ކުރީގެ މަޝްހޫރު 2 ކްރިކެޓް ކުޅުންތެރިޔަކު ޖުމްހޫރީ ޕާޓީއަށް ސޮއިކޮށްފިއެވެ.

ޖުމްހޫރީ ޕާޓީއަށް ސޮއިކޮށްފައިވަނީ ‏ދިވެހިރާއްޖޭގެ މަޝްހޫރު ކްރިކެޓް ކުޅުންތެރިޔާ، ކުރީގެ ގައުމީ ޓީމުގެ ވިކެޓް ކީޕަރ ޝަފީއު (އޮފްބެ) އަދި އިބްރާހިމް ރަޝީދު (ދޮންއައްނާރު އިއްބެ) އެވެ.



މި ދެ ބޭފުޅުން ޖުމްހޫރީ ޕާޓީއަށް ސޮއިކުރީ، އެ ޕާޓީގެ އިސް އޮފިޝަލުންނާއެކު ބޭއްވި ކުޑަ ރަސްމިއްޔާތެއްގައެވެ.

ދިވެހިރާއްޖޭގެ މަޝްހޫރު ކްރިކެޓް ކުޅުންތެރިޔާ، ޖުރީގެ ގައުމީ ޓީމުގެ ވިކެޓް ކީޕަރ ޝަފީއު (އޮފްބެ) އަދި އިބްރާހިމް ރަޝީދު (ދޮންއައްނާރު އިއްބެ) ޖުމްހޫރީ ޕާޓީއަށް ސޮއިކުރައްވައިފި. pic.twitter.com/hSLCAfUJOW

— JP Secretariat (@JPSecretariat) December 26, 2021

ޖުމްހޫރީ ޕާޓީ ވަރުގަދަކޮށް، އެޕާޓީއަށް އިތުރު މެމްބަރުން ހޯދުމަށް މިހާރު ދަނީ ގިނަ މަަސައްކަތްތަކެއް ކުރަމުންނެވެ. އެގޮތުން ޖުމްހޫރީ ޕާޓީން ދަނީ އަތޮޅަކަށްވެސް ކެމްޕެއިން ދަތުރުކުރަމުންނެވެ. މި ދަތުރުތަކުގައި ޕާޓީއަށް ގިނަ އަދަދެއްގެ މީހުން ގުޅެމުންދާކަމަށްވެސް ޖުމްހޫރީ ޕާޓީން ބުނެއެވެ.

ޖުމްހޫރީ ޕާޓީއަކީ ސަރުކާރު ކޯލިޝަންގައި ހިމެނޭ އެއް ޕާޓީއަށްވާއިރު، އެއީ ރާއްޖޭގައި 3 ވަނައަށް އެންމެ ބޮޑު ޕާޓީއެވެ.