28 ވަނަ ދުވަހާއި ހަމައަށް 1.3 މިލިއަން ފަތުރުވެރިން ޒިޔާރަތްކުރާނެކަމަށް ޓޫރިޒަމް މިނިސްޓަރ ޑރ. އަބްދުﷲ މައުސޫމް ވިދާޅުވެއްޖެއެވެ.

ޑރ. މައުސޫމް ވިދާޅުވީ ރާއްޖެއިން މިއަހަރު ކަނޑައެޅި 1 މިލިއަން ފަތުރުވެރިންގެ އަމާޒު މިއަހަރު ނިމުމުގެ 1 މަސް ކުރިން، 29 އޮކްޓޯބަރ ގައި ހާސިލްވެފައިވާކަމަށެވެ. އަދި ކުރިން ބައެއް ފަރާތްތަކުން ލަފާކުރި 1.3 މިލިއަން ފަތުރުވެރިންގެ އަމާޒު، މިމަހުގެ 28 ވަނަ ދުވަހުގެ ނިޔަލަށް ހަމަވާނެކަމަށްވެސް މައުސޫމް ވިދާޅުވިއެވެ.

#OneMillion tourists target 2021 for Maldives was achieved on 29 Oct, 2 months in advance.
Now #Maldives is counting the days and numbers towards the optimistic target of 1.3 Million tourists. Maldives is likely to cross that milestone on 28th Dec.
AlhamdhLillah. Thank you all

— Abdulla Mausoom (@Mausoom_Maus) December 25, 2021

ރާއްޖެއަށް މިއަހަރު 1.3 މިލިއަން ފަތުރުވެރިން ގެނެވޭނެކަމަށް މީގެކުރިންވެސް މައުސޫމް ވަނީ ވިދާޅުވެފައެވެ. ނަމަވެސް ސަރުކާރުން ހިސާބުތައް ހެދިއިރު އަމާޒަކަށް ކަނޑައެޅީ 1 މިލިއަން ފަތުރުވެރިންނެވެ.

2020 ވަނަ އަހަރު ރާއްޖެއަށް އައިސްފައިވަނީ 515755 ފަތުރުވެރިންނެވެ.

ޓޫރިޒަމް މިނިސްޓްރީން އެންމެ ފަހުން އާންމުކޮށްފައިވާ ތަފާސް ހިސާބުތައް ދައްކާގޮތުން މިމަހުގެ 22 ވަނަ ދުވަހުގެ ނިޔަލަށް ރާއްޖެއަށް 1،271،020 ފަތުރުވެރިން ވަނީ ޒިޔާރަތްކޮށްފައެވެ. މި ޑިސެމްބަރުމަހު އެވްރެޖްކޮށް ދުވާލެއްގެ މައްޗަށް ރާއްޖެއަށް 5،153 ފަތުރުވެރިން އައިސްފައިވާއިރު، ލައްކައަށްވުރެ ގިނަ ފަތުރުވެރިން މިމަހު ވަނީ އައިސްފައެވެ.

ރާއްޖެއަށް މިހާރު އެންމެ ގިނައިން ފަތުރުވެރިން އަންނަނީ އިންޑިއާއިންނެވެ.