ގއ. ވިލިނގިއްޔަށް ވަންނަން ދިޔަ ލޯންޗެއް އެ ރަށު ނެރުގައި ޖެހި ރޭ ހިނގި ނުރައްކާތެރި އެކްސިޑެންޓުގައި ހާލު ސީރިއަސްވި ތިން މީހުން މާލެ ގެނެސްފިއެވެ.
ފަސް މީހުންނާއެކު ކޫއްޑޫން އިން ފުރައިގެން ގއ. ވިލިގިއްޔަށް ދަތުރުކުރި ލޯންޗް އެ ރަށު ފަޅަށް ވަންނަން އުޅުމުގެ ތެރޭގައި ނެރުފައިކަށީގައި ޖެހި ރޭ ހިނގި މި އެކްސިޑެންޓްގައި ދެމީހަކު ވަނީ ނިޔާވެފައެވެ. މި ހާދިސާގައި ނިޔާވެފައިވަނީ ގއ. ވިލިނގިލީ، ދޫރެސް މިސްބާހު މުހްސިނާއި ނ. ލަންދޫ އުރަހާ، މުހައްމަދު ޝާފިއު އެވެެ.
ފުލުހުން ބުނީ ހާދިސާގައި ނިޔާވީ، ނެރު ތޮށްޓަށް ލޯންޗު އެރި ވަގުތު މޫދަށް ވެއްޓުނު ދެ މީހުން ކަމަށެވެ. އެމީހުން ހޮސްޕިޓަލަށް ގެންދިޔަ އިރުވެސް ވަނީ ނިޔާވެފައެވެ.
އެކްސިޑެންޓްގައި ތިން މީހަކަށް ވަނީ ސީރިއަސް އަނިޔާތަކެއް ލިބިފައެެވެ. އޭގެ ތެރެއިން އެންމެ ސީރިއަސް އަނިޔާތަކެއް ލިބުނީ މި ހާދިސާގައި މަރުވި މިސްބާހުގެ ކޮއްކޮ މިގުސާދު މުހުސިނަށެވެ.
އެމްއެންޑީއެފްއިން ބުނީ ރޭގެ އެކްސިޑެންޓުގައި ސީރިއަސް އަނިޔާ ލިބި ހޮސްޕިޓަލުގައި ފަރުވާ ދެމުން ދިޔަ މިގުސާދު ރޭ ފަތިހުގެ އެމްއެންޑީއެފްގެ ޑޯނިޔާ ފްލައިޓުގައި މާލެ ގެނެސްފައިވާ ކަމަށެވެ. އޭނާ އަށް ފަރުވާ ދެމުންދަނީ ވެންޓިލޭޓަރަށް ލައިގެންނެެވެ.
ވިލިނގިލީގައި ހުންނަ ގއ. އަތޮޅު ހޮސްޕިޓަލުން ބުނީ އެކްސިޑެންޓްގައި ހާލު ސީރިއަސްވި ތިން މީހުން މާލެ ފޮނުވާލީ ރޭ ދަންވަރު 2:30 ހާއިރު، އެމްއެންޑީއެފް ޑޯނިއާ މަތިންދާބޯޓާއި އިތުރު ފްލައިޓެއްގައި ކަމަށެވެ. ތިން މީހުންގެ ބޮލަށާއި މޫނުމައްޗަށް ސީރިއަސް އަނިޔާތަކެއް ލިބިފައިވާ ކަމަށާއި، ތިން މީހުންގެ ހާލު ވެސް ސީރިއަސް ކަމަށް އެ ހޮސްޕިޓަލުން މައުލޫމާތުދެއެވެ.
އައިޖީއެމްއެޗުން ބުނީ ގއ. ވިލިނގިލިން ގެނައި ތިން މީހުންގެ ތެރެއިން ދެ މީހަކަށް އެމެޖެންސީ ރޫމްގައި ފަރުވާ ދެމުން އަންނަ ކަމަށެވެ. އަދި ވެންޓިލޭޓަރަށް ލާފައި އޮތް މީހާ އައިސީޔޫއަށް ބަދަލުކުރުމުގެ މަސައްކަތް ކުރަމުން އަންނަ ކަމަށް އެ ހޮސްޕިޓަލުން ބުނެ އެވެ.
ވިލިނގިލިން ވާހަކަ ދެއްކި ބައެއް މީހުން ބުނީ މިހާދިސާގައި ނިޔާވި މިސްބާހާއި ޝާފިއު ދަތުރުކުރީ ގއ. ވިލިނގިލީގައި އޮތް ކައިވެނި ޕާޓީއަކަށް ދިޔުމަށް ކަމަށެވެ. މި ހާދިސާގައި މަރުވި މިސްބާހަކީ އެކްސިޑެންޓްވި ލޯންޗުގެ ވެރިފަރާތެވެ.
ފުލުހުން ގެންދަނީ މި އެކްސިޑެންޓް ހިނގަން މެދުވެރިވި ސަބަބު އިތުރަށް ތަހުގީގު ކުރަމުންނެެވެ.
ފުލުހުން ބުނީ ހާދިސާގައި ނިޔާވީ، ނެރު ތޮށްޓަށް ލޯންޗު އެރި ވަގުތު މޫދަށް ވެއްޓުނު ދެ މީހުން ކަމަށެވެ. އެމީހުން ހޮސްޕިޓަލަށް ގެންދިޔަ އިރުވެސް ވަނީ ނިޔާވެފައެވެ.
އެކްސިޑެންޓްގައި ތިން މީހަކަށް ވަނީ ސީރިއަސް އަނިޔާތަކެއް ލިބިފައެެވެ. އޭގެ ތެރެއިން އެންމެ ސީރިއަސް އަނިޔާތަކެއް ލިބުނީ މި ހާދިސާގައި މަރުވި މިސްބާހުގެ ކޮއްކޮ މިގުސާދު މުހުސިނަށެވެ.
އެމްއެންޑީއެފްއިން ބުނީ ރޭގެ އެކްސިޑެންޓުގައި ސީރިއަސް އަނިޔާ ލިބި ހޮސްޕިޓަލުގައި ފަރުވާ ދެމުން ދިޔަ މިގުސާދު ރޭ ފަތިހުގެ އެމްއެންޑީއެފްގެ ޑޯނިޔާ ފްލައިޓުގައި މާލެ ގެނެސްފައިވާ ކަމަށެވެ. އޭނާ އަށް ފަރުވާ ދެމުންދަނީ ވެންޓިލޭޓަރަށް ލައިގެންނެެވެ.
ވިލިނގިލީގައި ހުންނަ ގއ. އަތޮޅު ހޮސްޕިޓަލުން ބުނީ އެކްސިޑެންޓްގައި ހާލު ސީރިއަސްވި ތިން މީހުން މާލެ ފޮނުވާލީ ރޭ ދަންވަރު 2:30 ހާއިރު، އެމްއެންޑީއެފް ޑޯނިއާ މަތިންދާބޯޓާއި އިތުރު ފްލައިޓެއްގައި ކަމަށެވެ. ތިން މީހުންގެ ބޮލަށާއި މޫނުމައްޗަށް ސީރިއަސް އަނިޔާތަކެއް ލިބިފައިވާ ކަމަށާއި، ތިން މީހުންގެ ހާލު ވެސް ސީރިއަސް ކަމަށް އެ ހޮސްޕިޓަލުން މައުލޫމާތުދެއެވެ.
އައިޖީއެމްއެޗުން ބުނީ ގއ. ވިލިނގިލިން ގެނައި ތިން މީހުންގެ ތެރެއިން ދެ މީހަކަށް އެމެޖެންސީ ރޫމްގައި ފަރުވާ ދެމުން އަންނަ ކަމަށެވެ. އަދި ވެންޓިލޭޓަރަށް ލާފައި އޮތް މީހާ އައިސީޔޫއަށް ބަދަލުކުރުމުގެ މަސައްކަތް ކުރަމުން އަންނަ ކަމަށް އެ ހޮސްޕިޓަލުން ބުނެ އެވެ.
ފުލުހުން ގެންދަނީ މި އެކްސިޑެންޓް ހިނގަން މެދުވެރިވި ސަބަބު އިތުރަށް ތަހުގީގު ކުރަމުންނެެވެ.
ކިޔުންތެރިންގެ ހިޔާލު