އިންޑިއާގެ ކެރަލާ ސްޓޭޓްގެ ކުޑަ އަވަށެއްކަމަށްވާ ތިރުވަންޗޫރަށް ނިސްބަތްވާ ކުޓިޔަންމާ ކޮންތީ، އެންމެ ކުޑައިރުއްސުރެވެސް ބޭނުންވީ ލިޔަން ކިޔަން ދަސްކުރާށެވެ. ތައުލީމު އުނގެނުމަށް ކިތަންމެ ބޭނުވިޔަސް އެކަން ކާމިޔާބު ކުރުމަށް ކުޓިޔަންމާ ކޮންތީއަށް ބޮޑެތި ގޮންޖެހުންތަކާ ކުރިމަތިލާން ޖެހުނެވެ.
ކުޓިޔަންމާ ކޮންތީއަށް ކުރިމަތިވި އެންމެ ބޮޑު ގޮންޖެހުމަކަށްވީ ތައުލީމު އުނގެނުމަށް ހަރަދު ކުރެވޭ ވަރުގެ ތަނަވަސްކަމެއް އޭނާގެ މައިންބަފައިންގެ ކިބައިގައި ނެތުމެވެ. ނަމަވެސް އޭނާ ހިތްވަރެއް އެލުވައެއް ނުލައެވެ. އަދި މައިންބަފައިންނަށް އިތުރު ހިތްބަރުކަމެއްވެސް ނުބާއްވައެވެ.
ކުޓިޔަންމާ ބޮޑުވެގެން އައީ މަންމަ އާއި ބައްޕަ އާއި އެކު ދަނޑުވެރިކަން ކުރުމުގައެވެ. އެއަށްފަހު ޒުވާން އުމުރުގައި އަޔުރްވެދިކް ބޭސްވެރިޔަކާ ކައިވެނިކޮށްފައިވެއެވެ. ކައިވެނީގެ ކަންތައްތަކުގެ ތެރެއިންވެސް އޭނާ އެންމެ ދެކެމުން އައި ހުވަފެނަކީ ލިޔަން ކިޔަން ދަސްކުރުމެވެ. އޭނާ ގަބޫލު ކުރާ ގޮތުގައި އޭނާ ދިރިއުޅެމުންދާ އަވަށަކީ ފަގީރު ސަރަހައްދަކަށްވުމުން ތައުލީމު އުނގެނުން މިއީ ވަރަށްވެސް މުހިންމު ކަމެކެވެ.
ނަމަވެސް ދެންވެސް ކަންތައް ދިމާވީ މުޅިން އުންމީދުކުރިގޮތާ ހިލާފަށެވެ. ކައިވެންޏަކަށް ފަހު، އޭނާ އަށް ގިނަބަޔަކު ވިސްނައިދިނީ ގޭގައި އިނދެ ދަރިންހޯދައި ދަރިންބެލުމަށެވެ.
ކުޓިޔަންމާގެ ކައިވެންޏަށް 5 ކުދިން ލިބި، އެކުދިން ބޮޑުވެ މާމަ ދަރިން ލިބުނު އިރުވެސް އޭނާ ދެކެމުން އައި ހުވަފެން ހަގީގަތަކަށް ހެދުމުގެ އުންމީދުގެ ކުލައެއް ފަނޑެއް ނުވެއެވެ. އެގޮތުން މާމަ ދަރިން ލިބުނު ފަހުން އޭނާ ވަނީ މަލަޔާލަމް ބަހުގެ އަކުރުތައް ލިޔަން ކިޔަން ދަސްކޮށްފައެވެ.
ދެން ލިބުނީ އުފާވެރި ހަބަރެކެވެ. ކުޓިޔަންމާގެ އަވަށްޓެރި ޒުވާން ޓީޗަރަކަށް އޭނާ ލިޔަން ކިޔަން ދަސްކުރަން ބޭނުންވާކަން އެނގުމާއެކު އޭނާ އަށް އެހީތެރިވެދީ ހިލޭ ކްލާސް ނަގައިދޭން ފެށިއެވެ. އެގޮތުން އަހަރު ދުވަހުގެ މުއްދަތެއްގައި ނިންމޭ ލިޔަން ކިޔަން ދަސްކުރާކޯސް، އެންމެ ތިންމަސް ދުވަހުގެ ތެރޭގައި ކުޓިޔަންމާ ނިންމިއެވެ. ކޯހުން 89 މާކްސް އާއެކު ލިބުނު ނަތީޖާ އިއުލާންކޮށްދިނީވެސް ކެރަލާގެ އެޑިއުކޭޝަން މިނިސްޓަރެވެ. އެގޮތުން ތައުލީމު އުނގެނުމަށް ވަކި އުމުރެއް ނެތްކަމަށް ބުނެ އެޑިއުކޭޝަން މިނިސްޓަރ ވަނީ ކުޓިޔަންމާގެ މިސާލުޖަހާފައެވެ.
އުމުުރުން 104 ގައި ލިޔަން ކިޔަން އުނގެނި ލިބުނު ކާމިޔާބީއާއެކު، ކުޓިޔަންމާ ކޮންތީ ދައްކައިދިނީ، ހުވަފެންތައް ކާމިޔާބު ކުރުމަށް އުންމީދު ނަގާނުލައި ގަދައަޅައި މަސައްކަތްކޮށްފިނަމަ ކާމިޔާބު ވާނެކަމެވެ. އަދި ތައުލީމު އުނގެނޭކަން ވަކި އުމުރެއް ނެތްކަމެވެ.
ކުޓިޔަންމާ ބޮޑުވެގެން އައީ މަންމަ އާއި ބައްޕަ އާއި އެކު ދަނޑުވެރިކަން ކުރުމުގައެވެ. އެއަށްފަހު ޒުވާން އުމުރުގައި އަޔުރްވެދިކް ބޭސްވެރިޔަކާ ކައިވެނިކޮށްފައިވެއެވެ. ކައިވެނީގެ ކަންތައްތަކުގެ ތެރެއިންވެސް އޭނާ އެންމެ ދެކެމުން އައި ހުވަފެނަކީ ލިޔަން ކިޔަން ދަސްކުރުމެވެ. އޭނާ ގަބޫލު ކުރާ ގޮތުގައި އޭނާ ދިރިއުޅެމުންދާ އަވަށަކީ ފަގީރު ސަރަހައްދަކަށްވުމުން ތައުލީމު އުނގެނުން މިއީ ވަރަށްވެސް މުހިންމު ކަމެކެވެ.
ނަމަވެސް ދެންވެސް ކަންތައް ދިމާވީ މުޅިން އުންމީދުކުރިގޮތާ ހިލާފަށެވެ. ކައިވެންޏަކަށް ފަހު، އޭނާ އަށް ގިނަބަޔަކު ވިސްނައިދިނީ ގޭގައި އިނދެ ދަރިންހޯދައި ދަރިންބެލުމަށެވެ.
ކުޓިޔަންމާގެ ކައިވެންޏަށް 5 ކުދިން ލިބި، އެކުދިން ބޮޑުވެ މާމަ ދަރިން ލިބުނު އިރުވެސް އޭނާ ދެކެމުން އައި ހުވަފެން ހަގީގަތަކަށް ހެދުމުގެ އުންމީދުގެ ކުލައެއް ފަނޑެއް ނުވެއެވެ. އެގޮތުން މާމަ ދަރިން ލިބުނު ފަހުން އޭނާ ވަނީ މަލަޔާލަމް ބަހުގެ އަކުރުތައް ލިޔަން ކިޔަން ދަސްކޮށްފައެވެ.
އުމުުރުން 104 ގައި ލިޔަން ކިޔަން އުނގެނި ލިބުނު ކާމިޔާބީއާއެކު، ކުޓިޔަންމާ ކޮންތީ ދައްކައިދިނީ، ހުވަފެންތައް ކާމިޔާބު ކުރުމަށް އުންމީދު ނަގާނުލައި ގަދައަޅައި މަސައްކަތްކޮށްފިނަމަ ކާމިޔާބު ވާނެކަމެވެ. އަދި ތައުލީމު އުނގެނޭކަން ވަކި އުމުރެއް ނެތްކަމެވެ.
ކިޔުންތެރިންގެ ހިޔާލު