ފިލިޕީންސްގެ ލޫޒޯންއަށް 7.1 މެގްނިޓިއުޑްގެ ބާރުގަދަ ބިންހެލުމެއް އައިސް ބޮޑެތި ގެއްލުން ތަކެއް ވެއްޖެއެވެ.

ލޫޒޯން އަށް އައި މިބިންހެލުމާއެކު އުތުރުގެ ޕްރަޮވިންސެއްގެ ހޮސްޕިޓަލަކާއި އިމާރާތްތަކަށް ވަރަށް ބޮޑަށް ގެއްލުންވެފައިވެއެވެ. އަދި މިބިންހެލުމުގެ އަސަރު ފިލިޕީންސުގެ ވެރިރަށް މެނިިލާއަށް ކުރިކަމަށްވެސް ރިޕޯޓުތައް ބުނެއެވެ.



ބިންހެލުމާ ގުޅިގެން އަބްރާ ޕްރޮވިންސުގެ ހޮސްޕިޓަލުގެ އިމާރާތުގެ ބައެއް ވެއްޓުމާއެކު އެތަނުގައި ތިބި މީހުން ރައްކާތެރި ސަރަހައްދުތަކަށް ބަދަލުކޮަށްފައިވެއެވެ. ހޮސްޕިޓަލަށް ގެއްލުން ލިބުނު ނަމަވެސް ހޮސްޕިޓަލުގައި އެވަގުތު ތިބި އެއްވެސް މީހަކަށް ގެއްލުމެއް ލިބިފައިނުވާ ކަމަށް އޮފިޝަލުން ބުނެ އެވެ.



ބިންހެލުމުގައި ގިނަ ގެތަކަށް ގެއްލުން ލިބި ބޮޑު ސަރަހައްދަކުން ކަރަންޓު ކެނޑިފައިވާ ކަމަަށްވެސް އަބްރާ ޕްރޮވިންސްގެ ލަގަންގިލަންގް ޓައުންގެ މޭޔަރު ރޮވެލީން ވިލާމޯ އާ ހަވާލާދީ ރިޕޯޓުތައް ބުނެއެވެ. ނަމަވެސް މިހާތަނަށް އަދި މިބިންހެލުމުގެ ސަބަބުން މީހަކަށް އަނިޔާވިކަމެއް ރިޕޯޓުކޮށްފައި ނުވާކަމަށް މޭޔަރ ރޮވެލީން ވިލާމޯ ވިދާޅުވެފައިވެއެވެ.



ފިލިޕީންސުގެ ވެރިރަށް މެނިލާއަށް ވެސް ބިންހެލުން އިހުސާސް ކުރެވުނު އިރު އެތައް އިމާރާތެއް ހުސްކޮށް، މެނީލާގެ މެޓްރޯ ރޭލް ނިޒާމުތައް ވަނީ އެންމެ ބާރުބޮޑުވާ ގަޑިތަކުގައި ހުއްޓާލާފަ އެވެ.



ފިލިޕީންސް އަކީ ގުދުރަތީ ކާރިސާތައް ގިނައިން ތަހައްމަލު ކުރާ ނާޒުކު ގައުމެކެވެ.