މިއަހަރުގެ މެއިމަހު ފަލަސްތީނުގެ ވެސްޓްބޭންކް ސަރަހައްދުގައި މޫނަށް ބަޑިޖަހައި މަރާލި ނޫސްވެރިޔާ ޝީރީން އަބޫ އަކްލޭ ގަޔަށް އެރި ވަޒަން އެމެރިކާއާ ހަވާލުކޮށްފިއެވެ.
ގިނަ ރިޕޯޓުތައް ބުނާގޮތުން ފަލަސްތީނުން އެމެރިކާއަށް މިވަޒަން ހަވާލުކޮށްފައިވަނީ ޝީރީން މަރާލީ އިޒްރޭލު ސިފައިންކަމަށް ތުހުމަތުކޮށް ކަމަށް ހެކި ދައްކައިދިނުމަށެވެ. އެގޮތުން މި ވަޒަނަށް އެއްވެސް ބަދަލެއް ނުގެންނަ ކަމަށާއި، އެމެރިކާއިން ބަލަން ބޭނުންވާ ކަންކަން ބެލުމަށްފަހު މިވަޒަން އަނބުރާ ލިބޭނެކަމަށް ފަލަސްތީނުގެ އެޓަރނީ ޖެނެރަލް އަކްރަމް އަލް ޚާތިބް ވިދާޅުވެފައިވެއެވެ.
އަލްޖަޒީރާގެ ނޫސްވެރިޔާ މަރުވި ހާދިސާގައި އިޒްރޭލު ސިފައިންނަށް އެތައް ތުހުމަތެއް ކުރަމުންދާއިރު، އިޒްރާއީލު ސިފައިން ދަނީ އަލްޖަޒީރާގެ ނޫސްވެރިޔާ ޝީރީން މަރާލީ ފަލަސްތީނު ސިފައިންކަމަށް ތުހުމަތުކުރަމުންނެވެ. ނަމަވެސް މިފަހަކުން އިޒްރާއިލު ސިފައިން ވަނީ ޝީރީން ބޮލަށް ހަމަލާދޭން ބޭނުންކުރި ހަތިޔާރު ފެނިފައިވާކަމަށް ބުނެފައެވެ. އަދި މިއީ ޝީރީނަށް ހަމަލާދޭން ބޭނުންކުރި ހަތިޔާރު ކަން ޔަގީން ކުރުމަށް ޝީރީން ގަޔަށް އެރި ވަޒަން ތަހުގީގަށް ބޭނުންވާކަމަށް އިޒްރާއިލު ސިފައިން ބުނެފައިވެއެވެ.
އިޒްރާއީލު ސިފައިންނަށް ވަޒަން ހަވާލުކުރުމަށް ދެކޮޅު ހަދައި ފަލަސްތީނުގެ ވުޒާރާތަކުން ވަނީ ވަޒަނާއި ހަތިޔާރު ތަހުގީގު ކުރުމަށް ބޭރުގެ އެހެން ބައެއްގެ އެހީތެރިކަން ހޯދިދާނެކަމަށްވެސް ބުނެފައެވެ.
ޝީރީނަކީ އަރަބި ބަހުން ފަލަސްތީނުގެ ހަބަރުތައް ގެނެސް ދިނުމުގައި މަޝްހޫރުކަން ލިބިފައިވާ ނޫސްވެރިއެކެވެ. އަދި އޭނާއަށް ހަމަލާދިން އިރު އޭނާ އަކީ އިޒްރާއީލުގެ ބެލުމުގެ ދަށުގައިވާ ފަލަސްތީނުގެ ވެސްޓްބޭންކުގެ ހަބަރުތައް ގެނެސްދިނުމުގައި ހަރަކާތްތެރިވާ އަލްޖަޒީރާގެ ސީނިއަރ ރިޕޯޓަރެކެވެ. އަދި ޝީރީން މަރުވިއިރު، އޭނާ ވަނީ ނޫސްވެރިއެއްގެ ހައިސިއްޔަތުން 25 އަހަރު އަލްޖަޒީރާގައި މަސައްކަތްކޮށްފައެވެ. ޝީރީންގެ މޫނަށް ބަޑިޖަހައި މަރާލައިފައިވަނީ ނޫސްވެރިއެއްކަން ދައްކުވައިދޭ ވެސްޓަކާއި ހެލްމެޓެއް އަޅައިގެން ހުއްޓައެވެ.
މިހާދިސާއާއި ގުޅިގެން ކުރަމުންދާ ތަހުގީގަށް އިތުރަށް ބަލަން ޖެހޭ ކަންކަން ބެލުމަށް ޝީރީން އަބޫ އަކްލޭ ގަޔަށް އެރި ވަޒަން ފަލަސްތީނުން އެމެރިކާއަށް ހަވާލުކޮށްފައިވާކަން ހާމަކޮށްފައިވަނީ، ފަލަސްތީނާއި އިޒްރާއީލުގެ ވެރިންނާ ބައްދަލުކުރުމަށް އެމެރިކާގެ ރައީސް ޖޯ ބައިޑެންގެ ދަތުރުފުޅެއް ތާވަލުކޮށްފައިވަނިކޮށެވެ.
އަލްޖަޒީރާގެ ނޫސްވެރިޔާ މަރުވި ހާދިސާގައި އިޒްރޭލު ސިފައިންނަށް އެތައް ތުހުމަތެއް ކުރަމުންދާއިރު، އިޒްރާއީލު ސިފައިން ދަނީ އަލްޖަޒީރާގެ ނޫސްވެރިޔާ ޝީރީން މަރާލީ ފަލަސްތީނު ސިފައިންކަމަށް ތުހުމަތުކުރަމުންނެވެ. ނަމަވެސް މިފަހަކުން އިޒްރާއިލު ސިފައިން ވަނީ ޝީރީން ބޮލަށް ހަމަލާދޭން ބޭނުންކުރި ހަތިޔާރު ފެނިފައިވާކަމަށް ބުނެފައެވެ. އަދި މިއީ ޝީރީނަށް ހަމަލާދޭން ބޭނުންކުރި ހަތިޔާރު ކަން ޔަގީން ކުރުމަށް ޝީރީން ގަޔަށް އެރި ވަޒަން ތަހުގީގަށް ބޭނުންވާކަމަށް އިޒްރާއިލު ސިފައިން ބުނެފައިވެއެވެ.
އިޒްރާއީލު ސިފައިންނަށް ވަޒަން ހަވާލުކުރުމަށް ދެކޮޅު ހަދައި ފަލަސްތީނުގެ ވުޒާރާތަކުން ވަނީ ވަޒަނާއި ހަތިޔާރު ތަހުގީގު ކުރުމަށް ބޭރުގެ އެހެން ބައެއްގެ އެހީތެރިކަން ހޯދިދާނެކަމަށްވެސް ބުނެފައެވެ.
މިހާދިސާއާއި ގުޅިގެން ކުރަމުންދާ ތަހުގީގަށް އިތުރަށް ބަލަން ޖެހޭ ކަންކަން ބެލުމަށް ޝީރީން އަބޫ އަކްލޭ ގަޔަށް އެރި ވަޒަން ފަލަސްތީނުން އެމެރިކާއަށް ހަވާލުކޮށްފައިވާކަން ހާމަކޮށްފައިވަނީ، ފަލަސްތީނާއި އިޒްރާއީލުގެ ވެރިންނާ ބައްދަލުކުރުމަށް އެމެރިކާގެ ރައީސް ޖޯ ބައިޑެންގެ ދަތުރުފުޅެއް ތާވަލުކޮށްފައިވަނިކޮށެވެ.
ކިޔުންތެރިންގެ ހިޔާލު