އިލެކްޝަންސް ކޮމިޝަންގެ ރައީސް ފުއާދު ތައުފީގުގެ ދަރިކަލުން އަހުމަދު ތައުފީގު އިދިކޮޅު ޕީޕީއެމަށް ސޮއިކޮށްފިއެވެ.

ފުއާދު ތައުފީގްގެ ދަރިކަލުން އަހުމަދު ތައުފީގު ޕީޕީއެމަށް ސޮއިކުރުމަށްފަހު އޭނާގެ ފޯމް ޕީޕީއެމްގެ ރައީސް އަބްދުﷲ ޔާމީނާ ހަވާލުކުރީ ރޭ ޕީޕީއެމް އޮފީހުގައި ބޭއްވި ރަސްމިއްޔާތެއްގައެވެ.

އަހުމަދު ފުއާދަކީ މަޝްހޫރު ގިޓަރިސްޓެއްގެ އިތުރުން، މޮޅު ރާޒުވާ ކުޅުންތެރިޔެކެވެ.

Elections Commission ge Raees Fuad Thaufeeg ge dharikalun, hunaruveri guitarist adhi Chess Master Ahmed Fuad mirey PPM ah soi koffi.
Marhabaa. #MavesPPM #IndiaOut pic.twitter.com/rsgNEnTIff

— Progressive Party of Maldives (@ProgressPartyMV) December 30, 2021

އަހުމަދު ފުއާދު ޕީޕީއެމަށް ސޮއިކުރިއިރު، އޭނާގެ ބައްޕާފުޅު އިލެކްޝަންސް ކޮމިޝަންގެ ރައީސް ފުއާދު ތައުފިގަކީ އަބަދުވެސް އެމްޑީޕީގެ ހަރަކާތްތަކުގައި އުޅުއްވި ބޭފުޅެކެވެ. އަދި ރައީސް ޔާމީންގެ ވެރިކަމުގައި ލަންކާގައި އެމްޑީޕީގެ ހަރަކާތްތަކުގައި އިސްކޮށް ފުއާދު އުޅުއްވިއެވެ. އޭގެފަހުން މިދިޔަ މަޖިލިސް އިންތިހާބުގައި އެމްޑީޕީގެ ޕްރައިމަރީގައިވެސް ފުއާދު ވާދަކުރެއްވިއެވެ.

އިލެކްޝަންސް ކޮމިޝަންގެ މެމްބަރުކަމަށް ފުއާދު ދެވަނަ ފަހަރަށް ވަޑައިގަތީ 2019 ވަނަ އަހަރުއެވެ. އޭގެކުރިން 2009 އިން 2013 ވަނަ އަހަރާއި ހަމައަށް ވެސް އިލެކްޝަންސް ކޮމިޝަނުގެ މެމްބަރުކަން ފުއާދު އަދާކުރެއްވިއެވެ.