އދ ގެ އިންސާނީ ހައްގުތަކާބެހޭ ކައުންސިލުން ރަޝިޔާ ސަސްޕެންޑު ކުރުމުން ރަޝިޔާ އެކައުންސިލުން އިސްތިއުފާ ދީފިއެވެ.
ރަޝިޔާއިން ޔުކްރެއިނަށް ދެމުންދާ ހަމަލާތަކުގެ ތެރެއިން އަނިޔާވެރިގޮތަކަށް ގިނަ އަދަދެއްގެ އާންމުން މަރަމުންދިއުމާއިއެކު، އެމެރިކާއިން އިސްނަގައިގެން އދ. ގެ އިންސާނީ ހައްގުތަކާ ބެހޭ ކައުންސިލުން ރަޝިޔާ ސަސްޕެންޑު ކުރަން އެދުނު އެދުމަށް ވޯޓު ނަގާފައިވަނީ މިދިޔަ ބުރާސްފަތި ދުވަހުއެވެ. މިވޯޓުގައި ރަޝިޔާ ސަސްޕެންޑުކުރުމަށް ފާސްވެފައިވަނީ 93 ވޯޓުގެ އަޣުލަބިއްޔަތުންނެވެ.
ވޯޓު ނެގުމަށްފަހު ވާހަކަދައްކަވަމުން ރަޝިޔާއިން އދ އަށް ކަނޑައަޅާފައި ހުންނަވާ ޑެޕިއުޓީ އެމްބެސެޑަރ ގެނެޑީ ޣުޒްމިން ވިދާޅުވީ ރަޝިޔާ ސަސްޕެންޑު ކުރުމަށް ނެގި ވޯޓަކީ ގާނޫނާ ހިލާފަށް ސިޔާސީ ނުފޫޒުން ނެގި ވޯޓެކެވެ. އަދި ވޯޓު ނެގުމުގެ ކުރިން އިންސާނީ ހައްގުތަކާ ބެހޭ ކައުންސިލުން ދާއިމީކޮށް ވަކިވުމަށް އިސްތިއުފާ ދީފާއިވާކަމަށް ވިދާޅުވިއެވެ.
އދ ގެ އިންސާނީ ހައްގުތަކާ ބެހޭ ކައުންސިލުން ރަޝިޔާ އިސްތިއުފާ ދިންކަން އިއުލާން ކުރިއިރު، އެކައުންސިލުގެ މެމްބަރުކަމުގެ ތިން އަހަރު ދުވަހުގެ މިދައުރު ނިމެން އަދި އެއް އަހަރު ދުވަހަށްވުރެ ގިނަ ދުވަސް ބާކީ އޮތްކަމަށްވެއެވެ. އަދި އެކައުންސިލުން އިސްތިއުފާ ނުދިންނަމަ، ސަސްޕެންޝަން އުވާލަައި ރަޝިޔާއަށް އަލުން އެކައުންސިލުގެ މެމްބަރުކަން ލިބުމުގެ ފުރުސަތު އޮތްކަމަށް ކަމާބެހޭ މާހިރުން ބުނެއެވެ.
އދގެ އިންސާނީ ހައްގުތަކާބެހޭ ކައުންސިލުން ރަޝިޔާ ސަސްޕެންޑު ކުރުމުގެ މައްސަލަ ފެންމަތިވެގެން ދިޔައީ، ރަޝިޔާގެ ހަމަލާތަކުގެ ފުރަތަމަ ފޭސް ނިންމައި ރަޝިޔާއިން ހިފާފައިވާ ޔުކްރެއިނުގެ ބައެއް ސަރަހައްދުތަކުގެ ތެރެއިން ޔުކްރެއިނުގެ ބުޗާ ސިޓީ ދޫކޮށް ރަޝިޔާގެ ސިފައިން ފޭބިއިރު އަނިޔާވެރިގޮތަކަށް ގިނަ އާންމުން މަރައި ކުނިވާން މަގުތައްމައްޗަށް އުކާލައިފައި ތިބި މަންޒަރު ސެޓެލައިޓް ފޮޓޯ ތަކުން އާންމު ކުރުމުންނެވެ. ސެޓެލައިޓް ފޮޓޯއާއި ވީޑިއޯތަކުން ފެންނަ ގޮތުގައި ޔުކްރެއިނުގެ ބުޗާ ސިޓީގެ ގިނަ އަދަދެއްގެ އާންމުންގެ އަތްތައް ފަހަތަށް އައްސައި، ބޮލަށް ބަަޑިޖަހައިފައި ހުރިކަން ފާހަގަވެއެވެ.
ވޯޓު ނެގުމަށްފަހު ވާހަކަދައްކަވަމުން ރަޝިޔާއިން އދ އަށް ކަނޑައަޅާފައި ހުންނަވާ ޑެޕިއުޓީ އެމްބެސެޑަރ ގެނެޑީ ޣުޒްމިން ވިދާޅުވީ ރަޝިޔާ ސަސްޕެންޑު ކުރުމަށް ނެގި ވޯޓަކީ ގާނޫނާ ހިލާފަށް ސިޔާސީ ނުފޫޒުން ނެގި ވޯޓެކެވެ. އަދި ވޯޓު ނެގުމުގެ ކުރިން އިންސާނީ ހައްގުތަކާ ބެހޭ ކައުންސިލުން ދާއިމީކޮށް ވަކިވުމަށް އިސްތިއުފާ ދީފާއިވާކަމަށް ވިދާޅުވިއެވެ.
އދގެ އިންސާނީ ހައްގުތަކާބެހޭ ކައުންސިލުން ރަޝިޔާ ސަސްޕެންޑު ކުރުމުގެ މައްސަލަ ފެންމަތިވެގެން ދިޔައީ، ރަޝިޔާގެ ހަމަލާތަކުގެ ފުރަތަމަ ފޭސް ނިންމައި ރަޝިޔާއިން ހިފާފައިވާ ޔުކްރެއިނުގެ ބައެއް ސަރަހައްދުތަކުގެ ތެރެއިން ޔުކްރެއިނުގެ ބުޗާ ސިޓީ ދޫކޮށް ރަޝިޔާގެ ސިފައިން ފޭބިއިރު އަނިޔާވެރިގޮތަކަށް ގިނަ އާންމުން މަރައި ކުނިވާން މަގުތައްމައްޗަށް އުކާލައިފައި ތިބި މަންޒަރު ސެޓެލައިޓް ފޮޓޯ ތަކުން އާންމު ކުރުމުންނެވެ. ސެޓެލައިޓް ފޮޓޯއާއި ވީޑިއޯތަކުން ފެންނަ ގޮތުގައި ޔުކްރެއިނުގެ ބުޗާ ސިޓީގެ ގިނަ އަދަދެއްގެ އާންމުންގެ އަތްތައް ފަހަތަށް އައްސައި، ބޮލަށް ބަަޑިޖަހައިފައި ހުރިކަން ފާހަގަވެއެވެ.
ކިޔުންތެރިންގެ ހިޔާލު