އެމެރިކާގެ ކަސްޓަމްސްއާއި ބޯޑަރ ޕްރޮޓެކްޝަން އޮފިސަރުން ހިންގި އޮޕަރޭޝަނެއްގައި ބޭބީ ވައިޕް ނުވަތަ ކުޑަކުދިން ތާހިރުކުރަން ބޭނުންކުރާ ޓިޝޫ ޝިޕްމަންޓެއްގެ ތެރެއިން 11 މިލިއަން ޑޮލަރުގެ ކޮކެއިން އަތުލައިގެންފިއެވެ.

ހުކުރު ދުވަހު ހިންގި މި އޮޕަރޭޝަންގައި ޓިޝޫ ޝިޕްމަންޓްގެ ތެރެއިން ވަނީ 680 ކިލޯގެ ކޮކެއިން އަތުލައިގެންފައެވެ. އަދި މިތަކެތީގެ އަގު 11.8 މިލިއަން ޑޮލަރަށް އަރާނެކަމަށް ކަމާއިބެހޭ ފަރާތްތަކުން ބުނެއެވެ.

Colossal, record setting seizure. Largest Cocaine bust in 20 years! The Laredo Port of Entry seizes over 1,500 pounds of cocaine from Transnational Criminal Organizations! Extremely proud of our @CBP employees for keeping our communities safe. pic.twitter.com/WKDAFD4zIm

— Director, Field Operations, Randy Howe (@DFOLaredo) August 29, 2022

ހަބަރުތައް ބުނާގޮތުން މި ތަކެތި އަތުލައިގަތީ މެކްސިކޯއާއި އެމެރިކާ ގުޅޭ ބޯޑަރުގައި އޮންނަ ބްރިޖަކުން ހުރަސްކުރި މުދާ އުފުލާ ޓްރަކަކުންނެވެ. އެތަކެތި ބަންދުކޮށްފައި ހުރީ 1935 ޕެކެޓެއްގައިކަމަށްވެސް ހަބަރުތައް ބުނެއެވެ.

އެމެރިކާގެ ކަމާއިބެހޭ ފަރާތްތަކުން ދަނީ މިމައްސަލަ މިހާރު ތަހުގީގުކުރަމުންނެވެ.