ޔުކްރެއިނުގައި ތިބި އިންޑިއާގެ ރައްޔިތުން، އިންޑިއާއަށް އަނބުރާ ގެނައުމުގެ މަސައްކަތްފަށައިފިއެވެ.

އެގޮތުން މިހާރުވަނީ އިންޑިއާގެ ރަސްމީ އެއަރލައިނުން އިންޑިއާއާއި ޔުކްރެއިނާއި ދެމެދު ތިން ފްލައިޓެއް ތާވަލުކޮށްފައެވެ. އެއަރއިންޑިއާގެ މިތިންފްލްއިޓު ތާވަލުކޮށްފައިވަނީ މިމަހުގެ 22، 24 އަދި 26 ގައި ބާއްވާ ގޮތަށެވެ.

އިންޑިއާ ސަރުކާރުން މިފަދަ ނިންމުމެއް ނިންމާފައިވަނީ ރަޝިޔާއާއި ޔޫކްރެއިންގެ މަސްރަހު ހޫނުވެ، ޔޫކްރެއިނަށް ހަމަލާދީ، އެ ގައުމު ހިފަން އުޅޭކަމުގެ ބިރަށެވެ. 

ނަމަވެސް ރަޝިޔާއިން ޔޫކްރެއިނަށް ހަމަލާދީ، އެ ގައުމު ހިފަން އުޅޭކަމަށް ދައްކާ ވާހަކަތައް ރަޝިޔާއިން ވަނީ ދޮގުކޮށްފައެވެ. އެގޮތުން ރަޝިޔާއާއި ޔޫކްރެއިން ގުޅޭ ބޯޑަރު ކައިރިއަށް ޖަމާކޮށްފައިވާ ރަޝިޔާގެ ސިފައިން، ބޯޑަރު ސަރަހައްދު ދޫކޮށް ދިއުމުގެ މަސައްކަތް ފަށާފައިވާކަމަށް މިދިޔަ ހުކުރުދުވަހު ރަޝިއާގެ ޑިފެންސް މިނިސްޓްރީން ހާމަކޮށްފައިވެއެވެ.