އިންޑިއާގެ ބޭސް އުފައްދާ ފެކްޓްރީއެއްގައި ރޯވެ ހަ މީހަކު މަރުވެއްޖެއެވެ.

މިހާދިސާ ހިނގާދިޔަ އިންޑިއާގެ އަންދްރަ ޕްރަދޭޝް ސްޓޭޓްގައި ހުންނަ ޕޯރަސް ލެބްސް ކެމިކަލް ފެކްޓްރީގައި އަލިފާން ރޯވެފައިވަނީ މޮނޮމެތީލް ނައިޓްރިކް އެސިޑް ލީކުވެގެންނެވެ. ރޭ ދަންވަރު ހިނގާދިޔަ މިހާދިސާގައި 6 މީހަކު މަރުވެ، 13 މީހަކު ވަނީ ވަރަށް ބޮޑަށް އަނިޔާވެފައެވެ.

އިންޑިއާގެ ފުލުހުން ހާމަކޮށްފައިވާ ގޮތުގައި ހޮސްޕިޓަލުގައި ފަރުވާ ދެމުންދާ 13 މީހުންގެ ހަށިގަނޑު ވަނީ 80 އިންސައްތަ ފިހިފައެވެ. އަދި މިމީހުންގެ ހާލު ކްރިޓިކަލް ކަމަށްވެއެވެ.

މިހާދިސާއާއި ގުޅިގެން އިންޑިއާގެ ބޮޑުވަޒީރު ނަރެންދްރަ މޯދީ ވަނީ މިހާދިސާގައި މަރުވި މީހުންގެ އާއިލާތަކަށް ތައުޒީޔާ ވިދާޅުވެ ހިތާމަފާޅުކުރައްވާފައެވެ.

އިންޑިއާއަކީ އެކިކަހަލަ ބޭހާއި ވެކްސިން އުފެއްދުމުގައި ބައިނަލް އަގުވާމީގޮތުން އިސްދައުރެއް އަދާކުރާ ގައުމެކެވެ. އެގޮތުން ޕޯރަސް ލެބްސް ކެމިކަލް ފެކްޓްރީ އަކީވެސް އެކިކަހަލަ ބޭހުގެ އިތުރުން ބޭސް އުފައްދަން ބޭނުންވާ ހާއްސަ ކެމިކަލް ތައްޔާރު ކުރާ ކުންފުންޏެކެވެ.