ސްރީލަންކާގެ ޔޫތު މިނިސްޓަރ ނަމާލް ރާޖަޕަކްސަ މަގާމުން އިސްތިއުފާ ދެއްވައިފިއެވެ.
މިނިސްޓަރ ނަމާލް ރާޖަޕަކްސަ މަގާމުން އިސްތިއުފާ ދެއްވާފައިވަނީ ސްރީލަންކާގެ ރައީސް ގޮޓަބަޔަ ރާޖަޕަކްސަަގެ އާއިލީ ސަރުކާރު އިސްތިއުފާއަށް ގޮވަމުންދާ ދަނޑިވަޅެއްގައެވެ.
ލަންކާގެ އިގްތިސާދީ ހާލަތު ދަށްވެ، ކާބޯތަކެއްޗާއި ތެޔޮ ފަދަ ތަކެތީގެ އަގުބޮޑުވުމާއި ގުޅިގެން ކުރަމުންދާ މުޒާހަރާތަކުގައި ރައީސް ގޮޓަބަޔަ ރާޖަޕަކްސަގެ ސަރުކާރުގެ އިހުމާލުންކަމަށްބުނެ އެތައް ތުހުމަތެއްކޮށް ފާޑު ކިޔަމުންދެއެވެ.
އެގޮތުން ރައީސް ގޮޓަބަޔަ ރާޖަޕަކްސަ އަކީ ބާޣީއެއްކަމަށް ގޮވާ އިސްތިއުފާއަށް ގޮވައި، ލަންކާގެ ވެރިރަށް ކޮލޮމްބޯގައި މިދިޔަ ބުރާސްފަތި ދުވަހު ކުރި މުޒާހަރާތައް ހޫނުވެ ލަންކާގެ ފުލުހުން ވަނީ ބާރުގެ ބޭނުންކޮށް މުޒާހަރާތައް ރޫޅާލައި ކޮލޮމްބޯގެ ބޮޑު ސަރަހައްދަކަށް ކާފިއު އިއުލާންކޮށް ކުއްލި ހާލަތު ވެސް އިއުލާންކޮށްފައިވެއެވެ. މީގެއިތުރުން މިއަދު ސޯޝަލް މީޑިއާ ބޭނުން ކުރުން މަނާ ކުރުމާއިއެކު އަނެއްކާވެސް ގިނަބަޔަކު ވަނީ މަގުމައްޗަށް ނިކުމެ ރައީސް ގޮޓަބަޔަ ރާޖަޕަކްސަގެ ސަރުކާރާ ދެކޮޅަށް މުޒާހަރާ ކުރަން ފަށާފައެވެ.
ސްރީލަންކާގެ ޑިފެންސް މިނިސްޓްރީގެ އެދުމަށް މިއަދު އެގައުމުގައި ސޯޝަލްމީޑިއާ ބޭނުން ނުކުރެވޭ ގޮތް ހަދަން ނިންމުމާއިއެކު ސްރީލަންކާގެ ރައީސްގެ ކޮށްކޯފުޅު އަދި ޔޫތު މިނިސްޓަރ ނަމާލް ރާޖަޕަކްސަ ވަނީ އެނިންމުމާމެދު ހިތްހަމަޖެހިވަޑައިނުގަންނަވާކަމަށް ވިދާޅުވެފައެވެ. އެގޮތުން ސޯޝަލް މީޑިއާ ބްލޮކް ކުރުމަށް ސަރުކާރުން ނިންމި ނިންމުން ބަލައި ނުގަނެވޭނެކަމަށާއި، މިޒަމާނަކީ ވީޕީއެން ބޭނުންކޮށްގެންވެސް ސޯޝަލް މީޑިއާ ބޭނުން ކުރެވޭނެ ޒަމާނެއްކަމަށްވުމުން ސޯޝަލް މީޑިއާ ބޭނުން ކުރުން މަނާކުރުމަކީ ކަމުގެ ހައްލެއް ނޫން ކަމަށް ނަމާލް ވިދާޅުވެފައިވެއެވެ.
ނަމާލްގެ މިވާހަކަތަކާއެކު ރައީސް ގޮޓަބަޔަ ރާޖަޕަކްސަގެ ސަރުކާރު އޮތީ ބައިބައިވެފައިކަމުގެ މައުލޫމާތު ތުންތުން މަތިން ފެތުރެންފެށިއެވެ. އަދި އާ ބޮޑުވަޒީރަކާއިއެކު ވަގުތީ ސަރުކާރެއް ގާއިމުކޮށް ލަންކާގައި މިހާރު އޮތް ސިޔާސީ ހަލަބޮލި ކަމަށް ހައްލެއް ގެނައުމަށް ޕާޓީތަކުން ހުށަހަޅާފައިވާކަމަށްވެސް ހަބަރުތައް ފެތުރެންފެށިއެވެ.
މައުލޫމާތު ލިބޭގޮތުގައި ނަމާލް ރާޖަޕަކްސަ މަގާމުން އިސްތިއުފާ ދެއްވުމުގެ ކުރިން އެމަނިކުފާނުގެ އަނބިކަނބަލުންނާއިއެކު، އާއިލާގެ ބައެއް ބޭފުޅުން ވަނީ މިއަދުގެ ހެނދުނުގެ ވަގުތެއްގައި ލަންކާ އިން ފުރާވަޑައިގެންފައެވެ.
ލަންކާގެ އިގްތިސާދީ ހާލަތު ދަށްވެ، ކާބޯތަކެއްޗާއި ތެޔޮ ފަދަ ތަކެތީގެ އަގުބޮޑުވުމާއި ގުޅިގެން ކުރަމުންދާ މުޒާހަރާތަކުގައި ރައީސް ގޮޓަބަޔަ ރާޖަޕަކްސަގެ ސަރުކާރުގެ އިހުމާލުންކަމަށްބުނެ އެތައް ތުހުމަތެއްކޮށް ފާޑު ކިޔަމުންދެއެވެ.
އެގޮތުން ރައީސް ގޮޓަބަޔަ ރާޖަޕަކްސަ އަކީ ބާޣީއެއްކަމަށް ގޮވާ އިސްތިއުފާއަށް ގޮވައި، ލަންކާގެ ވެރިރަށް ކޮލޮމްބޯގައި މިދިޔަ ބުރާސްފަތި ދުވަހު ކުރި މުޒާހަރާތައް ހޫނުވެ ލަންކާގެ ފުލުހުން ވަނީ ބާރުގެ ބޭނުންކޮށް މުޒާހަރާތައް ރޫޅާލައި ކޮލޮމްބޯގެ ބޮޑު ސަރަހައްދަކަށް ކާފިއު އިއުލާންކޮށް ކުއްލި ހާލަތު ވެސް އިއުލާންކޮށްފައިވެއެވެ. މީގެއިތުރުން މިއަދު ސޯޝަލް މީޑިއާ ބޭނުން ކުރުން މަނާ ކުރުމާއިއެކު އަނެއްކާވެސް ގިނަބަޔަކު ވަނީ މަގުމައްޗަށް ނިކުމެ ރައީސް ގޮޓަބަޔަ ރާޖަޕަކްސަގެ ސަރުކާރާ ދެކޮޅަށް މުޒާހަރާ ކުރަން ފަށާފައެވެ.
ސްރީލަންކާގެ ޑިފެންސް މިނިސްޓްރީގެ އެދުމަށް މިއަދު އެގައުމުގައި ސޯޝަލްމީޑިއާ ބޭނުން ނުކުރެވޭ ގޮތް ހަދަން ނިންމުމާއިއެކު ސްރީލަންކާގެ ރައީސްގެ ކޮށްކޯފުޅު އަދި ޔޫތު މިނިސްޓަރ ނަމާލް ރާޖަޕަކްސަ ވަނީ އެނިންމުމާމެދު ހިތްހަމަޖެހިވަޑައިނުގަންނަވާކަމަށް ވިދާޅުވެފައެވެ. އެގޮތުން ސޯޝަލް މީޑިއާ ބްލޮކް ކުރުމަށް ސަރުކާރުން ނިންމި ނިންމުން ބަލައި ނުގަނެވޭނެކަމަށާއި، މިޒަމާނަކީ ވީޕީއެން ބޭނުންކޮށްގެންވެސް ސޯޝަލް މީޑިއާ ބޭނުން ކުރެވޭނެ ޒަމާނެއްކަމަށްވުމުން ސޯޝަލް މީޑިއާ ބޭނުން ކުރުން މަނާކުރުމަކީ ކަމުގެ ހައްލެއް ނޫން ކަމަށް ނަމާލް ވިދާޅުވެފައިވެއެވެ.
މައުލޫމާތު ލިބޭގޮތުގައި ނަމާލް ރާޖަޕަކްސަ މަގާމުން އިސްތިއުފާ ދެއްވުމުގެ ކުރިން އެމަނިކުފާނުގެ އަނބިކަނބަލުންނާއިއެކު، އާއިލާގެ ބައެއް ބޭފުޅުން ވަނީ މިއަދުގެ ހެނދުނުގެ ވަގުތެއްގައި ލަންކާ އިން ފުރާވަޑައިގެންފައެވެ.
ކިޔުންތެރިންގެ ހިޔާލު