ހައި ކޯޓުގެ ދެ ފަނޑިޔާރުން ކަމަށްވާ ޢަބްދުއްރައޫފް އިބްރާހީމާއި ޢަބްދުﷲ ހަމީދު މަގާމުން ވަކިކުރަން މަޖިލީހަށް ފޮނުވުމަށް ޖުޑީޝަން ސަރވިސް ކޮމިޝަނުން ނިންމި މައްސަލައިގައި ސުވާލުތަކެއް އުފެދޭތީ، އިތުރަށް ކަންކަން ސާފުކުރުމަށް މަޖިލީހުގެ ޖުޑީޝަރީ ކޮމެޓީން މިއަދު ނިންމައިފިއެވެ.
ދެ ފަނޑިޔާރުން ވަކިކުރަން ޖޭއެސްސީން ފޮނުވީ ފަނޑިޔާރުންތަކަކަށް ފްލެޓްތަކެއް ދިން މައްސަލައެއްގައި މިމަހުގެ 25 ވަނަ ދުވަހުއެވެ. ޖޭއެސްސީން ކުރިން ބުނެފައިވާ ގޮތުން، އެ ދެފަނޑިޔާރުންނަށް ހައުސިން ހަމަޖެއްސީ ދައުލަތުން ބަލާ އާންމު އުސޫލުން ބޭރުންނެވެ. އެހެންވެ ފްލެޓްތަކާ އެ ފަނޑިޔާރުން ހަވާލުވީ ގާނޫނު އަސާސީއާ ހިލާފަށް ކަމަށް ވަނި ނިންމާފައެވެ.
ގާނޫނުގައި އޮންނަ ގޮތުން، ފަނޑިޔާރަކު މަގާމުން ވަކި ކުރެވޭނީ އެ ކަމަށް އެދި ޖޭއެސްސީން މަޖިލީހަށް ހުށަހެޅުމުން މައްސަލަ ކޮމެޓީގައި ދިރާސާކޮށް ތަޅުމުގައި ބަހުސްކުރުމަށްފަހު ވޯޓަށް އަހައިގެންނެވެ. ކޮމެޓީން ބަލާނީ ޖޭއެސްސީން ގާނޫނީ އިޖުރާއަތްތައް ފުރިހަމަ ކުރިތޯ ނުވަތަ ނޫންތޯ އެކަންޏެވެ.
އެ މައްސަލައިގައި ޖޭއެސްސީން އަމަލުކޮށްފައިވާ ގޮތް ބަޔާންކޮށް އެ ކޮމެޓީއަށް ދެ ފަނޑިޔާރުންވަނީ ސިޓީއެއް ފޮނުއްވާފައެވެ. މައްސަލަ ކޮމެޓީގައި ދިރާސާ ކުރުމުގެ ތެރޭގައި ފާހަގަވި އެންމެ މުހިންމު ކަމަކީ، މީގެ ކުރިން ކޮމިޝަނުން އެ މައްސަލަ ބެލުމަށް ކޮމެޓީއެއް އެކުލަވާލައި އެ ކޮމެޓީގެ ތިން މެންބަރުންގެ އިއްތިފާގުން ސުލޫކީ މައްސަލައެއް ނެތް ކަމަށް ނިންމާފައިވާކަމެވެ. ނަމަވެސް، ފަހުން އެ ކޮމެޓީ އެކުލެވިގެންވާ ގޮތަށް ބަދަލު ގެނެސް، މަގާމުން ވަކިކުރަން ނިންމީ ކަމަށް ދެ ފަނޑިޔާރުން ވެސް ވަނީ ފާހަގަކުރައްވާފައެވެ.
ދެވަނަ ކަމަކަށް އެ މައްސަލާގައި ޖޭއެސްސީން ފަނޑިޔާރުންނަށް ޖަވާބުދާރީވާން ފުރުސަތު ދީފައިނުވާ މައްސަލައެވެ. ދެ ފަނޑިޔާރުން މަޖިލީހަށް ފޮނުއްވި ސިޓީގައި ހުރި ކަންކަމާ ގުޅިގެން ކޮމެޓީގައި ވާހަކަދެއްކެވި ބައެއް މެންބަރުން ވަނީ ކަންބޮޑުވުން ވެސް ފާޅުކުރައްވާފައެވެ.
"މައްސަލަ ރައްދުވާ ދެ ފަނޑިޔާރުން އެބަ ވިދާޅުވޭ ދެ ވަނަ ރިޕޯޓަށް ޖަވާބުދާރީވާން ފުރުސަތު ނުދޭ ކަމަށް. އެއީ ސީރިއަސް ކަމެއް. އަދި [މައްސަލަ ބެލި] ކޮމެޓީ ބަދަލުވެގެންދިޔަ ދިއުން ވެސް އެއީ ސީރިއަސް ކަމެއްގެ ގޮތުގައި ފާހަގަކުރަން،" ކޮމެޓީގެ ޖަލްސާގައި ޢަލީ ޙުސައިން ވިދާޅުވިއެވެ.
އެހެންކަމުން، އެކަމުގައި މެންބަރުންނަށް އިޖުރާއީ މައްސަލަތަކެއް ފާހަގަވާތީ ކޮމެޓީގައި ތިއްބެވި މެންބަރުންގެ އިއްތިފާގުން ނިންމީ، މިކަމުގައި އިޖުރާއީ ބައެއް ސުވާލުތަކެއް އުފެދޭތީ އެ ކަންކަން ސާފުކުރުމަށް ޖޭއެސްސީއަށް ސިޓީއެއް ފޮނުވުމަށެވެ.
ވަކިކުރަން ނިންމި ފަނޑިޔާރުންގެ ތެރެއިން ފަނޑިޔާރު ރައޫފަކީ ޖޭއެސްސީން އުފައްދާފައިވާ ފަނޑިޔާރުންގެ އިސްތިއުނާފު މަޖިލީހުގައި ވެސް އިންނަވާ ފަނޑިޔާރެވެ. ސުޕްރީމް ކޯޓުގެ އާ ބެންޗަށް ރައޫފް އައްޔަން ކުރަން ޖޭއެސްސީން ލަފާ ދެއްވިޔަސް، ސުލޫކީ މައްސަލައެއް އޮތުމުން އެ ނަން އޭރު ފޮނުވާފައެއް ނުވެއެވެ.
ފަނޑިޔާރު ހަމީދަކީ، ހައިކޯޓުގައި މިވަގުތު ހުންނެވި އެންމެ ގިނަ ދުވަސްވީ ފަނޑިޔާރެވެ. އެގޮތުން، ފަނޑިޔާރު ހަމީދު ހައިކޯޓުގެ ފަނޑިޔާރު ކަމުގެ ހުވާ ކުރައްވާފައިވަނީ 2007 ވަނަ އަހަރެވެ. ފަނޑިޔާރު ހަމީދު ވަނީ މީގެކުރިން ޖޭއެސްސީގެ މެންބަރުކަން ވެސް ކުރައްވާފައެވެ.
ގާނޫނުގައި އޮންނަ ގޮތުން، ފަނޑިޔާރަކު މަގާމުން ވަކި ކުރެވޭނީ އެ ކަމަށް އެދި ޖޭއެސްސީން މަޖިލީހަށް ހުށަހެޅުމުން މައްސަލަ ކޮމެޓީގައި ދިރާސާކޮށް ތަޅުމުގައި ބަހުސްކުރުމަށްފަހު ވޯޓަށް އަހައިގެންނެވެ. ކޮމެޓީން ބަލާނީ ޖޭއެސްސީން ގާނޫނީ އިޖުރާއަތްތައް ފުރިހަމަ ކުރިތޯ ނުވަތަ ނޫންތޯ އެކަންޏެވެ.
އެ މައްސަލައިގައި ޖޭއެސްސީން އަމަލުކޮށްފައިވާ ގޮތް ބަޔާންކޮށް އެ ކޮމެޓީއަށް ދެ ފަނޑިޔާރުންވަނީ ސިޓީއެއް ފޮނުއްވާފައެވެ. މައްސަލަ ކޮމެޓީގައި ދިރާސާ ކުރުމުގެ ތެރޭގައި ފާހަގަވި އެންމެ މުހިންމު ކަމަކީ، މީގެ ކުރިން ކޮމިޝަނުން އެ މައްސަލަ ބެލުމަށް ކޮމެޓީއެއް އެކުލަވާލައި އެ ކޮމެޓީގެ ތިން މެންބަރުންގެ އިއްތިފާގުން ސުލޫކީ މައްސަލައެއް ނެތް ކަމަށް ނިންމާފައިވާކަމެވެ. ނަމަވެސް، ފަހުން އެ ކޮމެޓީ އެކުލެވިގެންވާ ގޮތަށް ބަދަލު ގެނެސް، މަގާމުން ވަކިކުރަން ނިންމީ ކަމަށް ދެ ފަނޑިޔާރުން ވެސް ވަނީ ފާހަގަކުރައްވާފައެވެ.
ދެވަނަ ކަމަކަށް އެ މައްސަލާގައި ޖޭއެސްސީން ފަނޑިޔާރުންނަށް ޖަވާބުދާރީވާން ފުރުސަތު ދީފައިނުވާ މައްސަލައެވެ. ދެ ފަނޑިޔާރުން މަޖިލީހަށް ފޮނުއްވި ސިޓީގައި ހުރި ކަންކަމާ ގުޅިގެން ކޮމެޓީގައި ވާހަކަދެއްކެވި ބައެއް މެންބަރުން ވަނީ ކަންބޮޑުވުން ވެސް ފާޅުކުރައްވާފައެވެ.
"މައްސަލަ ރައްދުވާ ދެ ފަނޑިޔާރުން އެބަ ވިދާޅުވޭ ދެ ވަނަ ރިޕޯޓަށް ޖަވާބުދާރީވާން ފުރުސަތު ނުދޭ ކަމަށް. އެއީ ސީރިއަސް ކަމެއް. އަދި [މައްސަލަ ބެލި] ކޮމެޓީ ބަދަލުވެގެންދިޔަ ދިއުން ވެސް އެއީ ސީރިއަސް ކަމެއްގެ ގޮތުގައި ފާހަގަކުރަން،" ކޮމެޓީގެ ޖަލްސާގައި ޢަލީ ޙުސައިން ވިދާޅުވިއެވެ.
އެހެންކަމުން، އެކަމުގައި މެންބަރުންނަށް އިޖުރާއީ މައްސަލަތަކެއް ފާހަގަވާތީ ކޮމެޓީގައި ތިއްބެވި މެންބަރުންގެ އިއްތިފާގުން ނިންމީ، މިކަމުގައި އިޖުރާއީ ބައެއް ސުވާލުތަކެއް އުފެދޭތީ އެ ކަންކަން ސާފުކުރުމަށް ޖޭއެސްސީއަށް ސިޓީއެއް ފޮނުވުމަށެވެ.
ފަނޑިޔާރު ހަމީދަކީ، ހައިކޯޓުގައި މިވަގުތު ހުންނެވި އެންމެ ގިނަ ދުވަސްވީ ފަނޑިޔާރެވެ. އެގޮތުން، ފަނޑިޔާރު ހަމީދު ހައިކޯޓުގެ ފަނޑިޔާރު ކަމުގެ ހުވާ ކުރައްވާފައިވަނީ 2007 ވަނަ އަހަރެވެ. ފަނޑިޔާރު ހަމީދު ވަނީ މީގެކުރިން ޖޭއެސްސީގެ މެންބަރުކަން ވެސް ކުރައްވާފައެވެ.
ކިޔުންތެރިންގެ ހިޔާލު