އުތުރު ކޮރެއާގެ ލީޑަރު ކިމް ޖޮންގ އުން، އުތުރު ކޮރެއާގެ އެންމެ މަޝްހޫރު ޓީވީ ޕްރެޒެންޓަރަށް، ލަގްޒަރީ އެޕާޓްމެންޓެއް ގަނެދީފިއެވެ.
އުތުރު ކޮރެއާގެ ޓީވީ ޕްރެޒެންޓަރ ރީ ޗުން ހީ އަށް ލަގްޒަރީ އެޕަރޓްމެންޓެއް ހަދިޔާކޮށްފައިވަނީ ހުސްވި ހަފްތާގައި އުތުރު ކޮރެއާގެ ވެރިރަށުގައި ހުޅުވި ލަގްޒަރީ އެޕާޓްމެންޓްތަކަށް ހާއްސަ އަވަށަކުންނެވެ. ކިމް ޖޮންގ އުން ހާމަކޮށްފައިވާގޮތުގައި މިލަގްޒަރީ އެޕަރޓްމެންޓްތަކަށް ހާއްސަ އަވަށުން ގައުމަށް ވާގިވެރިވެ ގައުމުދެކެ ލޯބިވާކަމުގެ މިސާލު ދައްކުވައިދޭ މީހުންނަށް އެޕަރޓްމެންޓް ހަދިޔާ ކުރަން ވަނީ ހަމަޖެހިފައެވެ.
އަސަރު ގަދަ ޚަބަރު ގެނެސް ދިނުމާއި މައުލޫމާތު ފޯރުކޮށްދިނުމުގައި ފާހަގަކޮށްލެވޭ އުމުރުން 76 އަހަރުގެ ޓީވީ ޕްރެޒެންޓަރ ރީ ޗުން ހީ އަކީ މިދާއިރާގައި 50 އަހަރު ތަޖުރިބާ ލިބިފައިވާ މީހެކެވެ. އޭނާ ވަނީ އުތުރު ކޮރެއާގެ ކުރީގެ ދެ ލީޑާރަކު ވެރިކަމުގައި ހުންނެވި އިރުވެސް ސަރުކާރުގެ މުހިންމު މައުލޫމާތުތައް ގެނެސް ދިނުމުގައި ޓީވީ ޕްރެޒެންޓަރެއްގެ ހައިސިއްޔަތުން މަސައްކަތް ކޮށްފައެވެ.
ޓީވީ ޕްރެޒެންޓަރ ރީ ޗުން ހީއަށް އެޕަރޓްމެންޓް ހަދިޔާ ކުރުމަށްފަހު އުތުރު ކޮރެއާގެ ލީޑަރު ކިމް ޖޮންގ އުން ވަނީ ރ ރީ ޗުން ހީއާއެކު އެޕަރޓްމެންޓްގެ ބައްލަވައިލެއްވުމުގައި ބައިވެރިވެވަޑައިގެންފައެވެ.
ޓީވީ ޕްރެޒެންޓަރ ރީ ޗުން ހީއަށް އެޕަރޓްމެންޓް ހަދިޔާ ކުރުމަށްފަހު އުތުރު ކޮރެއާގެ ލީޑަރު ކިމް ޖޮންގ އުން ވަނީ ރ ރީ ޗުން ހީއާއެކު އެޕަރޓްމެންޓްގެ ބައްލަވައިލެއްވުމުގައި ބައިވެރިވެވަޑައިގެންފައެވެ.
ކިޔުންތެރިންގެ ހިޔާލު