ފިލިޕީންސައް އެރި ތޫފާން މޭޖީގެ ސަބަބުން މަރުވި މީހުންގެ އަދަދު 120 އަށް އަރައިފިކަމަށް ކަމާ ބެހޭ ވުޒާރާތަކުން ހާމަކޮށްފިއެވެ.

އާދީއްތަ ދުވަހު ފިލިޕީންސަށް އެރި މިތޫފާނުގައި ވައިގަދަވެ ބޯކޮށް ވާރޭވެހި ފެންބޮޑުވުމާއި ބިންގަނޑު ކަނޑައިގެން ދިއުމުގެ ހާދިސާތައް ހިނގާފައިވެއެވެ. އެގޮތުން 920،000 އަށްވުރެއް ގިނަމީހުންނަށް މިތޫފާނުގެ އަސަރުކޮށް، 200،000 އަށްވުރެ ގިނަމީހުން ވަނީ ރައްކާތެރި ސަރަހައްދުތަކަށް ބަދަލުކޮށްފައެވެ.

މިހާދިސާގައި އަދިވެސް އެތައްބަޔަކު ގެއްލިގެން ހޯދަމުންދާއިރު، މިހާތަނަށް 123 މީހަކު މަރުވެފައިވާކަމަށް ރިޕޯޓުތައް ބުނެއެވެ.

ފިލިޕީންސަކީ މިފަދަ ތޫފާނުތައް ގިނައިން ތަހައްމަލު ކުރާ ގައުމެކެވެ. އެގޮތުން އެވަރެޖްކޮށް އަހަރެއްގެ މައްޗަށް 20 ތޫފާން ފިލިޕީންސަށް އަރާކަމަށް ރިޕޯޓުތައް ބުނެއެވެ.

ތޫފާން މޭޖީ އަކީ މިއަހަރު ފިލިޕީންސަށް އަދި އެރި އެންމެ ވަރުގަދަ ތޫފާނެވެ. ހުސްވި އަހަރު ޑިސެމްބަރު މަހު ފިލިޕީންސަށް އެރި ތޫފާން ރައި ގެ ސަބަބުން 400 އެއްހާ މީހުން ވަނީ މަރުވެފައެވެ.