ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު، ޔޫއޭއީގެ އައު ރައީސް ޝައިހް މުހައްމަދު ބިން ޒައިދު އަލް ނަހްޔާންއަށް ތަހުނިޔާ ވިދާޅުވެއްޖެއެވެ.

ޝައިހް ޒައިދު ބިން ނަހްޔާންއަށް ތަހުނިޔާ ވިދާޅުވެ ރައީސުލްޖުމްހޫރިއްޔާ ކުރެއްވި ޓްވީޓުގައި ވިދާޅުވީ، އެމަނިކުފާނާއި ދިވެހި ރައްޔިތުންގެ ނަމުގައި ޝައިހް ޒައިދުއަށް ތަހުނިޔާ ވިދާޅުވާކަމަށެވެ. އަދި ޝައިހް ޒައިދު ބިން ނަހްޔާންގެ ޒައާމަތުގެ ދަށުން ރާއްޖެއާއި ޔޫއޭއީއާ ދެމެދު އޮތް ގާތް ގުޅުން އިތުރަށް ބަދަހިވެގެންދާނެކަމަށް އުއްމީދުކުރައްވާކަމަށް ރައީސް ސާލިހު ވިދާޅުވިއެވެ.

The people of Maldives join me in extending warm congratulations to H.H. Sheikh @MohamedBinZayed on his election as the President of UAE. I look forward to working with Your Highness’ government to further strengthen the already close ties between our two countries.

— Ibrahim Mohamed Solih (@ibusolih) May 14, 2022

ޔޫއޭއީގެ ރައީސްގެ މަޤާމަށް ޝައިހް މުހައްމަދު ބިން ޒައިދު އަލް ނަހްޔާން އިންތިހާބުކުރީ ޔޫއޭއީގެ ރައީސް އަދި އަބޫ ދާބީގެ އިސްވެރިޔާ ޝޭޚު ޚަލީފާ ބިން ޒައީދު އާލް ނަހްޔާން އިއްޔެ އަވަހާރަވުމާއި ގުޅިގެނެވެ.

ޔޫއޭއީގެ ރައީސްގެ މަޤާމަށް 61 އަހަރުގެ ޝައިހް މުހައްމަދު ބިން ޒައިދު އަލް ނަހްޔާން އިންތިހާބުކޮށްފައިވާއިރު ޝޭޚު ޚަލީފާ ބިން ޒައީދު އާލް ނަހްޔާނަށް 2014ވަނަ އަހަރުގެ ތެރޭގައި ސުޓްރޯކެއް ޖެހިވަޑައިގަތުމުން މިހާތަނަށް ވެރިކަމުގެ މުޙިއްމު މަސްޢޫލިއްޔަތުތައް ޢަދާކުރެއްވީ އޭނާއެވެ.