ހުޅުމާލޭ ދެވަނަ ފިޔަވަހީގެ ހިޔާ ފްލެޓު ޓަވަރުތަކުގެ ސެކިއުރިޓީ ބަލަހައްޓާ އޮފިސަރުން ހޭލުންތެރިކޮށް މައުލޫމާތު ދިނުމުގެ ސެޝަނެއް ހުޅުމާލެ ޕޮލިހުން ކުރިއަށް ގެންގޮސްފިއެވެ.
މާފަންނު ޕޮލިހުގައި ކުރިއަށް ގެންދިޔަ އެ ސެޝަނުގައި ސެކިއުރިޓީގެ އަސާސްތައް، އިމާރާތެއްގެ ސެކިއުރިޓީ ބެލެެހެއްޓުމުގައި ސަމާލުކަންދޭންޖެހޭ ކަންކަން، އޮބްޒަވޭޝަން ސްކިލްސް، ސެކިއުރިޓީ ގާޑެއްގެ ކިބައިގައި ހުންނަންޖެހޭ ސިފަތައް އަދި މުއާމަލާތު ކުރުމުގެ ހުނަރުތަކާ ގުޅޭގޮތުން މައުލޫމާތު ހިއްސާކޮށްފައިވެއެވެ.
މި ސެޝަންގައި ޑިއުޓީ ގަޑީގައި ހުންނަ ވަގުތުތަކުގައި ދިމާވާ ކަންކަން ނޯޓުކޮށް ފުލުހުންނާ ހިއްސާކުރަންޖެހޭ ކަމެއް ދިމާވެއްޖެ ހާލަތުގައި އަމަލުކުރާނެގޮތުގެ މައުލޫމާތު ހިއްސާކޮށްފައިވެއެވެ. އަދި ޑިއުޓީ ވަގުތުގައި ހާއްސަ ސަމާލުކަންދޭންޖެހޭ ކަންކަމާއި ދިމާވާ މައްސަލަތައް ހައްލުކުރުމަށް މަސައްކަތްކުރާނެ ގޮތުގެ މައުލޫމާތު ހިއްސާކޮށްފައިވެއެވެ.
ހެޑް އޮފް ސެކިއުރިޓީ އެންޑް ލޯ އެންފޯސްމަންޓް ޓްރެއިނިންގ އިންސްޕެކްޓަރ އޮފް ޕޮލިސް މުހައްމަދު ޞަބާހް މައުލޫމާތުދެއްވި އެ ސެޝަނުގައި ހިޔާ ޓަވަރުގެ 25 ސެކިއުރިޓީ އޮފިސަރުންނާއި ހުޅުމާލޭ ޑިވެލޮޕްމަންޓް ކޯޕަރޭޝަނުން ހަ މުވައްޒަފުން ބައިވެރިވިއެވެ.
ހެޑް އޮފް ސެކިއުރިޓީ އެންޑް ލޯ އެންފޯސްމަންޓް ޓްރެއިނިންގ އިންސްޕެކްޓަރ އޮފް ޕޮލިސް މުހައްމަދު ޞަބާހް މައުލޫމާތުދެއްވި އެ ސެޝަނުގައި ހިޔާ ޓަވަރުގެ 25 ސެކިއުރިޓީ އޮފިސަރުންނާއި ހުޅުމާލޭ ޑިވެލޮޕްމަންޓް ކޯޕަރޭޝަނުން ހަ މުވައްޒަފުން ބައިވެރިވިއެވެ.
ކިޔުންތެރިންގެ ހިޔާލު