ކެތޭ ޕެސިފިކް އެއަރލައިނުން ފަސިންޖަރުން ގޮވައިގެން ދުނިޔޭގެ އެންމެ ދިގު ދަތުރުކުރަން ނިންމައިފިއެވެ.

ނިއުޔޯކުން ހޮންގްކޮންގަށް ކުރަން ހަމަޖެހިފައިވާ މިދަތުރު ދިގުލައިގެންދަނީ ރަޝިޔާގެ ވައިގެ މަގު ހުރަސް ނުކުރުމަށް ނިންމައި އެހެން މަގަކުން ދަތުރުކުރަން ނިންމުމުންނެވެ. އެގޮތުން މިފްލައިޓު ދަތުރުކުރާނީ އާންމުކޮށް ދަތުރުކުރާ ޕެސިފިކް ކަނޑާ ދިމާލުން ވައިގެމަގު ދޫކޮށް އެންޓްލާންޓިކް ސަރަހައްދުގެ ވައިގެމަގުންނެވެ.

ކެތޭ ޕެސިފިކް އެއަރލައިންސުން ރަޝިޔާގެ ވައިގެ މަގު ހުރަސް ނުކުރުމަށް ނިންމައިފައިވަނީ ރަޝިޔާއިން ޔުކްރެއިނަށް ދެމުންދާ ވައިގެ ހަމަލަތަކާއިއެކު ރަޝިޔާގެ ވައިގެ މަގުން ދަތުރުކުރުން ރައްކާތެރި ނޫންވީމައެވެ. މިހަމަލާތަކާއެކު މިހާރުވަނީ ރަޝިޔާ އަދި ޔުކްރެއިނުގެ ވައިގެ މަގުވެސް އާންމު ފަސިންޖަރުން އުފުލާ ބޯޓުތަކަށް ބަންދުކޮށްފައެވެ.

އެގޮތުން ނިއުޔޯކުން ހޮންގްކޮންގަށް ކުރަން ހަމަޖެހިފައިވާ 10،357 މޭލުގެ މި ދަތުރު 17 ވަރަކަށް ގަޑިއިރުތެރޭގައި ފުރިހަމަކުރާނެ ކަމަށް ކެތޭ ޕެސިފިކުން ބުނެއެވެ.

މިހެންކަމުން ކެތޭ ޕެސިފިކް އެއަރލައިނުން ނިއުޔޯކުން ހޮންގްކޮންގަށް ކުރާ މިދަތުރު ވެގެންދާނީ ފަސިންޖަރުން ގޮވައިގެން ކުރާ އެންމެ ދިގުދަތުރަށެވެ.