ގައުމީ ޔުނިވަސިޓީގެ ލެކްޗަރާއިންގެ މުސާރަ ބޮޑު ކުރުމަށް ރާއްޖޭގެ މަޝްހޫރު ދީނީ ޢިލްމުވެރިޔާ ޝެއިޚް ޢަލީ ޒައިދު ގޮވާލައްވައިފިއެވެ.

ޝެއިހް ޒައިދު މިކަމަށް ގޮވާލެއްވީ ޓީޗަރުންގެ މުސާރަ ބޮޑުކުރުމަށް ރައީސުލްޖުމްހުރިއްޔާ އިބްރާހިމް މުހައްމަދު ސާލިހު ވެވަޑައިގެންފައިވާ ވައުދާ އެއްގޮތަށް އަންނަމަހުން ފެށިގެން ތައުލީމީ ދާއިރާގެ ހުރިހާ މުވައްޒަފުންގެ މުސާރަ ބޮޑުކުރުމަށް ނިންމުމާއި ގުޅިގެންނެެވެ.

އެކަމަށް އިޝާރަތް ކުރައްވައި ޝައިހް އަލީ ޒައިދު ވިދާޅުވީ ޓީޗަރުންގެ މުސާރަ ބޮޑުވާއިރު ރާއްޖޭގެ ގައުމީ ޔުނިވަސިޓީގެ ލެކްޗަރާއިންގެ މުސާރަ އެއްވެސް ވަރަކަށް ބޮޑުނުވާތީ އެކަމާ މެދު ހިތާމަކުރައްވާ ކަމަށެވެ. އެގޮތުން މާސްޓަރ ސެޓްފިކެޓް އޮތް ލެކްޗަރާއިންނަށް ލިބެނީ އެންމެ 17000 ރުފިޔާ ކަމަށް ޒައިދު ވިދާޅުވިއެވެ.

Teacherunnah musaara bodu vaa iru, Raajje ge Qaumy University ge lecturer innah ehves varakah musaara bodu nuvaaty hitaama kuran! Mihaaru Masters certificate oi lecturer akahves athah libeny enme 17 haas RF! Mi e masooliyyatha alhaa balaairu v kuda minvareh! Bodu kohdhehvavaa!

— Ali Zaid (@alizaid1000) April 30, 2022

"މިއީ އެ މަސްއޫލިއްޔަތާއި އަޅާ ބަލާއިރު ވަރަށް ކުޑަ މިންވަރެއް، ބޮޑު ކޮށްދެއްވާ!" ގައުމީ ޔުނިވަސިޓީގެ ލެކްޗަރާއެއްގެ ގޮތުގައި ކިޔަވައިދެއްވާ ޒައިދު ވިދާޅުވިއެވެ.

ސަރުކާރުން ބުނީ ޓީޗަރުންގެ މުސާރައަށް އަންނަ ބަދަލާއެކު ގްރެޖުއޭޓް ފެންވަރުގެ ސެކަންޑަރީ ޓީޗަރެއްގެ މުސާރަ 12،628ރ. އިން 19،640ރ. އަށް ބޮޑުވާނެ ކަމަށެވެ. އެއީ 56 ޕަސެންޓްގެ ކުރިއެރުމެެވެ.

އެ މުސާރަ އަކީ އިތުރު ގަޑި ނުލާ ލިބޭ މުސާރައެވެ. އިތުރުގަޑި އާއެކު އެ މުސާރަ އިތުރުވާނެ ކަމަށް ސަރުކާރުން ބުނެ އެވެ.

މީގެ އިތުރުން މުސާރައަށް ގެންނަ ބަދަލާއެކު، 21،000ރ. ލިބޭ ޕްރިންސިޕަލެއްގެ މުސާރަ 32،000 އަށް ބޮޑުވާއިރު މިހާރު 14،000ރ. ޖެހޭ މީހުންނަށް 28،000ރ. ލިބޭނެ ކަމަށް ސަރުކާރުން ވަނީ ބުނެފައެވެ.