ރައްޔިތުންގެ ފާޑުކިޔުން އަމާޒުވާ ކޮންމެ ކަމަކީ ބާތިލް ނުވަތަ ގޯސްކަމެއް ނޫން ކަމަށް ހޯމް މިނިސްޓަރު އިމްރާން އަބުދުﷲ ވިދާޅުވެއްޖެއެެވެ.
ހޯމް މިނިސްޓަރު އިމްރާން އަބުދު ﷲ މިއަދު ވިދާޅުވީ މީސްތަކުންގެ ނަފުރަތާއި ނުރުހުމާއި ފާޑުކިޔުން އަމާޒުވާ ކޮންމެ ކަމަކީ ބާތިލް ނުވަތަ ގޯސްކަމެއް ނޫން ކަމަށެވެ. އަދި ހަމަ އެގޮތަށް މީސްތަކުންގެ ރުހުމާއި ހެއު ބަސްތަކާއި ސަނާކިޔުން ލިބޭ ކޮންމެ ކަމަކީ ހައްގު ނުވަތަ ހެއު ކަމެއް ނޫން ކަމަށް އިމްރާން ވިދާޅުވިއެވެ.
"ހެއު ކަމެއް ކުރާނަމަ މީސްތަކުންގެ ބަހަށް ނުބަލާށެވެ،" އަދާލަތު ޕާޓީގެ ރައީސް އިމްރާން ވިދާޅުވިއެވެ.
އިމްރާން މިހެން ވިދާޅުވީ ސީދާ ކޮންކަމަކަށް އިޝާރަތް ކުރަށްވާފައި ކަމެއް ސާފެއް ނުވެއެެވެ. އެހެން ނަަމަވެސް ދާދިފަހުން އައްޑޫގައި ކުޑަ ކުއްޖަކަށް ޖިންސީ ގޯނާ ކުރި ކަމަށް ތުހުމަތުކޮށް އުމުރުން ދުވަސްވީ އަންހެނަކު ހައްޔަރުކުރީ ފްރޭމް ކޮށްގެން ކަމަށް ބުނެ އައްޑޫގައި ވަނީ މުޒާހަރާކޮށްފައެވެ.
އެ އަންހެންމީހާގެ މައްޗަށް ކުށް ސާބިތުކުރެވޭ ވަރަށް ހެކި ނެތް ކަމަށް ފުލުހުން މިހާރު ވަނީ އެއަންހެންމީހާ ދޫކޮށްލާފައެވެ. އެ އަންހެންމީހާގެ ކުށެއް ނެތި އެތައް ދުވަހެއް ވަންދެން ފުލުހުން އޭނާ ބަންދުކޮށްގެން ގެންގުޅެފައިވާތީ ގިނަ ބަޔެއްގެ ފާޑުކިޔުން ފުލުހުންނަށް ވަނީ އަމާޒުވެފައެވެ.
Meesthakunge nafuratha,nururuhuma,faadukiyun amaazuva konme kamakee baathil nuvatha goas kameh nooneve.hama ehenme meesthakunge ruhumaa heyo basthaka,sanakiyun libey konme kamakee hahqu nuvatha heyokamehves nume noon meye.Heyo kameh kuraanama meesthakunge bahah nubalaasheve.
— Imran Abdulla (@ShimranAb) April 26, 2022
"ހެއު ކަމެއް ކުރާނަމަ މީސްތަކުންގެ ބަހަށް ނުބަލާށެވެ،" އަދާލަތު ޕާޓީގެ ރައީސް އިމްރާން ވިދާޅުވިއެވެ.
އެ އަންހެންމީހާގެ މައްޗަށް ކުށް ސާބިތުކުރެވޭ ވަރަށް ހެކި ނެތް ކަމަށް ފުލުހުން މިހާރު ވަނީ އެއަންހެންމީހާ ދޫކޮށްލާފައެވެ. އެ އަންހެންމީހާގެ ކުށެއް ނެތި އެތައް ދުވަހެއް ވަންދެން ފުލުހުން އޭނާ ބަންދުކޮށްގެން ގެންގުޅެފައިވާތީ ގިނަ ބަޔެއްގެ ފާޑުކިޔުން ފުލުހުންނަށް ވަނީ އަމާޒުވެފައެވެ.
ކިޔުންތެރިންގެ ހިޔާލު