ކޮންމެ މީހަކު ކުރިޔަސް ރޭޕް ވާނީ ރޭޕަށް ކަމަށާއި، އެކަމަނާގެ ފިރިކަލުން މީހަކު ރޭޕްކޮށްފައި ނުވާނެ ކަމަށް އައްޑޫ މީދޫ ދާއިރާގެ މެންބަރު ރޮޒައިނާ އާދަމް ވިދާޅުވެއްޖެއެވެ.

ރޮޒައިނާ މިހެން ވިދާޅުވީ، ހުޅުމާލެ ބޭރުގައި އޮތް ސަފާރީއެއްގައި 2 ފިރިހެނަކު ބިދޭސީ އަންހެނަކު ރޭޕް ކުރި ކަމަށް ބުނާ މައްސަލައިގެ ތުހުމަތު ރައްޔިތުންގެ މަޖިލީހުގެ މެންބަރެއްގެ ފިރިކަލުންނަށް ކުރަމުން ގެންދާ މައްސަލައާއި ގުޅިގެންނެވެ.

ހުޅުމާލޭ ކައިރީގައި އަޅާފައި އޮތް ސަފާރީއެއްގައި ބިދޭސީ އަންހެނަކަށް ޖިންސީ ގޯނާ ކޮށްފައިވާ މައްސަލައެއް ފުލުހުންނަށް ހުށަހަޅާފައިވާ ކަމަށް ފުލުހުން ވަނީ ބުނެފައެވެ. އަދި އެ މައްސަލާގައި ހައްޔަރުކުރި 2 މީހުން ތަހުގީގަށް ހައްޔަރުކޮށްފައި ބެހެއްޓޭނެ އެކަށީގެންވާ ސަބަބެއް ނެތުމުން ކޯޓުންވަނީ އެމީހުން ދޫކޮށްލާފައެވެ.

ރޮޒައިނާ ވިދާޅުވީ، މީހެއްގެ ފިރިޔަކު ކުރިޔަސް، ބޭބެއަކު ކުރިޔަސް އަދި ބައްޕަޔަކު ކުރިޔަސް ރޭޕް ވާނީ ރޭޕަށް ކަމަށާއި، ރޭޕް ކުރީ ކޮންމެ މީހަކު ނަމަވެސް އެމީހަކު އިންސާފުގެ ކުރިމައްޗަށް ގެންނަން ޖެހޭނެ ކަމަށެވެ. އަދި މަޖިލީހުގައި ތިބި އެމްޑީޕީއަށް ނިސްބަތްވާ އަންހެން މެމްބަރުންގެ ފޮޓޯ ޖަހައިގެން އެގޮތަށް މީސްމީޑިއާގައި ދައުރު ކުރުން ގޯސް ކަމަށާއި، އޭނާގެ ފިރިކަލުން "މީހަކު ރޭޕް ކޮށްފައި" ނުވާ ކަމް ރޮޒައިނާ ވިދާޅުވިއެވެ.

Rape is rape, regardless of whose husband or brother or father, did it. If someone is raped, the perpetrator HAS to be brought to justice. Period.
It is wrong to circulate our photos with regard to this bcos none of us raped anyone. Just for clarification, neither did my husband https://t.co/MwcRtCliIw

— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) June 27, 2020

މި މައްސަލާގައި ހައްޔަރުކުރީ، ރައްޔިތުންގެ މަޖިލީހުގެ ހިންނަވަރު ދާއިރާގެ މެންބަރު އަދި މަޖިލީހުގެ ހިއުމަން ރައިޓްސް އެންޑް ޖެންޑާ ކޮމިޓީގެ މުގައްރިރު ޖީހާން މަހުމޫދުގެ ފިރިކަލުންނާ އަދި އާއިލާގެ އެހެން ފަރާތެއް ކަމަށް ބުނެ ސޯޝަލް މީޑިއާގައި ދަނީ ފޮޓޯއެއް ދައުރުކުރަމުންނެވެ.

މި މައްސަލައިގައި މިހާތަނަށް މެމްބަރު ޖީހާން އެއްވެސް އެއްޗެއް ވިދާޅުވެފައި ނުވާއިރު، ފުލުހުން ބުނީ، އެ މައްސަލާގައި ހިމެނޭ މީހުން ކޯޓުން ދޫކޮށްލިނަމަވެސް މައްސަލަ ތަހުގީގު ކުރަމުން ދާ ކަމަށެވެ.