ސަޢުދީ ޢަރަބިއްޔާގެ މަދީނާގެ ޔުނިވަރސިޓީއެއް ކަމަށްވާ ތައިބާ ޔުނިވާސިޓީގެ ބޭސްވެރިންގެ ޓީމަކުން ކޯވިޑް-19 އަށް ފަރުވާދޭ ހަކީމީ މުޖައްރިބު ބޭހެއް ހޯދައިފިއެވެ.

މިބޭހަކީ ކޯވިޑް-19 އަށް ޕޮޒިޓިވް ވެފައިވާ މީހުން ބަލިން ރަނގަޅު ކުރުމަށާއި އެމީހުންނާ ކޮންޓެކްޓް ވެފައިވާ މީހުން ބަލިން ސަލާމަތް ކުރުމަށް ނުވަތަ ބަލި ޖެހުމުގެ ކުރިން ބަލިން ރައްކާތެރި ވުމަށް ބޭނުން ކުރެވޭ ބޭހެއްކަމަށް ޑެއިލީ ސަންގައި ރިޕޯޓްކޮށްފައިވެއެވެ.

ސަޢުދީ ޢަރަބިއްޔާގެ މަދީނާގެ މާތްވެގެންވާ ބިމުން ހޯދުނު މިބޭހުގައި މުހިންމު ދައުރެއް އަދާކުރަނީ ކީރިތި ރަސޫލާ صلي الله عله وسلم ހަދީސްފުޅު ކުރައްވާފައިވާ މަރު ފިޔަވައި އެހެން ހުރިހާ ބައްޔަކަށް ފަރުވާއެއްގެ ގޮތުގައި ބޭނުން ކުރެވޭ ކަޅުދިރިއެވެ. ތައިބާ ޔުނިވާސިޓީގެ ތަޖުރިބާކާރު ހަކީމުންގެ ޓީމުން ހޯދާފައިވާ މި ބޭހުގެ ހޯދުންތަކާބެހޭ މައުލޫމާތު ކަރުދާސް މިހާރުވަނީ އެމެރިކަން ޖާނަލް އޮފް ޕަބްލިކް ހެލްތު ރިސާރޗް ގައި ޝާއިޢުކޮށް އެންމެންނަށް ވެސް ބޭހާއި ބެހޭ މައުލޫމާތު ލިބޭނެހެން އާންމުކޮށްފައެވެ.

ބޭހުގެ ޑޯޒްއާއި ބޭސް ތައްޔާރުކުރާނެ ގޮތް:-

1 ސައިސަމުސާ (2 ގްރާމް) ކަޅު ދިރި

1 ސައިސަމުސާ (1 ގްރާމް) ކެމޯމައިލް / ހިމުންކޮށްފައި (ކެމޯމައިލްއަށް ދިވެހި ކިޔަނީ ބަބުނަ)

1 މޭޒުމަތީ ސަމުސާ ގެ މާމުއި (ނެޗުރަލް ބީ ހަނީ)

މިހުރިހާ އެއްޗެއް އެއްކޮށް ރަނގަޅަށް މިކްސް ކުރާށެވެ. އެއަށްފަހު ރަނގަޅަށް ހަފައިގެން ކައި ދިރުވާލާށެވެ. މި ބޭސް ކެއުމަށްފަހު އަނގައިން ރަހަ ކަނޑުވާލުމަށް ކޮންމެވެސް ކަހަލަ ޖޫހެއް ބޭނުން ކުރާށެވެ. ނޫނީ އޮރެންޖް. ލުނބޯ ކަހަލަ އަނގައިން ރަހަ ކެނޑޭ ކަހަލަ މޭވާއެއް ވެސް ބޭނުންކޮށްލެވިދާނެއެވެ.

މިބޭހަށް ދީފައިވާ ނަމަކީ "ޓައިބްއުވިޑް" ނުވަތަ "ތައިބާ ޔުނިވަރސިޓީ އެންޓި ކޯވިޑް-19 ޓްރީޓްމެންޓް" އެވެ.

ބަލިން ރައްކާތެރިވުމަށް:-

ކޯވިޑް-19 ގެ ޢާލަމީ ވަބާއިން ރައްކާތެރި ވުމަށް ބަލި މުޅިން މުޖުތަމަޢުން ފިލާ ދަންދެން ދުވާލަކު އެއްފަހަރު މިބޭސް ބޭނުން ކުރައްވާށެވެ. އިރާދަކުރެއްވިއްޔާ އޭރުން ބަލިން ސަލާމަތް ވެވޭނެއެވެ.

ބަލީގެ ފަރުވާ:-

ބަލި ޖެހިފައިވާ މީހުން ހަފުތާއެއް ވަންދެން ދުވާލަކު ފަސް ފަހަރު މި ބޭސް ބޭނުން ކުރައްވާށެވެ.

އޭގެ ފަހުން މުޖުތަމަޢުން ބަލި ފިލާ ދާންދެން ކޮންމެ ދުވަހަކު އެއްފަހަރު ބޭސް ބޭނުން ކުރައްވާށެވެ.

މާގަދައަށް ކެއްސާ ނޭވާލާން އުނދަގޫވާގޮތް ހުންނަ ނަމަ ކަޅުދިރި ތެއު ނުވަތަ ކަރަންފޫ ތެލުން އާވި (އިންހޭލްކުރުން) އަރުވާށެވެ. ނޫންނަމަ ކަޅުދިރިއާ ކެމޯމައިލް ފެނުގައި ކައްކައިގެން އުފެދޭ ސޮލިއުޝަނުން އާވިއަރުވާށެވެ. އާވިއެރުވުމަށް ބޭނުން ކުރާނީ ނެބިއުލައިޒަރ އެކެވެ.

ނެބިއުލައިޒަރއެއް ނެތިއްޔާ އެއް މޭޒުމަތީ ސަމުސާ ކަޅުދިރިއާއި އެއް މޭޒުމަތީ ސަމުސާ ކެމޯމައިލް އަދި ފެންކައްކާ ކަހަލަ ޖަގެއް ކަހަލަ އެއްޗެއްގައި އެއްޖޯޑު ފެން އަޅައިގެން ކޮންމެވެސް ވަރަކަށް މަތި ނިވާކޮށްގެން މަޑު ގިނީގައި ކެއްކުމުން އަރާ އާވިން ވަސްބަލާށެވެ. ނޫނީ އިންހޭލް ކުރާށެވެ. މި ގޮތަށް ދުވާލަކު ފަހެއް ނުވަތަ ހަ ފަހަރު ހަދަންވާނެއެވެ.

މިބޭހުގެ ހޯދުންތައް ހޯދުމުގައި ހަރަކާތްތެރިވެ ވަޑައިގެންނެވި 10 ހަކީމުންގެ ޓީމުގައި ހިމެނިވަޑައިގަންނަވާ އިސް ތަޖުރިބާކާރު ޑޮކްޓަރ ސަލާހް މުޙައްމަދު އަލް ސައްޔިދު ވިދާޅުވި ގޮތުގައި މާތްﷲ ގެ އިރާދަފުޅާ ވާގިފުޅާއެކު މި ބޭސް ބޭނުންކުރި އެއްވެސް މީހަކު ބަލި ރަނގަޅުވާން ހަފުތާއަކަށް ވުރެ ގިނަ ދުވަސް ނަގާފައި ނުވާ ކަމަށެވެ. އަދި ޓައިބްއުވިޑް ތައްޔާރުކޮށްފައި ވަނީ ބަލި މީހުން އަމިއްލައަށް ގޭގައި ކަމަށް ވެސް އޭނާ ވިދާޅުވެފައި ވެއެވެ. މިހާތަނަށް މި ބޭސް ބޭނުންކުރި އެންމެންވެސް ބަލިން ރަނގަޅު ވެފައިވާ ކަމުގައި އޭނާ ވިދާޅުވެފައި ވެއެވެ.

"އަޅުގަނޑުމެން ވާނީ މި ބޭހާ ބެހޭ ހުރިހާ މައުލޫމާތެއް ބޭސްވެރިކަމާ ބެހޭ ޖާނަލްގައި ޝާއިޢުކޮށްފައި. އޭގެ ބޭނުމަކީ ބަލިން ފަރުވާ ހޯދުމަށް މާތް ﷲ ގެ ތަނަވަސް ރަޙުމަތާއެކު މި ބޭސް ހަދާނެ ގޮތާއި ބޭނުން ކުރާނެ ގޮތް އާންމުކޮށް ގިނަ ބަޔަކަށް ފޯރުކޮށްދީ ވީހާ ގިނަ ބަޔަލު މި ބަލިން ސަލާމަތްވުން. ﷲ އިރާދުފުޅާއެކު މިބޭސް ބޭނުންކުރި އެންމެން ވަނީ ބަލިން ރަނގަޅުވެފަ." ބޭސް ބޭނުން ކުރަން ހިތްވަރު ދެއްވަމުން ޑޮކްޓަރ ސަލާހް މުޙައްމަދު އަލް ސައްޔިދު ވިދާޅުވެފައި ވެއެވެ.