ޤައުމީ އެއަރލައިން މޯލްޑިވިއަންގެ މަތިންދާބޯޓެއް ރަންވޭއަށް ތިރިކުރުމުގެ ތެރޭގައި ރަންވޭމަތިން ކަހާލައިފިއެވެ.

މި ހާދިސާ ދިމާވެފައިވަނީ ކައްދޫ އެއަރޕޯޓަށް މިރޭ 19:45 ހާއިރު ޖެއްސި ފްލައިޓަކަަށެވެ. ނަމަވެސް މި ހާދިސާގައި އެއްވެސް ފަސިންޖަރަކަށް އަދި ކުރޫއަކަށްވެސް ގެއްލުމެއް ލިބިފައިނުވާކަމަށް މޯލްޑިވިއަނުން ބުނެއެވެ.

Our aircraft, while landing at KDO at 1945 hrs had an incident on the runway. All passengers have disembarked and there are no injuries to passengers and crew. We are investigating this incident.

— Maldivian (@MaldivianAero) May 5, 2022

މޯލްޑިވިއަނުން ބުނީ މި ހާދިސާ ހިނގަން މެދުވެރިވި ސަބަބު ބަލަމުންދާކަމަށެވެ.

"ރަސް އޮންލައިން"އަށް މައުލޫމާތު ލިބިފައިވާގޮތުގައި ރަންވޭމަތިން މަތިންދާބޯޓު ކަހާލުމުގެ ހާދިސާ ހިނގާފައިވަނީ މޫސުން ގޯސްވުމުގެ ސަބަބުންނެެވެ.