މާލޭގެ އަލިކިލެގެފާނު މަގުގައިހުރި ގެއެއްގައި މިރޭ ހިނގި އަލިފާނުގެ ހާދިސާގައި ސިފައިންގެ އަލިފާން ނިއްވާ ޓީމުގެ މަސައްކަތާއި ފުލުހުންގެ އެހީތެރިކަން ފާހަގަ ކުރަށްވައި އެމްއާރްއެމްގައި އިސްކޮށް މަސައްކަތް ކުރައްވާ އާމިނަތު ނާދިރާ އެފަރާތް ތަކަށް ޝުކުރު އަދާކުރައްވައިފިއެވެ.

ނާދިރާ މިރޭ ވަނީ، އޭނާގެ މަންމަ ދިރިއުޅުއްވާ ގޭގައި މިރޭ އަލިފާނުގެ ހާދިސާއެއް ހިނގިތާ ލަސްތަކެއްނުވެ ފުލުހުންނާއި އެމްއެންޑީއެފް ފަޔަރ އެންޑް ރެސްކިއު ޓީމުން ހަރަކާތްތެރިވެފައިވާތީ އެފަރާތްތަކަށް ޝުކުރު އަދާ ކުރައްވާ ފައެވެ. ހާއްސަކޮށް އޭނާގެ މަންމަ، އިމާރާތުގެ ދެވަނަ ބުރިން ރައްކާތެރިކަމާއެކު އުފުލައިދީފައިވާތީ، ޕޮލިސް ކޮންސްޓަބަލް މުޙައްމަދު އައްބާސްއަށާއި އެގޭގައި ގެންގުޅޭ ބިދޭސީ މީހާއަށް އޭނާވަނީ ޝުކުރު އަދާކުރައްވާފައެވެ.

Heart felt gratitude to @policemv & fire fighters team who attended the fire incident timely tonight in my mothers house. A special #THANKYOU to caretaker Kumari and Constable Mohamed Abbas who carried my mother from second floor safely. Alhamdhulillahi for the blessing. ❤️ pic.twitter.com/y5kLmWG6wE

— Nadira (@a_nadraa) May 22, 2022

އެމްއެންޑީއެފުން މިރޭ ބުނީ، މި ހާދިސާގައި އަލިފާން ރޯވެފައި ވަނީ އަލިކިލޭގެފާނުމަގުގައި ހުންނަ ”ޒަމާނީ ގުލްޝަން“ ނަމަކަށް ކިޔާ ގެއެއްގެ 6 ވަނަ ފަންގިފިލާގައި ކަމަށާއި މި ހާދިސާގެ ރިޕޯޓް ލިބިފައި ވަނީ މިރޭ 8:21 ގައި ކަމަށެވެ.

ނަމަވެސް، މި ހާދިސާގައި ރޯވި އަލިފާންގަނޑު މިރޭގެ 8:39 ހާއިރު އެމްއެންޑީއެފްގެ ފަޔަރ އެންޑް ރެސްކިޔު ސަރވިސްއިން ނިއްވާލާފައިވާކަމަށް ވެސް އެމްއެންޑީއެފުން ބުނެފައިވެއެވެ. އަދި އެއްވެސް މީހަކަށް މި ހާދިސާގައި ގެއްލުމެއް ވެފައިނުވާކަމަށް އެމްއެންޑީއެފުންވަނީ ބުނެފައެވެ.