ޗައިނާގެ ފައިސާ، ޔުއާން، ބޭނުންކޮށްގެން ތެލުގެ ވިޔަފާރީގެ މުއާމަލާތެއް ރަޝިޔާއާއެކު (ރޫސީވިލާތާއެކު) ޕާކިސްތާނުން ކޮށްފިކަމަށް، ޕާކިސްތާނުގެ ތެލާބެހޭ ވަޒީރު މިދިޔަ ހޯމަ ދުވަހު ވިދާޅުވެއްޖެއެވެ.
ޕާކިސްތާނުގެ ތެލާބެހޭ ވަޒީރު މުޞައްދިގް މާލިކް ވިދާޅުވި ގޮތުގައި ރޫސީވިލާތުގެ ސަރުކާރާއި ޕާކިސްތާނު ސަރުކާރާއި ދެމެދު ހިންގުނު މިމުއާމަލާތުގައި ޕާކިސްތާނުން ގަނެފައިވަނީ ރޫސީވިލާތުގެ އެއްލައްކަ ޓަނުގެ ސާފުނުކާ ތެލެވެ (ކްރޫޑް އޮއިލްއެވެ). މިއީ މިދެގައުމުގެ ދެމެދުގައި މިފަދަ ވިޔަފާރިއެއް ކުރެވުނު ފުރަތަމަ ފަހަރެވެ.
ރިޕޯޓުތައް ބުނާ ގޮތުން މި އެއްލަކަ ޓަނުގެ ތެރެއިން ސާޅީސް ފަސްހާސް ޓަނު ތެޔޮ މިހާރުވަނީ ޕާކިސްތާނުގެ ކަރާޗީގެ ބަނދަރަށް ފޯރާފައެވެ. ރޫސީވިލާތާއި ޕާކިސްތާނުން ވިޔަފާރީގެ މިމުއާމަލާތް ކޮށްފައިވަނީ މިދިޔަ އެޕްރީލް މަހުގެ ތެރޭގައެވެ.
ބައިނަލްއަގްވާމީ ވިޔަފާރީގައި އަގުއަދާކުރުމަށް ޗައިނާގެ ފައިސާ ، ޔުއާން ، ބޭނުންކުރުން މިހާރުދަނީ ވަރަށް ބޮޑަށް ޢާއްމުވަމުންނެވެ. މީގެ ކުރީގައި މިފަދަ މުއާމަލާތެއް ހިންގޭނީ އެމެރިކާ ޑޮލަރު ނުވަތަ ހުޅަނގު ޔޫރަޕުގެ ކޮންމެވެސް ފައިސާއެއް ބޭނުންކޮށްގެންނެވެ.
މިރިޕޯޓާއި ގުޅުންހުރި އެހެން ޚަބަރެއްގައި ، މިދިޔަ ފެބްރުއަރީ މަހު ، ޢިރާގުގެ މަރުކަޒީ ބޭންކުން ބުނެފައިވާ ގޮތުގައި އެގައުމާއި ޗައިނާއާއި ދެމެދު ކުރާ މުއާމަލާތްތައް ކުރާނީ ޗައިނާގެ ޔުއާން ބޭނުންކޮށްގެންނެވެ.
ހަމަ މިފަދައިން ، މިދިޔަ މާރޗްމަހު ފަރަންސޭސި ޓޯޓަލް އެނަޖީސް ކުންފުނިން ވިއްކި ގޭހުގެ (އެލް.އެންޖީ ގޭސް) ޝިޕްމަންޓެއް ގަތުމަށް ޗައިނާ ނޭޝަނަލް އޮފްޝޯ އޮއިލް ކޯޕަރޭޝަނުންވެސް ޔުއާން ބޭނުންކޮށްފައިވެއެވެ.
ރިޕޯޓުތައް ބުނާ ގޮތުގައި މިއަހަރު ފެށުނު ހިސާބުން ފެށިގެން ، ގައުމުތަކުން ވަނީ ޑޮލަރާއި ދުރަށްދާން ފަށާފައެވެ. މައިގަނޑު ސަބަބެއްކަމަށް ރިޕޯޓުތައް ބުނަނީ ޑޮލަރުގެ ހަރުދަނާކަމާއިމެދު އުފެދިފައިވާ ސުވާލުތައް ގިނަވެފައިވުމާއި އެމެރިކާގެ އަރަނިދަރަނީގެ ހާލަތާއިމެދު ޝައްކުތައް އުފެދިފައިވުމެވެ. މައިގަނޑު ގޮތެއްގައި ޑޮލަރާއި ދުރަށްދާން ފަށާފައިވަނީ އިގްތިޞާދީ ގޮތުން ހަމައިސްކޮޅަށް ތެދުވެވޭތޯ މަސައްކަތްކުރަމުންދާ ގައުމުތަކެވެ.
ދުނިޔޭގެ ސަތޭކަ ސާޅީސް ގައުމުގެ ވިޔަފާރީގެ (އިމްޕޯޓް އެކްސްޕޯޓުގެ) އެންމެ ބޮޑު ބައިވެރިޔަކީ ޗައިނާއެވެ. އެހެންކަމުން، ބައިނަލްއަގްވާމީ މާލީ ބާޒާރަށް ނުކުމެ ، ޑޮލަރާއި ޔޫރޯފަދަ ބާރުގަދަ ފައިސާތަކާއި ވާދަކުރުން ، ޗައިނާގެ ޔުއާންއަށް މިހާރުވަނީ ވަރަށް ފަސޭހަކަމަކަށް ވެފައެވެ.
ރިޕޯޓުތައް ބުނާ ގޮތުން މި އެއްލަކަ ޓަނުގެ ތެރެއިން ސާޅީސް ފަސްހާސް ޓަނު ތެޔޮ މިހާރުވަނީ ޕާކިސްތާނުގެ ކަރާޗީގެ ބަނދަރަށް ފޯރާފައެވެ. ރޫސީވިލާތާއި ޕާކިސްތާނުން ވިޔަފާރީގެ މިމުއާމަލާތް ކޮށްފައިވަނީ މިދިޔަ އެޕްރީލް މަހުގެ ތެރޭގައެވެ.
ބައިނަލްއަގްވާމީ ވިޔަފާރީގައި އަގުއަދާކުރުމަށް ޗައިނާގެ ފައިސާ ، ޔުއާން ، ބޭނުންކުރުން މިހާރުދަނީ ވަރަށް ބޮޑަށް ޢާއްމުވަމުންނެވެ. މީގެ ކުރީގައި މިފަދަ މުއާމަލާތެއް ހިންގޭނީ އެމެރިކާ ޑޮލަރު ނުވަތަ ހުޅަނގު ޔޫރަޕުގެ ކޮންމެވެސް ފައިސާއެއް ބޭނުންކޮށްގެންނެވެ.
މިރިޕޯޓާއި ގުޅުންހުރި އެހެން ޚަބަރެއްގައި ، މިދިޔަ ފެބްރުއަރީ މަހު ، ޢިރާގުގެ މަރުކަޒީ ބޭންކުން ބުނެފައިވާ ގޮތުގައި އެގައުމާއި ޗައިނާއާއި ދެމެދު ކުރާ މުއާމަލާތްތައް ކުރާނީ ޗައިނާގެ ޔުއާން ބޭނުންކޮށްގެންނެވެ.
ހަމަ މިފަދައިން ، މިދިޔަ މާރޗްމަހު ފަރަންސޭސި ޓޯޓަލް އެނަޖީސް ކުންފުނިން ވިއްކި ގޭހުގެ (އެލް.އެންޖީ ގޭސް) ޝިޕްމަންޓެއް ގަތުމަށް ޗައިނާ ނޭޝަނަލް އޮފްޝޯ އޮއިލް ކޯޕަރޭޝަނުންވެސް ޔުއާން ބޭނުންކޮށްފައިވެއެވެ.
ދުނިޔޭގެ ސަތޭކަ ސާޅީސް ގައުމުގެ ވިޔަފާރީގެ (އިމްޕޯޓް އެކްސްޕޯޓުގެ) އެންމެ ބޮޑު ބައިވެރިޔަކީ ޗައިނާއެވެ. އެހެންކަމުން، ބައިނަލްއަގްވާމީ މާލީ ބާޒާރަށް ނުކުމެ ، ޑޮލަރާއި ޔޫރޯފަދަ ބާރުގަދަ ފައިސާތަކާއި ވާދަކުރުން ، ޗައިނާގެ ޔުއާންއަށް މިހާރުވަނީ ވަރަށް ފަސޭހަކަމަކަށް ވެފައެވެ.
ކިޔުންތެރިންގެ ހިޔާލު