ސަރުކާރާ ދެކޮޅަށް ކުރަމުންދާ މުޒާހަރާތައް ހޫނުވެ ކެނެޑާގައި ކުއްލި ހާލަތު އިއުލާންކޮށްފިއެވެ.
ކެނެޑާގެ ސަރުކާރާ ދެކޮޅަށް ކުރަމުންދާ މުޒާހަރާތަކަކީ އެގައުމުގައި ކޮވިޑް ވެކްސިން ޖެހުން މަޖުބޫރުކުރުވާ ގަވާއިދުގެ ދަށުން އެމެރިކާ އަދި ކެނެޑާ ބޯޑަރު ހުރަސްކުރާ ޓްރަކް ދުއްވާ ފަރާތްތައް ވެކްސިން ޖަހަން މަޖުބޫރުކުރުވުމާއި ގުޅިގެން ފެށި މުޒާހަރާތަކެކެވެ. ހުސްވިމަހު ތަންފީޒު ކުރި މިގަވާއިދުގެ ދަށުން އެމެރިކާ އަދި ކެނެޑާ ބޯޑަރު ހުރަސްކުރެވޭނީ ވެކްސިނުގެ ދެޑޯޒުފުރިހަމަކޮށްފައިވާ ޓްރަކް ދުއްވާ ފަރާތްތަކަށެވެ.
މިގަވާއިދާއެކު ވެކްސިން ޖެހުމާއި ދެކޮޅު ފަރާތްތަކުން ވަނީ ހުސްވިމަހުން ފެށިގެން އެމެރިކާ އަދި ކެނެޑާ ގުޅޭ ބޯޑަރު ސަރަހައްދުގައި މުޒާހަރާ ކުރަން ފަށާފައެވެ. އަދި މިމުޒާހަރާތަކުގައި ބައިވެރިވާ ޓްރަކް ދުއްވާ ފަރާތްތަކުން ވަނީ ބޯޑަރު ހުރަސްވާގޮތަށް އެމީހުން ދުއްވާ ޓްރަކްތައް ޕާކްކޮށް މަގުތައް ބްލޮކްކޮށްފައެވެ.
ވެކްސިން ޖެހުން މަޖުބޫރުކުރުވާ ގަވާއިދު އުވާލުމަށް ގޮވާލާ ކުރަންފެށި މުޒާހަރާ އިތުރަށް ހޫނުވެ، މުޒާހަރާގެ ބައިވެރިން ވަނީ ކޮވިޑާއި ގުޅިގެން ކެނެޑާގައި އަޅާފައިވާ ރައްކާތެރިކަމުގެ ފިޔަވަޅުތައް އުވާލުމަށް ގޮވާލާ ކެނެޑާގެ ބޮޑުވަޒީރު ވެރިކަންކުރާ އުސޫލުތަކާ މެދު ސުވާލު އުފައްދާކަމަށްވެސް ހާމަކޮށްފައެވެ. މުޒާހަރާގެ ބައިވެރިންވަނީ ބޯޑަރު ސަރަހައްދުގެ އިތުރުން، ކެނެޑާގެ އެކި ސަރަހައްދުތަކުގެ މަގުތައް ބަންދުކޮށް، ސަރުކާރުގެ އެކި ވުޒާރާތައް ދޮށުގައިވެސް މުޒާހަރާ ކުރަން ފަށާފައެވެ.
މީގެއިތުރުން މުޒާހަރާތައް ކޮންޓްރޯލް ކުރަން ނުކުތް ސަލާމަތީ ބާރުތަކުގެ މަސައްކަތަށްވެސް މުޒާހަރާގެ ބައިވެރިންވަނީ ހުރަސްއަޅާފައެވެ.
މިއާއެކު މުޒާހަރާތައް ކޮންޓްރޯލްކުރުމަށް ކެނެޑާގެ ބޮޑުވަޒީރު ޖަސްޓިން ޓްރޫޑޯ ވަނީ ކެނެޑާގައި ގާނޫނީ ބާރުގެ ދަށުން ކުއްލި ހާލަތު އިއުލާންކޮށްފައެވެ. މިގަވާއިދުގެ ދަށުން މުޒާހަރާގެ ބައިވެރިންނާ ދެކޮޅަށް ހަރުކަށި ބާރުގެ ބޭނުންކުރުމަށް ކެނެޑާގެ ސަލާމަތީ ބާރުތަކަށް ހުއްދަލިބިގެންދާނެއެވެ. ރައްޔިތުންގެ ރައްކާތެރިކަން އިސްކުރާ މިގަވާއިދު ކުރިއަށް އޮތް 30 ދުވަހަށް ތަންފީޒުކުރަން ހަމަޖެހިފައިވާކަމަށް ކެނެޑާގެ ބޮޑުވަޒީރު ޖަސްޓިން ޓްރޫޑޯ ވިދާޅުވެފައިވެއެވެ.
މިގަވާއިދާއެކު ވެކްސިން ޖެހުމާއި ދެކޮޅު ފަރާތްތަކުން ވަނީ ހުސްވިމަހުން ފެށިގެން އެމެރިކާ އަދި ކެނެޑާ ގުޅޭ ބޯޑަރު ސަރަހައްދުގައި މުޒާހަރާ ކުރަން ފަށާފައެވެ. އަދި މިމުޒާހަރާތަކުގައި ބައިވެރިވާ ޓްރަކް ދުއްވާ ފަރާތްތަކުން ވަނީ ބޯޑަރު ހުރަސްވާގޮތަށް އެމީހުން ދުއްވާ ޓްރަކްތައް ޕާކްކޮށް މަގުތައް ބްލޮކްކޮށްފައެވެ.
ވެކްސިން ޖެހުން މަޖުބޫރުކުރުވާ ގަވާއިދު އުވާލުމަށް ގޮވާލާ ކުރަންފެށި މުޒާހަރާ އިތުރަށް ހޫނުވެ، މުޒާހަރާގެ ބައިވެރިން ވަނީ ކޮވިޑާއި ގުޅިގެން ކެނެޑާގައި އަޅާފައިވާ ރައްކާތެރިކަމުގެ ފިޔަވަޅުތައް އުވާލުމަށް ގޮވާލާ ކެނެޑާގެ ބޮޑުވަޒީރު ވެރިކަންކުރާ އުސޫލުތަކާ މެދު ސުވާލު އުފައްދާކަމަށްވެސް ހާމަކޮށްފައެވެ. މުޒާހަރާގެ ބައިވެރިންވަނީ ބޯޑަރު ސަރަހައްދުގެ އިތުރުން، ކެނެޑާގެ އެކި ސަރަހައްދުތަކުގެ މަގުތައް ބަންދުކޮށް، ސަރުކާރުގެ އެކި ވުޒާރާތައް ދޮށުގައިވެސް މުޒާހަރާ ކުރަން ފަށާފައެވެ.
މިއާއެކު މުޒާހަރާތައް ކޮންޓްރޯލްކުރުމަށް ކެނެޑާގެ ބޮޑުވަޒީރު ޖަސްޓިން ޓްރޫޑޯ ވަނީ ކެނެޑާގައި ގާނޫނީ ބާރުގެ ދަށުން ކުއްލި ހާލަތު އިއުލާންކޮށްފައެވެ. މިގަވާއިދުގެ ދަށުން މުޒާހަރާގެ ބައިވެރިންނާ ދެކޮޅަށް ހަރުކަށި ބާރުގެ ބޭނުންކުރުމަށް ކެނެޑާގެ ސަލާމަތީ ބާރުތަކަށް ހުއްދަލިބިގެންދާނެއެވެ. ރައްޔިތުންގެ ރައްކާތެރިކަން އިސްކުރާ މިގަވާއިދު ކުރިއަށް އޮތް 30 ދުވަހަށް ތަންފީޒުކުރަން ހަމަޖެހިފައިވާކަމަށް ކެނެޑާގެ ބޮޑުވަޒީރު ޖަސްޓިން ޓްރޫޑޯ ވިދާޅުވެފައިވެއެވެ.
ކިޔުންތެރިންގެ ހިޔާލު