ސިއްޙީ ކުއްލި ޙާލަތުގައި ދެވޭ ފަރުވާގެ ޚިދުމަތް މުޅި ރާއްޖޭގައި ފުޅާކުރުމަށް ކުރަމުންދާ މަސައްކަތުގެ ދަށުން އިތުރު-19 ރަށަކަށް އެމްބިއުލާންސް ފޮނުވައިފިއެވެ.

މިއީ ސިއްޙީ ކުއްލި ޙާލަތުގައި ދެވޭ ފަރުވާގެ ޚިދުމަތް މުޅި ރާއްޖޭގައި ފުޅާކުރުމަށް ކުރަމުންދާ މަސައްކަތުގެ ދަށުން މިދިޔަ އަހަރުގެ ޖޫންމަހު ފެށި މަސައްކަތަކެވެ.

މި މަޝްރޫއުގެ ދަށުން 96 އެމްބިއުލާންސް ރާއްޖެ ގެނައުމަށް މިނިސްޓްރީން އެސްޓީއޯއާ ޙަވާލުކޮށްފައިވާއިރު، އެހުރިހާ އެމްބިއުލާންސްތަކެއް ރާއްޖެ ގެނެސް ރަސްމީކޮށް އެތަކެތި ހެލްތް މިނިސްޓްރީއާ ވަނީ މިދިޔަ މަހުގެ 26 ވަނަ ދުވަހު ހަވާލުކޮށްފައެވެ.

Ambulances allocated to the following islands are dispatched.
Ha.Muraidhoo
Ha.Ihavandhoo
Hdh.Nolhivaranfaru
Sh.Maaungoodhoo
N.Holhudhoo
N.Landhoo
N.Hulhdudhuffar
B.Kamadhoo
B.Hithaadhoo
K.Himmafushi
K.Gulhi
Adh.Omadhoo
Dh.Bandidhoo
Dh.Hulhudheli
Th.Guraidhoo
L.Fonadhoo pic.twitter.com/MxL9bNWfLt

— Ministry of Health (@MoHmv) May 5, 2022

ހެލްތު މިނިސްޓްރީން ބުނީ އެންމެފަހުން ގެނެސްފައިވާ އެމްބިއުލާންސްތަކުގެ ތެރެއިން 19 ރަށަކަށް ބޭނުންވާ އެމްބިއުލާންސް އެރަށްތަކަށް ފޮނުވުމުގެ މަސައްކަތް ފަށާފައިވާކަމަށެވެ.

އެމްބިއުލާންސްތައް ފޮނުވުމަށް ހަމަޖެހިފައިވާ ރަށްތަކަކީ، ހއ. މުރައިދޫ، ހއ. އިހަވަންދޫ، ހދ. ނޮޅިވަރަންފަރު، ށ. މާއުނގޫދޫ، ނ. ހޮޅުދޫ، ނ. ލަންދޫ، ނ. ހުޅުދުއްފާރު، ބ. ކަމަދޫ، ބ. ހިތާދޫ، ކ. ހިންމަފުށި، ކ. ގުޅި، އދ. އޮމަދޫ، ދ. ބަނޑިދޫ، ދ. ހުޅުދެލި، ތ. ގުރައިދޫ، ލ. ފޮނަދޫ، ގއ. ދެއްވަދޫ، ގދ.ގައްދޫ އަދި ގދ. ހޯޑެއްދޫއެވެ.

މި އެމްބިއުލާންސްތައް ގެނަސް އަތޮޅުތެރޭގައި ޚިދުމަތް ދޭން ފެށުމުން، ކާރިސާގެ ވަގުތުތަކުގައްޔާއި، އެކްސިޑެންޓްތަކުގައި ބަލިމީހުންނަށް ފޯރުކޮށްދޭންޖެހޭ ޞިއްޙީ ކުއްލި ފަރުވާ ފަސޭހަކަމާއެކު ދެވޭނެކަމަށްވެސް ހެލްތު މިނިސްޓްރީން ބުނެފައިވެއެވެ.