މިދިޔަ އަހަރު އެމެރިކާގައި ބޭއްވި ރިޔާސީ އިންތިހާބަށްފަހު އެގައުމުގެ ގާނޫނު ހަދާ މަޖިލީހުގެ އިމާރާތް، ކެޕިޓޮލްއަށް އޭރުގެ ރައީސް ޑޮނާލްޑް ޓްރަމްޕަށް ތާއީދުކުރާ ގިނަ ބަޔަކު ވަދެ، ހިންގި ނުރައްކާތެރި ހަމަނުޖެހުންތައް ހުއްޓުވަން ޓްރަމްޕް އެއްވެސް ވަރަކަށް ބޭނުންފުޅުނުވިކަމަށް ވައިޓް ހައުސްގެ އޮފިޝަލުން ވިދާޅުވެއްޖެއެވެ.
ވައިޓް ހައުސްގެ އޮފިޝަލުން މިހެން ވިދާޅުވެފައި ވަނީ، މިމައްސަލަ ތަހުގީގްކުރާ ކޮމިޓީއަށް ދިން މައުލޫމާތަކުގައެވެ.
މިދިޔަ އަހަރުގެ ޖެނުއަރީމަހުގެ 6 ވަނަ ދުވަހު ޓްރަމްޕަށް ތާއީދުކުރާ ބަޔަކު ވެގެން "ކެޕިޓޮލް"އަށް ދިން ހަމަލާއަކީ ފަހުގެ ތާރީހެއްގައި އެމެރިކާއިން ފެނުނު އެންމެ ހަޑިހުތުރު މަންޒަރުކަމަށް ވަނީ ސިފަކޮށްފައެވެ. އެ ދުވަހުގެ ހަމަނުޖެހުންތައް ފެށުނީ ރިޔާސީ އިންތިހާބުގެ ނަތީޖާ އިއުލާންކޮށް، އައު ރައީސަކަށް ޖޯ ބައިޑެން އިންތިހާބުވިކަން ކޮންގްރެހުން އިއުލާންކުރަން ތައްޔާރުވަމުންދިޔަ ވަގުތުއެވެ.
އެމެރިކާގެ ގާނޫނު ހަދާ މަޖިލީހުގެ ދަށު ގެ، ހައުސް އޮފް ރެޕްރެޒެންޓެޓިވްގެ ހާއްސަ ކޮމިޓީއަކުން ދަނީ 6 ޖެނުއަރީގެ ހަމަލާ ތަހުގީގުކުރަމުންނެވެ. އަދި ބުރާސްފަތި ދުވަހު އެ ކޮމިޓީން ވަނީ ފުރަތަމަ ފަހަރަށް މިހާތަނަށް ހޯދި ހޯދުންތަކުގެ ގިނަ މައުލޫމާތުތަކެެއް އާއްމުކޮށްފައެވެ. އޭގެތެރޭގައި ވީޑިއޯ އާއި ޓްރަމްޕާއެކު މަސައްކަތްކުރެއްވި ބައެއް ބޭފުޅުންގެ އިންޓަރވިއުތައް ހިމެނެއެވެ.
1000 މީހުންނާއި ކޮމިޓީން އިންޓަވިއުކޮށްފައިވާއިރު، އެ މީހުންގެ ވާހަކަތަކުން ރިޔާސީ އިންތިހާބުގެ ނަތީޖާ ގަބޫލުނުކޮށް، އެކަން ބަދަލުކުރަން ޓްރަމްޕްގެ ޓީމުން ކުރި މަސައްކަތްތައް ވަނީ ހާމަވެގެން ގޮސްފައެވެ.
ކޮމިޓީން އާއްމު ކުރި ވީޑިއޯތަކުގެ ތެރޭގައި މީގެކުރިން ނުފެންނަ ގިނަ ވީޑިއޯތަކެެއް ހިމެނޭއިރު، އެ ވީޑިއޯތަކުން ޓްރަމްޕަށް ސަޕޯޓްކުރާ މީހުން ކެޕިޓޮލް އިމާރާތަކުގެ ތެރެއަށް ވަދެގެން ގޮސް، އެ ނުރައްކާތެރި ހާދިސާ ނިމުމާއި ހަމައަށް ކަންކަން ހިނގައިދިޔަ ގޮތް ސާފުކޮށް ފެނެއެވެ.
ވީޑިއޯތަކުން އެނގޭ ގޮތުގައި ޓްރަމްޕްގެ ޓްވީޓްތަކުން އެމީހުންނަށް ވަރަށް ބޮޑަށް ވަނީ ހިތްވަރު ލިބިފައެވެ. އަދި އިންތިހާބުގެ ނަތީޖާ ގަބޫލުކުރުމަށް ޓްރަމްޕްގެ ނާއިބު ރައީސް މައިކް ޕެންސް ނިންމި ނިންމުމަށް ޓްރަމްޕް ފާޑުކިޔުމުން، މައިން ޕެންސް ދަންޖައްސަން ބަޔަކު ގޮވާލަމުންދިޔަ މަންޒަރު ވީޑިއޯތަކުން ފެނެއެވެ.
ކޮމިޓީގެ ހޯދުންތަކުން އެންމެ ބޮޑަށް ފާހަގަވެގެންދިޔަ ކަމަކީ ހަމަނުޖެހުން ހުއްޓުވަން އެމެރިކާގެ ރައީސަކަށް އޭރު ހުންނެވި ޑޮނަލްޑް ޓްރަމްޕް އެއްވެސް ވަރަކަށް މަސައްކަތް ނުކުރެއްވިކަމެވެ.
ކޮމިޓީއަށް މައުލޫމާތު ދިން ވައިޓް ހައުސްގެ އޮފިޝަލުން ވިދާޅުވީ ހަމަނުޖެހުންތައް ހުއްޓުވަން ޓްރަމްޕްގެ އެޑްވައިޒަރުން ތަކުރާރުކޮށް އެދުމުންވެސް އެކަން ކުރަން ޓްރަމްޕް ބޭނުންފުޅު ނުވިކަމަށެވެ. އަދި ޓްރަމްޕްގެ ނާއިބު ރައީސަކަށް ހުންނެވި މައިކް ޕެންސް ދަންޖައްސަން ޓްރަމްޕްގެ ސަޕޯޓަރުން ގޮވާލަމުންދިޔަކަން އެނގުމުންވެސް، އެކަން ނުހުއްޓުވައި، އެކަމަށް ހިތްވަރުދޭ ގޮތަށް ޓްރަމްޕް ވާހަކަފުޅު ދެއްކެވިކަމަށް ކޮމިޓީއަށް މައުލޫމާތު ދިން އޮފިޝަލަކު ވިދާޅުވިއެވެ.
"(އަޅުގަނޑުގެ) ސަޕޯޓަރުން ރަނގަޅު ހިޔާލެއްކަން ނޭނގެ އެ ދެނީ. (ޕެންސް) އޭނާއަށް ވާންވީ ގޮތް އެއީ" މައިކް ޕެންސް ދަންޖައްސަން ގޮވާލަމުން ދަނިކޮށް ޓްރަމްޕް ވިދާޅުވިކަމަށް ކޮމިޓީގެ ރިޕޯޓްގައިވެއެވެ.
ކޮމިޓީ ރިޕޯޓްގައިވާ ގޮތުން ހަމަނުޖެހުންތައް ހިންގުމުގައި އިސްކޮށް އުޅުނީ ހަރުކަށި ވިސްނުމުގެ ދެ ގްރޫޕެއްކަމަށްވާ "ޕްރައުޑް ބޯއީސް" އާއި "އޯތު ކީޕާސް" ނަމަކަށް ކިޔާ ދެ ބައެކެވެ. އަދި މިއީ ޓްރަމްޕްއާ ގުޅުން އޮންނަ، އޭނާގެ ތާއީދު ލިބިފައިވާ ބައެއްކަމަށްވެސް ކޮމިޓީގެ މެމްބަރުން ވިދާޅުވިއެވެެ.
ކޮމިޓީގެ ތަހުގީގުން ފާހަގަވި އަނެއްކަމަކީ ރިޔާސީ އިންތިހާބުގެ ނަތީޖާ ގަބޫލު ނުކުރުމަށް ޓްރަމްޕް ދެއްކެވި ވާހަކަތައް އޭނާގެ އެންމެ އަރިސް ބޭފުޅުންނާއި އާއިލާއިންވެސް ގަބޫލުނުކުރިކަމެވެ. އޭގެ ތެރޭގައި ދޮށި ދަރިކަނބަލުން އިވަންކާ ޓްރަމްޕާއި، އިވަންކާގެ ފިރިމީހާ އަދި ވައިޓް ހައުސްގެ އިސް މަގާމެއްގައި ހުރި ޖެރާޑް ކުޝްނަރ އާއި، ޓްރަމްޕްގެ ކެމްޕެއިން ޓީމުގެ އިސްބޭފުޅުންވެސް ހިމެނެއެވެ. އެ ބޭފުޅުން ޓްރަމްޕްގެ ވާހަކަތަކަށް ތާއީދު ނުކުރާކަން ހަމަވީ ކޮމިޓީއަށް ދެއްވި އިންޓަވިއުތަކުންނެވެ.
މި ބޭފުޅުންގެ އިތުރުން ޓްރަމްޕްގެ ވެރިކަމުގައި ބަންޑާރަ ނައިބަކަށް ހުންނެވި ވިލިއަމް ބާރ ކޮމިޓީއަށް މައުލޫމާތު ދެއްވަމުން ވިދާޅުވީ، އިންތިހާބުގެ ނަތީޖާ އޮޅުވާލިކަމަށް ބުނެ ޓްރަމްޕް ދެއްކެވީ އެއްވެސް ތާކުންތާކުން ނުޖެހޭ ވާހަކަތަކެއްކަމަށެވެ.
ކޮމިޓީގެ ހޯދުންތަކުން އެނގުނު ގޮތުގައި ހަމަނުޖެހުން ހިނގަމުންދިޔައިރު، ކެޕިޓޮލް އިމާރާތުގެ ތެރޭގައި ތިބި ޓްރަމްޕްގެ ރިޕަބްލިކަން ޕާޓީއާއި ޑިމޮކްރެޓިކް ޕާޓީގެ ލީޑަރުން ގެންދިޔައީ ހަމަނުޖެހުންތައް ހުއްޓުވަން ޓްރަމްޕަށް އާދޭސް ދަންނަވަމުންނެވެ. އެ އާދޭސްތައް އަޑު ނޭހުމުން، ޓްރަމްޕްގެ އާއިލާގެ ބޭފުޅުންނަށްވެސް އެކި ފަރާތްތަކުން ގުޅުއްވިކަން ކޮމިޓީން ފާހަގަކޮށްފައިވެއެެވެ.
މީގެއިތުރުން އެދުވަހުގެ ހަމަނުޖެހުންތައް ހުއްޓުވަން "ނެޝަނަލް ގާޑް" ފޮނުވަން އެމެރިކާގެ އަސްކަރިއްޔާއަށް އަމުރު ކުރެއްވިީ ޓްރަމްޕް ނޫންކަންވެސް ވަނީ ހަމަވެފައެވެ.
އެމެރިކާގެ އަސްކަރިއްޔާގެ އެންމެ އިސް ޖެނަރަލް، އަދި ޗެއަރމަން އޮފް ދަ ޖޮއިންޓް ޗީފް އޮފް ސްޓާފް، ޖެނަރަލް މާކް މައިލީ ކޮމިޓީއަށް މައުލޫމާތު ދެއްވަމުން ވިދާޅުވީ ކެޕިޓޮލް ބިލްޑިންއަށް ނެޝަނަލް ގާޑު ފޮނުވަން އަމުރު ދެއްވީ ނާއިބު ރައީސް މައިކް ޕެންސްއެވެ. އަދި އެކަން ކުރެއްވުމަށް 3 ވަރަކަށް ފަހަރު ޕެންސް ފޯނު ކުރެއްވިކަމަށް ޖެނެރަލް މައިލީ ވިދާޅުވިއެވެ. ނަމަވެސް އެއީ ޓްރަމްޕް ކުރެއްވިކަމެއްކަމަށް ވިދާޅުވާން އޭނާއަށް ވައިޓް ހައުސްއިން އެންގިކަމަށްވެސް ކޮމިޓީއަށް މައުލޫމާތު ދެއްވަމުން އެމެރިކާގެ އެންމެ އިސް ޖެނެރަލް ވިދާޅުވިއެވެ.
ޖެނުއަރިީ 6ގެ ހަމަލާ ތަހުގީގްކުރާ ކޮމިޓީއަށް ހޯދުނު ހޯދުންތަކާއި ބެހޭ އިތުރު ތަފްސީލްތައް ކުރިއަށް އޮތް ދުވަސްތަކުގައި ބާއްވާ އިތުރު އަޑުއެހުންތަކުގެ ތެރޭގައި ހާމަކުރާނެއެވެ. އަދި މިކަން ނިމޭއިރު، ކުށްވެރިވާ ފަރާތްތަކަށް ބޮޑެތި އަދަބުތަކެއް އައުމަކީ އެކަށީގެންވާ ކަމެކެވެ. ހަމަނުޖެހުން ހިންގުމުގައި ބައިވެރިވި ބައެއް އާއްމުންނަށް މިހާރުވެސް ވަނީ އަދަބު ދީ ޖަލަށް ލާފައެވެ.
2021 ޖެނުއަރީ 6 އެއްގައި އެމެރިކާގައި ގާނޫނު ހަދާ މަޖިލީހުގެ އިމާރާތުގެ ތެރޭގައި ހިނގި ހަމަނުޖެހުމުގެ ތެރެއިން 140 މީހަކަށް އަނިޔާވިއިރު، ބައެއް މީހުން ވަނީ އެ ހާދިސާގައި މަރުވެސް ވެފައެވެ.
މިދިޔަ އަހަރުގެ ޖެނުއަރީމަހުގެ 6 ވަނަ ދުވަހު ޓްރަމްޕަށް ތާއީދުކުރާ ބަޔަކު ވެގެން "ކެޕިޓޮލް"އަށް ދިން ހަމަލާއަކީ ފަހުގެ ތާރީހެއްގައި އެމެރިކާއިން ފެނުނު އެންމެ ހަޑިހުތުރު މަންޒަރުކަމަށް ވަނީ ސިފަކޮށްފައެވެ. އެ ދުވަހުގެ ހަމަނުޖެހުންތައް ފެށުނީ ރިޔާސީ އިންތިހާބުގެ ނަތީޖާ އިއުލާންކޮށް، އައު ރައީސަކަށް ޖޯ ބައިޑެން އިންތިހާބުވިކަން ކޮންގްރެހުން އިއުލާންކުރަން ތައްޔާރުވަމުންދިޔަ ވަގުތުއެވެ.
އެމެރިކާގެ ގާނޫނު ހަދާ މަޖިލީހުގެ ދަށު ގެ، ހައުސް އޮފް ރެޕްރެޒެންޓެޓިވްގެ ހާއްސަ ކޮމިޓީއަކުން ދަނީ 6 ޖެނުއަރީގެ ހަމަލާ ތަހުގީގުކުރަމުންނެވެ. އަދި ބުރާސްފަތި ދުވަހު އެ ކޮމިޓީން ވަނީ ފުރަތަމަ ފަހަރަށް މިހާތަނަށް ހޯދި ހޯދުންތަކުގެ ގިނަ މައުލޫމާތުތަކެެއް އާއްމުކޮށްފައެވެ. އޭގެތެރޭގައި ވީޑިއޯ އާއި ޓްރަމްޕާއެކު މަސައްކަތްކުރެއްވި ބައެއް ބޭފުޅުންގެ އިންޓަރވިއުތައް ހިމެނެއެވެ.
1000 މީހުންނާއި ކޮމިޓީން އިންޓަވިއުކޮށްފައިވާއިރު، އެ މީހުންގެ ވާހަކަތަކުން ރިޔާސީ އިންތިހާބުގެ ނަތީޖާ ގަބޫލުނުކޮށް، އެކަން ބަދަލުކުރަން ޓްރަމްޕްގެ ޓީމުން ކުރި މަސައްކަތްތައް ވަނީ ހާމަވެގެން ގޮސްފައެވެ.
ކޮމިޓީން އާއްމު ކުރި ވީޑިއޯތަކުގެ ތެރޭގައި މީގެކުރިން ނުފެންނަ ގިނަ ވީޑިއޯތަކެެއް ހިމެނޭއިރު، އެ ވީޑިއޯތަކުން ޓްރަމްޕަށް ސަޕޯޓްކުރާ މީހުން ކެޕިޓޮލް އިމާރާތަކުގެ ތެރެއަށް ވަދެގެން ގޮސް، އެ ނުރައްކާތެރި ހާދިސާ ނިމުމާއި ހަމައަށް ކަންކަން ހިނގައިދިޔަ ގޮތް ސާފުކޮށް ފެނެއެވެ.
ވީޑިއޯތަކުން އެނގޭ ގޮތުގައި ޓްރަމްޕްގެ ޓްވީޓްތަކުން އެމީހުންނަށް ވަރަށް ބޮޑަށް ވަނީ ހިތްވަރު ލިބިފައެވެ. އަދި އިންތިހާބުގެ ނަތީޖާ ގަބޫލުކުރުމަށް ޓްރަމްޕްގެ ނާއިބު ރައީސް މައިކް ޕެންސް ނިންމި ނިންމުމަށް ޓްރަމްޕް ފާޑުކިޔުމުން، މައިން ޕެންސް ދަންޖައްސަން ބަޔަކު ގޮވާލަމުންދިޔަ މަންޒަރު ވީޑިއޯތަކުން ފެނެއެވެ.
ކޮމިޓީގެ ހޯދުންތަކުން އެންމެ ބޮޑަށް ފާހަގަވެގެންދިޔަ ކަމަކީ ހަމަނުޖެހުން ހުއްޓުވަން އެމެރިކާގެ ރައީސަކަށް އޭރު ހުންނެވި ޑޮނަލްޑް ޓްރަމްޕް އެއްވެސް ވަރަކަށް މަސައްކަތް ނުކުރެއްވިކަމެވެ.
ކޮމިޓީއަށް މައުލޫމާތު ދިން ވައިޓް ހައުސްގެ އޮފިޝަލުން ވިދާޅުވީ ހަމަނުޖެހުންތައް ހުއްޓުވަން ޓްރަމްޕްގެ އެޑްވައިޒަރުން ތަކުރާރުކޮށް އެދުމުންވެސް އެކަން ކުރަން ޓްރަމްޕް ބޭނުންފުޅު ނުވިކަމަށެވެ. އަދި ޓްރަމްޕްގެ ނާއިބު ރައީސަކަށް ހުންނެވި މައިކް ޕެންސް ދަންޖައްސަން ޓްރަމްޕްގެ ސަޕޯޓަރުން ގޮވާލަމުންދިޔަކަން އެނގުމުންވެސް، އެކަން ނުހުއްޓުވައި، އެކަމަށް ހިތްވަރުދޭ ގޮތަށް ޓްރަމްޕް ވާހަކަފުޅު ދެއްކެވިކަމަށް ކޮމިޓީއަށް މައުލޫމާތު ދިން އޮފިޝަލަކު ވިދާޅުވިއެވެ.
"(އަޅުގަނޑުގެ) ސަޕޯޓަރުން ރަނގަޅު ހިޔާލެއްކަން ނޭނގެ އެ ދެނީ. (ޕެންސް) އޭނާއަށް ވާންވީ ގޮތް އެއީ" މައިކް ޕެންސް ދަންޖައްސަން ގޮވާލަމުން ދަނިކޮށް ޓްރަމްޕް ވިދާޅުވިކަމަށް ކޮމިޓީގެ ރިޕޯޓްގައިވެއެވެ.
ކޮމިޓީ ރިޕޯޓްގައިވާ ގޮތުން ހަމަނުޖެހުންތައް ހިންގުމުގައި އިސްކޮށް އުޅުނީ ހަރުކަށި ވިސްނުމުގެ ދެ ގްރޫޕެއްކަމަށްވާ "ޕްރައުޑް ބޯއީސް" އާއި "އޯތު ކީޕާސް" ނަމަކަށް ކިޔާ ދެ ބައެކެވެ. އަދި މިއީ ޓްރަމްޕްއާ ގުޅުން އޮންނަ، އޭނާގެ ތާއީދު ލިބިފައިވާ ބައެއްކަމަށްވެސް ކޮމިޓީގެ މެމްބަރުން ވިދާޅުވިއެވެެ.
ކޮމިޓީގެ ތަހުގީގުން ފާހަގަވި އަނެއްކަމަކީ ރިޔާސީ އިންތިހާބުގެ ނަތީޖާ ގަބޫލު ނުކުރުމަށް ޓްރަމްޕް ދެއްކެވި ވާހަކަތައް އޭނާގެ އެންމެ އަރިސް ބޭފުޅުންނާއި އާއިލާއިންވެސް ގަބޫލުނުކުރިކަމެވެ. އޭގެ ތެރޭގައި ދޮށި ދަރިކަނބަލުން އިވަންކާ ޓްރަމްޕާއި، އިވަންކާގެ ފިރިމީހާ އަދި ވައިޓް ހައުސްގެ އިސް މަގާމެއްގައި ހުރި ޖެރާޑް ކުޝްނަރ އާއި، ޓްރަމްޕްގެ ކެމްޕެއިން ޓީމުގެ އިސްބޭފުޅުންވެސް ހިމެނެއެވެ. އެ ބޭފުޅުން ޓްރަމްޕްގެ ވާހަކަތަކަށް ތާއީދު ނުކުރާކަން ހަމަވީ ކޮމިޓީއަށް ދެއްވި އިންޓަވިއުތަކުންނެވެ.
މި ބޭފުޅުންގެ އިތުރުން ޓްރަމްޕްގެ ވެރިކަމުގައި ބަންޑާރަ ނައިބަކަށް ހުންނެވި ވިލިއަމް ބާރ ކޮމިޓީއަށް މައުލޫމާތު ދެއްވަމުން ވިދާޅުވީ، އިންތިހާބުގެ ނަތީޖާ އޮޅުވާލިކަމަށް ބުނެ ޓްރަމްޕް ދެއްކެވީ އެއްވެސް ތާކުންތާކުން ނުޖެހޭ ވާހަކަތަކެއްކަމަށެވެ.
ކޮމިޓީގެ ހޯދުންތަކުން އެނގުނު ގޮތުގައި ހަމަނުޖެހުން ހިނގަމުންދިޔައިރު، ކެޕިޓޮލް އިމާރާތުގެ ތެރޭގައި ތިބި ޓްރަމްޕްގެ ރިޕަބްލިކަން ޕާޓީއާއި ޑިމޮކްރެޓިކް ޕާޓީގެ ލީޑަރުން ގެންދިޔައީ ހަމަނުޖެހުންތައް ހުއްޓުވަން ޓްރަމްޕަށް އާދޭސް ދަންނަވަމުންނެވެ. އެ އާދޭސްތައް އަޑު ނޭހުމުން، ޓްރަމްޕްގެ އާއިލާގެ ބޭފުޅުންނަށްވެސް އެކި ފަރާތްތަކުން ގުޅުއްވިކަން ކޮމިޓީން ފާހަގަކޮށްފައިވެއެެވެ.
މީގެއިތުރުން އެދުވަހުގެ ހަމަނުޖެހުންތައް ހުއްޓުވަން "ނެޝަނަލް ގާޑް" ފޮނުވަން އެމެރިކާގެ އަސްކަރިއްޔާއަށް އަމުރު ކުރެއްވިީ ޓްރަމްޕް ނޫންކަންވެސް ވަނީ ހަމަވެފައެވެ.
އެމެރިކާގެ އަސްކަރިއްޔާގެ އެންމެ އިސް ޖެނަރަލް، އަދި ޗެއަރމަން އޮފް ދަ ޖޮއިންޓް ޗީފް އޮފް ސްޓާފް، ޖެނަރަލް މާކް މައިލީ ކޮމިޓީއަށް މައުލޫމާތު ދެއްވަމުން ވިދާޅުވީ ކެޕިޓޮލް ބިލްޑިންއަށް ނެޝަނަލް ގާޑު ފޮނުވަން އަމުރު ދެއްވީ ނާއިބު ރައީސް މައިކް ޕެންސްއެވެ. އަދި އެކަން ކުރެއްވުމަށް 3 ވަރަކަށް ފަހަރު ޕެންސް ފޯނު ކުރެއްވިކަމަށް ޖެނެރަލް މައިލީ ވިދާޅުވިއެވެ. ނަމަވެސް އެއީ ޓްރަމްޕް ކުރެއްވިކަމެއްކަމަށް ވިދާޅުވާން އޭނާއަށް ވައިޓް ހައުސްއިން އެންގިކަމަށްވެސް ކޮމިޓީއަށް މައުލޫމާތު ދެއްވަމުން އެމެރިކާގެ އެންމެ އިސް ޖެނެރަލް ވިދާޅުވިއެވެ.
2021 ޖެނުއަރީ 6 އެއްގައި އެމެރިކާގައި ގާނޫނު ހަދާ މަޖިލީހުގެ އިމާރާތުގެ ތެރޭގައި ހިނގި ހަމަނުޖެހުމުގެ ތެރެއިން 140 މީހަކަށް އަނިޔާވިއިރު، ބައެއް މީހުން ވަނީ އެ ހާދިސާގައި މަރުވެސް ވެފައެވެ.
ކިޔުންތެރިންގެ ހިޔާލު