ޕާކިސްތާނުގެ ބޮޑުވަޒީރު އިމްރާން ޚާންގެ މައްޗަށް އިތުބާރު ނެތް ކަމަށް ފާސްކޮށް މަގާމުން ދުރުކުރުމަށްފަހު، އާބޮޑުވަޒީރަކު މަގާމާ ހަވާލުވެވަޑައިގެން ހުވާކުރުން ހޯމަ ދުވަހު ކުރިއަށްގެންދިއުމަށް، ޕާކިސްތާނުގެ ގާނޫނު ހަދާ މަޖިލީހުގައި ތާވަލުކޮށްފިއެވެ.
ޕާކިސްތާނުގެ ބޮޑުވަޒީރު އިމްރާން ޚާންގެ މައްޗަށް އިތުބާރު ނެތް ކަމަށް ފާސްކުރީ ގާނޫނު ހަދާ މަޖިލީހުގައި ހޮނިހިރު ދުވަހުގެ ރޭ ނެގި ވޯޓުގައެެވެ. މިވޯޓުގައި 174 މެމްބަރުން ވަނީ އިމްރާން ޚާންގެ އިތުބާރުނެތްކަމަށް ވޯޓް ދެއްވާފައެެވެ.
އިމްރާން ޚާން މަގާމުން ވަކިކުރުމަށް އިތުބާރުނެތްކަމުގެ ވޯޓެއް ނަގަން ޕާކިސްތާނުގެ ގާނޫނު ހަދާ މަޖިލީހަށް ހުށައަޅާފައިވަނީ އެގައުމުގެ އިގްތިސާދީ ހާލަތު ގޯސްވާންޖެހުނީ ބޮޑުވަޒީރުގެ ސަބަބުންކަމަށް ތުހުމަތުކޮށެވެ. ނަމަވެސް މިއީ އެމެރިކާފަދަ ހުޅަނގުގެ ގައުމުތަކުގެ ނުފޫޒުން ކުރާކަމެއްކަމަށް ބޮޑުވަޒީރު އިމްރާން ޚާން ދަނީ ތުހުމަތުކުރައްވަމުންނެވެ.
އަދި ޚާން މަގާމުން ދުރުކުރެެއްވުމާއިއެކު ޕާކިސްތާނުގައި އެމަނިކުފާނަށް ސަޕޯޓުކުރާ ފަރާތްތަކުން ދަނީ މަގުމައްޗަށް ނިކުމެ މުޒާހަރާކުރަމުންނެވެ. ޚާން ވަނީ ގިނަބަޔަކު ނިކުމެ އިދިކޮޅުން އިސްނަގައިގެން އެމަނިކުފާނު މަގާމުން ދުރުކުރުން ކުށްވެރިކޮށް ގިނަބަޔަކު ކުރަމުންދާ މުޒާހަރާއަށް ސާބަސް ދެއްވައި، ޕާކިސްތާނުގެ ތާރީޙުގައިވެސް މިފަދަ ސަޕޯޓެއް ނުފެންނަކަމަށް ވިދާޅުވެފައެވެ.
އިމްރާން ޚާން މަގާމުން ދުރުކޮށްފައިވާއިރު، އާ ބޮޑުވަޒީރަކު އައްޔަނު ކުރުމަށް ޕާކިސްތާނުގެ ގާނޫނު ހަދާ މަޖިލީހުގައި ވަނީ ތާވަލުކޮށްފައެވެ. އަދި ބޮޑުވަޒީރުކަމުގެ މަގާމަށް ޕާކިސްތާނުގެ ގާނޫނު ހަދާ މަޖިލީހުގެ އަގުލަބިއްޔަތާއެކު ހޮވިވަޑައިގަންނަވާނީ އިމްރާން ޚާން މަގާމުން ދުރުކުރެެއްވުމަށް އެންމެ އިސްކޮށް ހަރަކާތްތެރިވި އިދިކޮޅު ޕާޓީ ކޯލިޝަންގެ ލީޑަރ ޝަހްބާޒް ޝަރީފް ކަމަށް ގިނަބަޔަކު ވަނީ ލަފާކޮށްފައެވެ. އެގޮތުން ޕާކިސްތާނުގެ ގާނޫނު ހަދާ މަޖިލީހުގައި ބޮޑުވަޒީރަކު ހޮވުމަށް ވޯޓުލުން ކުރިއަށްދާނީ ޕާކިސްތާނު ގަޑިން މިއަދު މެންދުރުފަހު 2 ޖަހާއިރުއެވެ.
އިމްރާން ޚާން މަގާމުން ވަކިކުރުމަށް އިތުބާރުނެތްކަމުގެ ވޯޓެއް ނަގަން ޕާކިސްތާނުގެ ގާނޫނު ހަދާ މަޖިލީހަށް ހުށައަޅާފައިވަނީ އެގައުމުގެ އިގްތިސާދީ ހާލަތު ގޯސްވާންޖެހުނީ ބޮޑުވަޒީރުގެ ސަބަބުންކަމަށް ތުހުމަތުކޮށެވެ. ނަމަވެސް މިއީ އެމެރިކާފަދަ ހުޅަނގުގެ ގައުމުތަކުގެ ނުފޫޒުން ކުރާކަމެއްކަމަށް ބޮޑުވަޒީރު އިމްރާން ޚާން ދަނީ ތުހުމަތުކުރައްވަމުންނެވެ.
އިމްރާން ޚާން މަގާމުން ދުރުކޮށްފައިވާއިރު، އާ ބޮޑުވަޒީރަކު އައްޔަނު ކުރުމަށް ޕާކިސްތާނުގެ ގާނޫނު ހަދާ މަޖިލީހުގައި ވަނީ ތާވަލުކޮށްފައެވެ. އަދި ބޮޑުވަޒީރުކަމުގެ މަގާމަށް ޕާކިސްތާނުގެ ގާނޫނު ހަދާ މަޖިލީހުގެ އަގުލަބިއްޔަތާއެކު ހޮވިވަޑައިގަންނަވާނީ އިމްރާން ޚާން މަގާމުން ދުރުކުރެެއްވުމަށް އެންމެ އިސްކޮށް ހަރަކާތްތެރިވި އިދިކޮޅު ޕާޓީ ކޯލިޝަންގެ ލީޑަރ ޝަހްބާޒް ޝަރީފް ކަމަށް ގިނަބަޔަކު ވަނީ ލަފާކޮށްފައެވެ. އެގޮތުން ޕާކިސްތާނުގެ ގާނޫނު ހަދާ މަޖިލީހުގައި ބޮޑުވަޒީރަކު ހޮވުމަށް ވޯޓުލުން ކުރިއަށްދާނީ ޕާކިސްތާނު ގަޑިން މިއަދު މެންދުރުފަހު 2 ޖަހާއިރުއެވެ.
ކިޔުންތެރިންގެ ހިޔާލު