ހޫނު ގަދަވުމުން ފަރުތަކަށް ވާނެ ގޮތަކާމެދު ފިކުރުކުރަންޖެހޭކަމަށް ކުރީގެ ރައީސް އަދި މަޖިލިސް ރައީސް، މުހައްމަދު ނަޝީދު ވިދާޅުވެއްޖެއެވެ.

ރައީސް ނަޝީދު މިހެން ވިދާޅުވެފައި މިވަނީ ދުނިޔޭގެ ހޫނުމިން ދުވަހެއް ދުވަހަކަށް އިތުރުވެ، އެކަމުގެ ސަބަބުން އިންސާނުންނަށް އެކި ގޮންޖެހުންތަައް ކުރިމަތިވަމިންދާ ދަނޑިވަޅެއްގައެވެ.

ރައީސް ނަޝީދު މިއަދު ވިދާޅުވީ އިންޑިއާ ކަނޑުގެ ހޫނުމިން މިދަނީ އިންތިހާއަށް މަތިވަމުންކަމަށެވެ. އަދި ރާއްޖޭގެ ކަނޑުތަކުގެ ފިނިހޫނުމިން ބަލަމުން ގެންދިއުން ވަރަށް މުހިއްމުކަމަށާއި ފަރުތަކަށް ވާނެ ގޮތާއިމެދު ފިކުރުކުރަންޖެހޭކަމަށް ރައީސް ނަޝީދު ވިދާޅުވި އެވެ.

India Kan’du ge hoonumin midhanee inthiha ah mathivamun. Raajjeyge kan’duthakuge finihoonu min balamun gendhiyun varah muhinmu. Faruthakah vaane gothaimedhu fikuru kuran jeyheyne

— Mohamed Nasheed (@MohamedNasheed) April 29, 2022

ސައިންސްވެރިން ބުނާގޮތުން ދުނިޔޭގޭ ފިނިހޫނުމިން މި ވަގުތު މިއޮތީ 19ވަނަ ގަރުނާ އަޅާ ބަލާއިރު، 1.2 ޑިގްރީ ސެލްސިއަސް ގައެވެ. އަދި އެޓްމޮސްފިއާގައި ހުރި ކާބަންޑައިއޮކްސައިޑް ވަނީ 50 އިންސައްތައަށް އިތުރުވެފައެވެ. ސައިންސްވެރިން ބުނެފައިވާ ގޮތުގައި މޫސުމީ ބަދަލުތަކުގެ އަސަރު ކުޑަކުރަން ބޭނުން ނަމަ ދުނިޔެ ހޫނުވުން ކޮންޓްރޯލްކޮށް 1.5 ޑިގްރީ ސެލްސިއަސްއަށްވުރެ މަތިވިޔަނުދީ ހިފަހައްޓަން ޖެހެއެވެ.