އިންޑިއާގައި ވަޅަކަށްވެއްޓި 13 މީހަކު މަރުވެއްޖެއެވެ.

މިމީހުން މަރުވެފައިވަނީ ކަައިވެންޏަށް ތައްޔާރުވުމުގެ ކުރިން ބާއްވާ ހަފްލާއެއް ކުރިއަށްދަނިކޮށެވެ. އިންޑިއާގެ ފުލުހުން ބުނީ 13 މީހުން މަރުވެފައިވަނީ ވަޅުގެ މަތީގައި އަޅާފައި އޮތް ބާ ޓިނުގަނޑުގެ މަތީގައި އިށީނދެތިއްބައި، ޓިނުގަނޑު ހަލާކުވެގެންނެވެ.

މިހާދިސާގައި މަރުވެފައިވާ 13 މީހުންގެ ތެރޭގައި ހިމެނެނީ އަންހެނުންނާއި ކުޑަކުދިން އެކަނިކަމަށް ފުލުހުން ހާމަކޮށްފައިވެއެވެ. އަދި އިތުރު 10 މީހަކު މިވަޅަށް ވެއްޓި އަނިޔާވިކަމަށްވެސް ފުލުހުން ހާމަކޮށްފައިވެއެވެ.

ނަމަވެސް މިހާދިސާގަައި މަރުވެފައިވަނީ އާއިލާގެ މީހުން ނޫންކަމަށާއި، މަރުވީ ކައިވެންޏަށް ހާޒިރުވި ފަރާތްތައް އެކަނިކަމަށް އާއިލާއާއި ހަވާލާދީ ފުލުހުން ބުންޏެވެ.

މިހާދިސާއާއި ގުޅިގެން އިންޑިއާގެ ބޮޑުވަޒީރު ނަރެންދްރަ މޯދީ ވަނީ މަރުވި މީހުންގެ އާއިލާތަކަށް ތައުޒިޔާ ވިދާޅުވެފައެވެ.