދީން ސަލާމަތް ކުރަން އިސްލާމިކް މިނިސްޓްރީން މަސައްކަތް ކުރަންޖެހޭ ކަމަށް ޑރ. ޝަހީމް ވިދާޅުވިއެެވެ.
ޑރ. ޝަހީމުގެ ވަޒީރު ކަމުގައި ރާއްޖޭގައި ހިނގާފައިވާ ބައެއް ކަންކަމަށް އަލިއަޅުއްވާލައްވައި ޑރ. އިޔާޒް ޑރ. ޝަހީމަށް ފާޑުވިދާޅުވެފައިވާއިރު، ކުރީގެ ރައީސް އަބުދުﷲ ޔާމިންގެ ސަރުކާރުގައި އާ އަހަރުގެ ފެށުން ފާހަގަކުރުމަށް ބޭރުން މަޝްހޫރު ލަވަކިޔުންތެރިން ގެނެސް މިއުޒިކް ޝޯތައް ވަނީ ބާއްވާފައެވެ. އޭރުގެ ސަރުކާރުގައި ދީނީ އިލްމްވެރިން އެކަމާ ދެކޮޅަށް ތެދުވެ ވަނީ އަޑު އުފުލާފައެވެެ.
ރައީސް ޔާމީންގެ ސަރުކާރުން ކަޅުވަކަރު މިސްކިތް އޭރި ހުރި ސަލަޓަންޕާކު ތެރެއިން ނެގީ ހުޅުމާލޭގެ ފަރުކޮޅުފުށި ސަރަހައްދުގައި ގާއިމުކުރަން ނިންމާފައި އޮތް ދިވެހި ތާރީޚާއި ސަގާފަތް ދައްކުވައިދޭ މަރުކަޒުގައި އެމިސްކިތް ބެހެއްޓުމަށް ކަމަށް ބުނެއެވެ.
ކިޔުންތެރިންގެ ހިޔާލު