އެމެރިކާގެ ގާނޫނު ހަދާ މަޖިލީހަށް މެމްބަރުން އިންތިހާބުކުރުމަށް ބާއްވާ މިޑްޓާމް އިލެކްޝަން ފަށައިގެން ކުރިއަށް އެބަދެއެވެ.
އެމެރިކާގައި އޮންނަ އުސޫލުތަކުގެ ދަށުން އެ ގައުމުގެ ގާނޫނު ހަދާ މަޖިލީހުގެ މަތިގެއާއި ތިރިގެއަށް މެމްބަރުން އައްޔަންކުރަނީ އެކި މުއްދަތަށެވެ. ގާނޫނު ހަދާ މަޖިލީހުގެ މަތިގެ ނުވަތަ ސެނެޓަށް މެމްބަރުން އައްޔަންކުރަނީ 6 އަހަރު ދުވަހުގެ މުއްދަތަކަށެވެ. އަދި ގާނޫނު ހަދާ މަޖިލީހުގެ ތިރިގެ ހައުސް އޮފް ރެޕްރެޒެންޓެޓިވްސްއަށް މެމްބަރުން އައްޔަން ކުރަނީ 2 އަހަރު ދުވަހުގެ މުއްދަތަކަށެވެ.
މިޑްޓާމް އިލެކްޝަނަކީ އެމެރިކާގެ ގާނޫނު ހަދާ މަޖިލީހުގެ ތިރިގެ އާއި މަތިގޭގެ މެމްބަރުންގެ ތެރެއިން ދައުރު ހަމަވާ މެމްބަރުންގެ ގޮނޑިތަކަށް އައު މެމްބަރުން އިންތިހާބުކުރުމަށް ރިޔާސީ ދައުރެއްގެ މެދުތެރެއިން ބާއްވާ އިންތިހާބެކެވެ. އަނެއްކޮޅުން ރިޔާސީ އިންތިހާބާއެކުވެސް ގާނޫނު ހަދާ މަޖިލީހުގެ އިންތިހާބު ބާއްވައެވެ. ނަމަވެސް އެއީ މިޑްޓާމް އިލެކްޝަނެއް ނޫނެވެ.
މިފަހަރުގެ މިޑްޓާމް އިލެކްޝަނުގައި ގާނޫނު ހަދާ މަޖިލީހުގެ 435 ގޮނޑިއާއި ސެނެޓްގެ 100 ގޮނޑީގެ ތެރެއިން 35 ގޮނޑިއެއްގެ އިންތިހާބު ކުރިއަށްދާނެއެވެ. އަދި ބައެއް ސްޓޭޓްތަކުގެ ގަވަރުނަރުގެ އިންތިހާބާއި ލޯކަލް ކައުންސިލްތަކުގެ އިންތިހާބުވެސް މިޑްޓާމް އިލެކްޝަންގެ ތެރޭގައި ކުރިއަށްދާނެއެވެ.
މިފަހަރުގެ މިޑްޓާމް އިލެކްޝަނަށްދާއރު ގާނޫނު ހަދާ މަޖިލީހުގެ ތިރިގެ އާއި މަތިގެވެސް ކޮންޓްރޯލް ކުރަނީ ވެރިކަންކުރާ ޑިމޮކްރެޓކް ޕާޓީންނެވެ. ނަމަވެސް އެއީ ވަރަށް ހަނި އަގްލަބިއްޔަތަކުންނެވެ.
ދިރާސާކުރާ ބައެއް ފަރާތްތަކުން ބުނާގޮތުން މިފަހަރުގެ އިންތިހާބުގައި ގާނޫނު ހަދާ މަޖިލީހުގެ ތިރިގެ ނުވަތަ ހައުސް އޮފް ރެޕްރެޒެންޓެޓިވްސްގެެ އަގްލަބިއްޔަތު އިދިކޮޅު ރިޕަބްލިކަން ޕާޓީއަށް ލިބިދާނެއެވެ.ނަމަވެސް ސެނެޓްގެ މެޖޯރިޓީ އޮންނާނީ ޑިމޮކްރެޓުންނަށްކަމަށް ހަބަރުތައް ބުނެއެވެ.
މިޑްޓާމް އިލެކްޝަނަކީ ރިޔާސީ ދައުރެއްގެ މެދުތެރެއިން ބާއްވާ އިންތިހާބަކަށްވުމުން މިއީ ސަރުކާރަށް ތާއީދު އޮތް މިންވަރު ދައްކުވައިދޭނެ އިންތިހާބެކެވެ.
މި އިންތިހާބުގެ ނަތީޖާ ލިބޭނީ މާދަމާގެ ވަގުތެއްގައެވެ.
މިޑްޓާމް އިލެކްޝަނަކީ އެމެރިކާގެ ގާނޫނު ހަދާ މަޖިލީހުގެ ތިރިގެ އާއި މަތިގޭގެ މެމްބަރުންގެ ތެރެއިން ދައުރު ހަމަވާ މެމްބަރުންގެ ގޮނޑިތަކަށް އައު މެމްބަރުން އިންތިހާބުކުރުމަށް ރިޔާސީ ދައުރެއްގެ މެދުތެރެއިން ބާއްވާ އިންތިހާބެކެވެ. އަނެއްކޮޅުން ރިޔާސީ އިންތިހާބާއެކުވެސް ގާނޫނު ހަދާ މަޖިލީހުގެ އިންތިހާބު ބާއްވައެވެ. ނަމަވެސް އެއީ މިޑްޓާމް އިލެކްޝަނެއް ނޫނެވެ.
މިފަހަރުގެ މިޑްޓާމް އިލެކްޝަނުގައި ގާނޫނު ހަދާ މަޖިލީހުގެ 435 ގޮނޑިއާއި ސެނެޓްގެ 100 ގޮނޑީގެ ތެރެއިން 35 ގޮނޑިއެއްގެ އިންތިހާބު ކުރިއަށްދާނެއެވެ. އަދި ބައެއް ސްޓޭޓްތަކުގެ ގަވަރުނަރުގެ އިންތިހާބާއި ލޯކަލް ކައުންސިލްތަކުގެ އިންތިހާބުވެސް މިޑްޓާމް އިލެކްޝަންގެ ތެރޭގައި ކުރިއަށްދާނެއެވެ.
މިފަހަރުގެ މިޑްޓާމް އިލެކްޝަނަށްދާއރު ގާނޫނު ހަދާ މަޖިލީހުގެ ތިރިގެ އާއި މަތިގެވެސް ކޮންޓްރޯލް ކުރަނީ ވެރިކަންކުރާ ޑިމޮކްރެޓކް ޕާޓީންނެވެ. ނަމަވެސް އެއީ ވަރަށް ހަނި އަގްލަބިއްޔަތަކުންނެވެ.
ދިރާސާކުރާ ބައެއް ފަރާތްތަކުން ބުނާގޮތުން މިފަހަރުގެ އިންތިހާބުގައި ގާނޫނު ހަދާ މަޖިލީހުގެ ތިރިގެ ނުވަތަ ހައުސް އޮފް ރެޕްރެޒެންޓެޓިވްސްގެެ އަގްލަބިއްޔަތު އިދިކޮޅު ރިޕަބްލިކަން ޕާޓީއަށް ލިބިދާނެއެވެ.ނަމަވެސް ސެނެޓްގެ މެޖޯރިޓީ އޮންނާނީ ޑިމޮކްރެޓުންނަށްކަމަށް ހަބަރުތައް ބުނެއެވެ.
މި އިންތިހާބުގެ ނަތީޖާ ލިބޭނީ މާދަމާގެ ވަގުތެއްގައެވެ.
ކިޔުންތެރިންގެ ހިޔާލު