އަންނަމަހުގެ 2 ވަނަ ދުވަހުން ފެށިގެން ހުޅުމާލޭގެ ވަގުތީ މިސްކިތް "މަސްޖިދުލް ފިތުޔަ"ގައި ނަމާދުކުރުން ހުއްޓާލަން ނިންމާފައިވާކަމަށް ހައުސިންގ ޑިވެލޮޕްމަންޓް ކޯޕަރޭޝަން، އެޗްޑީސީން ހާމަކޮށްފިއެވެ.
އެޗްޑީސީން ބުނީ އާރުސީސީން ހުޅުމާލޭގައި ގާއިމްކޮށްފައިވާ މަސްޖިދު ރަޝީދުގައި އަންނަ މަހުގެ 2 ވަނަ ދުވަހުން ފެށިގެން ނަމާދުކުރަން ހަމަޖެހިފައިވާކަމަށެވެ. އެގޮތުން އެރޭގެ އިޝާ ނަމާދަށް އެ މިސްކިތް ހުޅުވައި ބޭނުންކުރަން ފަށާނެކަމަށް އެޗްޑީސީން ބުނެއެވެ.
އެޗްޑީސީން ބުނީ މަސްޖިދު ރަޝީދު ހުޅުވުމުން ހުޅުމާލޭގެ ވަގުތީ މިސްކިތް "މަސްޖިދުލް ފިތުޔާ"ގައި ނަމާދުކުރުން ހުއްޓާލަން އިސްލާމިކް މިނިސްޓްރީން ނިންމާފައިވާކަމަށެވެ.
ވަގުތީ މިސްކިތުގައި ނަމާދުކުރުން ހުއްޓާލަން އިސްލާމިކް މިނިސްޓްރީން ނިންމީ އަލަށް ބިނާކުރި މިސްކިތަކީ 1200 މީހުންނަށް އެއް ފަހަރާ ނަމާދު ކުރެވޭނެ މިސްކިތަކަށްވެފައި، ދެ މިސްކިތް ކައިރި ކައިރީގައި ހުރުމުންކަމަށް އެޗްޑީސީން ބުނެއެވެ.
ސަމާލުކަށް!
— HDC (@hdcmaldives) June 26, 2022
ހުޅުމާލޭގެ ވަގުތީ މިސްކިތް “ މަސްޖިދުލް ފިތުޔާ” ގައި ނަމާދުކުރުން ހުއްޓާލުމާ ބެހޭ. pic.twitter.com/e5FRr8FY4A
ވަގުތީ މިސްކިތުގައި ނަމާދުކުރުން ހުއްޓާލަން އިސްލާމިކް މިނިސްޓްރީން ނިންމީ އަލަށް ބިނާކުރި މިސްކިތަކީ 1200 މީހުންނަށް އެއް ފަހަރާ ނަމާދު ކުރެވޭނެ މިސްކިތަކަށްވެފައި، ދެ މިސްކިތް ކައިރި ކައިރީގައި ހުރުމުންކަމަށް އެޗްޑީސީން ބުނެއެވެ.
ކިޔުންތެރިންގެ ހިޔާލު