މިމަހުގެ 11 ވަނަ ދުވަހު ބޭއްވުމަށް ހަމަޖެހިފައިވާ ދިވެހިރާޢްޖޭގެ ބާރ ކައުންސިލްގެ އިންތިޚާބުގައި ރައީސްކަމަށް ކުރިމަތި ލައްވާފައިވަނީ ދެބޭފުޅުންކަމަށް އެ ކައުންސިލުން ހާމަކޮށްފިއެވެ.
ގާނޫނީ ވަކީލުންނާބެހޭ ކަންކަން ރެގިއުލޭޓްކޮށް ބެލެހެއްޓުމަށް، 2019 ވަނަ އަހަރު އިންތިޚާބުކުރި ފުރަތަމަ ބާރ ކައުންސިލްގެ ރައީސާއި ނައިބު ރައީސާއި އެގްޒެކެޓިވް ކޮމެޓީގެ މެމްބަރުންގެ ދައުރު ހަމަވާނީ އަންނަ ޖުލައި މަހުގެ 13 ވަނަ ދުވަހުގެ ނިޔަލަށެވެ. އެ މަގާމުތަކުގެ އިންތިޚާބު މިމަހުގެ 11 ވަނަ ދުވަހު ބޭއްވުމަށްވަނީ ހަމަޖެހިފައެވެ.
ބާރ ކައުންސިލްގެ މަގާމުތަކުގެ ތެރެއިން އެންމެ ވާދަވެރި، ކައުންސިލްގެ ރައީސްގެ މަގާމަށް މިފަހަރު ވާދަކުރަށްވަނީ އަލްއުސްތާޛު މުހައްމަދު ފައިސަލާއި އަލްއުސްތާޛު އިސްމާއީލް ވިޝާމެވެ. އެ މަޤާމަށް ކުރިމަތިލުމުގެ ޝަރުތުތަކުގެ ތެރޭގައި ގާނޫނީ ވަކީލު ކަމުގައި މަދުވެގެން 10 އަހަރުގެ ތަޖްރިބާ ހުރުން ހިމެނެއެެވެ. އެ ކައުންސިލްގެ މިހާރުގެ ރައީސަކީ އަލްއުސްތާޛު މައުމޫން ހަމީދެވެ.
ބާރ ކައުންސިލްގެ ނައިބްރައީސް ކަމަށް ކުރިމަތިލައްވާފައިވަނީ އަލްއުސްތާޛާ މިޒްނާ އަހުމަދު އެކަންޏެވެ. މީގެ އިތުރުން އެގްޒެކެޓިވް ކޮމެޓީގެ މެމްބަރުކަމުގެ ހަ މަގާމަށް ކުރިމަތި ލައްވާފައިވަނީ ފަސް ބޭފުޅުންނެވެ. އެ މަޤާމުގެ ޝަރުތަކީ ވަކީލުކަމުގެ ފަސް އަހަރުގެ ތަޖްރިބާ ހުރުމެވެ. ބާރ ކައުންސިލްގައި ހިމެނިވަޑައިގަންނަވާ ބަންޑާރަ ނައިބަކީ އިންތިޚާބަކާ ނުލައި، މަގާމުގެ ހައިސިއްޔަތުން ހިމެނިވަޑައިގަންނަވާ ބޭފުޅެކެެވެ.
ބާރ ކައުންސިލުން ބުނީ، އިންތިޚާބުގައި ވޯޓުލުމަށް ހަމަޖެހިފައިވަނީ، މޯލްޑިވްސް ސެކިއުރިޓީޒް ޑިޕޮސިޓަރީ ކުންފުނީގެ އޮންލައިން ވެބް އެޕްލިކޭޝަން "ފަހިވޯޓު" މެދުވެރިކޮށް ކަމަށެވެ.
ވޯޓުލުމަށް ރަޖިސްޓްރީކޮށްފައިވާ ފައިނަލް ލިސްޓުގައި ހިމެނޭ ފަރާތްތަކަށް ޔޫޒަރނޭމާއި، ޕާސްވޯޑް، އަދި ފަހިވޯޓުގެ ލިންކު، މޯލްޑިވްސް ސެކިއުރިޓީޒް ޑިޕޮސިޓަރީން އެސް.އެމް.އެސް މެދުވެރިކޮށް ފޮނުވާނީ 10 ޖޫން 2022 ވާ ހުކުރު ދުވަހުގެ ހަވީރު 18:00 ގެ ކުރިންނެވެ.
ބާރ ކައުންސިލްގެ މަގާމުތަކުގެ ތެރެއިން އެންމެ ވާދަވެރި، ކައުންސިލްގެ ރައީސްގެ މަގާމަށް މިފަހަރު ވާދަކުރަށްވަނީ އަލްއުސްތާޛު މުހައްމަދު ފައިސަލާއި އަލްއުސްތާޛު އިސްމާއީލް ވިޝާމެވެ. އެ މަޤާމަށް ކުރިމަތިލުމުގެ ޝަރުތުތަކުގެ ތެރޭގައި ގާނޫނީ ވަކީލު ކަމުގައި މަދުވެގެން 10 އަހަރުގެ ތަޖްރިބާ ހުރުން ހިމެނެއެެވެ. އެ ކައުންސިލްގެ މިހާރުގެ ރައީސަކީ އަލްއުސްތާޛު މައުމޫން ހަމީދެވެ.
ބާރ ކައުންސިލްގެ ނައިބްރައީސް ކަމަށް ކުރިމަތިލައްވާފައިވަނީ އަލްއުސްތާޛާ މިޒްނާ އަހުމަދު އެކަންޏެވެ. މީގެ އިތުރުން އެގްޒެކެޓިވް ކޮމެޓީގެ މެމްބަރުކަމުގެ ހަ މަގާމަށް ކުރިމަތި ލައްވާފައިވަނީ ފަސް ބޭފުޅުންނެވެ. އެ މަޤާމުގެ ޝަރުތަކީ ވަކީލުކަމުގެ ފަސް އަހަރުގެ ތަޖްރިބާ ހުރުމެވެ. ބާރ ކައުންސިލްގައި ހިމެނިވަޑައިގަންނަވާ ބަންޑާރަ ނައިބަކީ އިންތިޚާބަކާ ނުލައި، މަގާމުގެ ހައިސިއްޔަތުން ހިމެނިވަޑައިގަންނަވާ ބޭފުޅެކެެވެ.
ވޯޓުލުމަށް ރަޖިސްޓްރީކޮށްފައިވާ ފައިނަލް ލިސްޓުގައި ހިމެނޭ ފަރާތްތަކަށް ޔޫޒަރނޭމާއި، ޕާސްވޯޑް، އަދި ފަހިވޯޓުގެ ލިންކު، މޯލްޑިވްސް ސެކިއުރިޓީޒް ޑިޕޮސިޓަރީން އެސް.އެމް.އެސް މެދުވެރިކޮށް ފޮނުވާނީ 10 ޖޫން 2022 ވާ ހުކުރު ދުވަހުގެ ހަވީރު 18:00 ގެ ކުރިންނެވެ.
ކިޔުންތެރިންގެ ހިޔާލު