ރާއްޖޭގައި ރަޖިސްޓްރީކޮށްގެން ހިންގަމުން އައި 11 ޕާޓްނަރޝިޕަކާއި 45 ކުންފުންޏެއް އުވާލައިފި އެވެ.

އިކޮނޮމިކް މިނިސްޓްރީން ވަކި ވަކިން ގެޒެޓުކޮށްފައިވާ އިއުލާންތަކެއްގައި އެ ވިޔަފާރިތަކުގެ މައުލޫމާތު ވަނީ ހާމަކޮށްފައެވެ.

އިކޮންމިކް މިނިސްޓްރީން ކުރި އިއުލާނުގައި ބުނެފައިވަނީ އެ މިނިސްޓްރީގައި ރަޖިސްޓްރީކޮށްގެން ހިންގަމުން އައި 11 ޕާޓްނާޝިޕެއް އުވާލާފައިވަނީ، ޕާޓްނަރޝިޕްތައް އުވާލުމަށް އެދި މިނިސްޓްރީއަށް ހުށަހަޅައި، އުވާލުމުގެ މަސައްކަތް ފުރިހަމަކުރުމުން ކަމަށެވެ.

ހަމަ އެގޮތަށް އުވާލި 45 ކުންފުންޏަކީވެސް އެ ކުންފުނިތައް އުވާލުމަށް އެދި މިނިސްޓްރީއަށް ހުށަހަޅައި، އުވާލުމުގެ މަސައްކަތް ފުރިހަމަކުރުމުން އުވަލާފައިވާ ކުންފުނިތައް ކަމަށްވެސް މިނިސްޓްރީގެ އިއުލާނުގައި ބުނެފައި ވެއެވެ.