އެމްޑީޕީގެ ސަރުކާރުން ފައްޅި ނާޅާނޭކަން ސާބިތުކޮށްދީފައިވާކަމަށް އެ ޕާޓީގެ ކުރީގެ ޗެއަރޕާސަން އަދި ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ވިދާޅުވެއްޖެއެވެ.
ހަސަން ލަތީފް މިއަދު ކުރެއްވި ޓްވީޓެއްގައި ވިދާޅުވީ އެމްޑީޕީ ސަރުކާރެއް އަތުވެއްޖެއްޔާ ރާއްޖޭގައި ފައްޅި އަޅާނެކަމަށާއި، އަދި ބަންގި ނުގޮވާނެކަމަށް ބަޔަކު ބުނިކަމަށެވެ. މީގެއިތުރުން އެހެން ގައުމަކަށް ރާއްޖެ ވިއްކާލާނެކަމަށްވެސް ބަޔަކު ބުނަމުންދިޔަކަމަށެވެ. ނަމަވެސް ފެންނަން އޮތް ޙަޤީޤަތަކީ 2008ގެ ސަރުކާރުންވެސް މިސަރުކާރުންވެސް އެބާވަތުގެ ކަންކަން ނުކުރާކަންކަމަށް ހަސަން ލަތީފް ވިދާޅުވިއެވެ.
ހަސަން ލަތީފް މިމޭރުމުން ވާހަކަދައްކާފައި މިވަނީ އިންޑިއާ އައުޓް ހަރަކާތާއި ދެކޮޅަށް އެމްޑީޕީގެ ރައީސް، އަދި ކުރީގެ ރައީސް މުހައްމަދު ނަޝީދު ފަށާފައިވާ "ބާކީނުވޭ" ކެމްޕެއިންއަށް ތާއީދުކޮށް ވާހަކަދައްކަވަމުންނެވެ.
ހަސަން ލަތީފްގެ އިތުރުންވެސް، އެމްޑީޕީއާއި ސަރުކާރަށް ތާއީދުކުރާ ފަރާތްތަކުން ދަނީ އިންޑިއާ އައުޓް ހަރަކާތާއި ދެކޮޅަށް އަޑުއުފުލަމުންނެވެ.
އެމްޑީޕީ ސަރުކާރެއް އަތުވެއްޖެއްޔާ ރާއްޖޭގައި ފައްޅި އަޅާނެއޭ ބަންގިއެއް ނުގޮވާނެއޭ އެހެން ގައުމަކަށް ރާއްޖެ ވިއްކާލާނެއޭ 2008 ގެ ކުރިން ވެސް އިދިކޮޅު މީހުން ގޮވި. ފެންނާންއޮތް ޙަޤީޤަތަކީ 2008ގެ ސަރުކާރުންވެސް މިސަރުކާރުންވެސް އެބާވަތުގެ ކަންކަން ނުކުރާކަން. ދިވެހީން #baakeenuvey
— Hassan Latheef🎈 (@HassanLatheef) May 29, 2022
ހަސަން ލަތީފްގެ އިތުރުންވެސް، އެމްޑީޕީއާއި ސަރުކާރަށް ތާއީދުކުރާ ފަރާތްތަކުން ދަނީ އިންޑިއާ އައުޓް ހަރަކާތާއި ދެކޮޅަށް އަޑުއުފުލަމުންނެވެ.
ކިޔުންތެރިންގެ ހިޔާލު