ޔުގަންޑާގެ އިރުމަތީ ސަރަހައްދެއް ކަމަށްވާ ޖިންޖާއިން އެބޯލާ ކޭސްއެއް ފެނިފައިވާ ކަމަށް އެގައުމުގެ ހެލްތު މިނިސްޓަރު ވިދާޅުވެއްޖެ އެވެ.

މިއީ އިރުމަތީ ސަރަހައްދުން މިބަލި ފެނުނު ފުރަތަމަ ފަހަރުކަމަށްވެސް އެމިނިސްޓްރީން ހާމަކޮށްފައިވެއެވެ.

ޔުގަންޑާގައި އެބޯލާ ބަލި އެޕިޑެމިކެއްގެ ގޮތުގައި ފެތުރެމުންދާކަން މިފަހަކުން އިއުލާންކޮށްފައިވަނީ ސެޕްޓެމްބަރު 20 ވަނަ ދުވަހުއެވެ. ބަލިމަޑުކަން އިއުލާން ކުރި ފަހުން ބަލިޖެހޭ މީހުންގެ އަދަދާއި، މިބަލީގައި ލޭމައްޗަށްދިއުމާއި ހުމުގެ އަސަރު ކޮންޓްރޯލް ކުރުމަށް ކަމާބެހޭ ފަރާތްތަކަށް ވަނީ އުނދަގޫތަކެއް ކުރިމަތިވެފަ އެވެ.

ޔުގަންޑާގައި މިހާތަނަށް ޖުމްލަ 135 މީހަކު އެބޯލާއަށް ފައްސިވެ 53 މީހަކު މިބަލީގައި މަރުވެފައިވާ ކަމަށް ޔުގަންޑާގެ ހެލްތު މިނިސްޓްރީން ބުނެއެވެ.