ދެގައުމުގެ ދެމެދުގައި ވެވުނު ވަރަށް މުޙިންމު އެއްބަސްވުންތަކަކާއި ގުޅިގެން، ފަލަސްޠީނާއި ޗައިނާގެ ދޭދޭ ގުޅުންތައް އިހަށްވުރެ މާމަތީދަރަޖައަކަށް އުފުލިގެންގޮސްފިއެވެ.
ޗައިނާގެ ވެރިރަށް ބެއިޖިންގްގައި ، ޗައިނާގެ ރައީސް ޝީ ޖިންގްޕިންގްއާއި ފަލަސްޠީނުގެ ރައީސް މަޙްމޫދް ޢައްބާސް ، އިއްޔެ ބޭއްވެވި ރަސްމީ ބައްދަލުކުރެއްވުމުގައި، ރައީސް ޝީ ވިދާޅުވީ، "މިއެއްބަސްވުންތަކާއި ގުޅިގެން ދެން ދެގައުމުގެ ދޭދޭ ގުޅުންތައް ހުންނާނީ އިހަށްވުރެ މާ މަތީ ދަރަޖައެއްގައި."
ދެގައުމުގެ ދެމެދުގައި އޮތް ރަޙްމަތްތެރިކަމާއި އެކުވެރިކަން އިތުރުކޮށް، ފަލަސްޠީނަށް، ހުރިހާ ދާއިރާއަކުން ، އެއްބާރުލުންދެއްވާނެކަމަށް ރައީސް ޝީ ވިދާޅުވިއެވެ. ރައީސް ޝީ ވިދާޅުވި "ފަލަސްޠީނާއި ޗައިނާއަކީ އެއްގައުމު އަނެއްގައުމަށް އިތުބާރުކޮށް މަދަދުދޭ ދެ ބައިވެރިން."
ފަލަސްޠީނަށް ގާނޫނީ ގޮތުން ޙައްގުވާ ގައުމީވަންތަކަން ފަލަސްޠީނުގެ ރައްޔިތުންނަށް ހޯއްދަވައިދެއްވުމުގައި ޗައިނާ ދެމިއޮންނާނެކަމަށް ރައީސް ޝީ ވިދާޅުވިއެވެ.
"އިހުގައި ނުވާ ގޮތްތަކެއް ދުނިޔެއަށް ވަމުން އެބަދޭ. މެދުއިރުމައްޗަށް ދަނީ އާ ބަދަލުތަކެއް އަންނަމުން. ފަލަސްޠީނާއި ގުޅިގެން، ފަލަސްޠީނަށް އެއްބާރުލުންދޭން ޗައިނާ މިއޮތީ ތައްޔާރަށް. ފަލަސްޠީނުގެ ސުވާލަށް ، ޝާމިލުވެގެންވާ ޢަދުލުވެރި، ދެމިހުންނަނިވި ހައްލެއް ވީހާވެސް އަވަހަކަށް ހޯދައިދިނުމަށް ޗައިނާއިން މަސައްކަތްކުރަމުންދާނެ" ރައީސް ޝީ ވިދާޅުވިއެވެ.
ފަލަސްޠީނުގައި މިނިވަން ދައުލަތެއް ގާއިމުކުރަންވާނީ 1967 ގެ އިމަށް ބަލައިގެން އިރުމަތީ ގުދުސް ފަލަސްޠީނުގެ ވެރިރަށުގެ ގޮތުގައި ހަމަޖައްސައިގެންކަމަށް ، ރައީސް ޝީ ވިދާޅުވިއެވެ. ފަލަސްޠީނުގެ ޖަމާޢަތްތަކުގެ މެދުގައި އޮތް ދެކޮޅުވެރިކަމާއި ނުތަނަވަސްކަން ނައްތާލުމަށްވެސް ޗައިނާގެ އެހީ ލިބޭނެކަމަށް ރައީސް ޝީ މިބައްދަލުވުމުގައި ޢައްބާސް އަރިއަހުގައި ވިދާޅުވިއެވެ.
ފަލަސްޠީނަކީ އ.ދގެ ފުރިހަމަ މެމްބަރަކަށް ހަދައިދިނުމުގެ މަސައްކަތް ކުރިޔަށް ގެންގޮސްދެއްވާނެކަމަށާއި ބައިނަލްއަގްވާމީ އެހެނިހެން ޖަމާޢަތްތަކުގައިމެ ، ފަލަސްޠީނަށް ތާއީދުކޮށްދެއްވާނަމޭ ، ރައީސް ޝީ އައްބާސް އަރިއަހުގައި ވިދާޅުވިއެވެ.
ޗައިނާއަށް ކުރަށްވަމުންދާ ތިން ދުވަހުގެ ދަތުރުފުޅުގައި ، ވެރިރަށް ބެއިޖިންގްއަށް ، ޢައްބާސް ވަޑައިގެންނެވީ މިދިޔަ ހޯމަ ދުވަހުއެވެ.
މިދަތުރުފުޅުގައި ޗައިނާގެ ރައީސް ޝީއާއި ބޮޑުވަޒީރު ލީ ކިއާންއާއި ބައްދަލުކުރެއްވުމުގެ އިތުރަށް ، އެގައުމުގެ މަތީ ފަންތީގެ ވަރަށް ގިނަ އެހެނިހެން ލީޑަރުންނާއި ރައީސް ޢައްބާސް ބައްދަލުކުރެއްވިއެވެ.
މިދިޔަ އަހަރު، ސަޢުދީ ޢަރަބިއްޔާގެ ވެރިރަށް ރިޔާޟްގައި ރައީސް ޢައްބާހާއި ބައްދަލުކުރަށްވަވާ، ރައީސް ޝީ ވިދާޅުވި، "ސަރަޙައްދީ، ބައިނަލްއަގްވާމީ ޙާލުތައް ކޮންމެފަދަ ގޮތަކަށް ބަދަލުވިޔަސް، ފަލަސްޠީނުގެ ޙައްގު މަގާމް، ފަލަސްޠީނަށް ހޯދައިދިނުމަށް، ދޭންޖެހޭ މަދަދު ދިނުންމަތީ ޘާބިތުވެ، ޗައިނާއިން ދެމިތިބޭނެ."
ދެގައުމުގެ ދެމެދުގައި އޮތް ރަޙްމަތްތެރިކަމާއި އެކުވެރިކަން އިތުރުކޮށް، ފަލަސްޠީނަށް، ހުރިހާ ދާއިރާއަކުން ، އެއްބާރުލުންދެއްވާނެކަމަށް ރައީސް ޝީ ވިދާޅުވިއެވެ. ރައީސް ޝީ ވިދާޅުވި "ފަލަސްޠީނާއި ޗައިނާއަކީ އެއްގައުމު އަނެއްގައުމަށް އިތުބާރުކޮށް މަދަދުދޭ ދެ ބައިވެރިން."
ފަލަސްޠީނަށް ގާނޫނީ ގޮތުން ޙައްގުވާ ގައުމީވަންތަކަން ފަލަސްޠީނުގެ ރައްޔިތުންނަށް ހޯއްދަވައިދެއްވުމުގައި ޗައިނާ ދެމިއޮންނާނެކަމަށް ރައީސް ޝީ ވިދާޅުވިއެވެ.
"އިހުގައި ނުވާ ގޮތްތަކެއް ދުނިޔެއަށް ވަމުން އެބަދޭ. މެދުއިރުމައްޗަށް ދަނީ އާ ބަދަލުތަކެއް އަންނަމުން. ފަލަސްޠީނާއި ގުޅިގެން، ފަލަސްޠީނަށް އެއްބާރުލުންދޭން ޗައިނާ މިއޮތީ ތައްޔާރަށް. ފަލަސްޠީނުގެ ސުވާލަށް ، ޝާމިލުވެގެންވާ ޢަދުލުވެރި، ދެމިހުންނަނިވި ހައްލެއް ވީހާވެސް އަވަހަކަށް ހޯދައިދިނުމަށް ޗައިނާއިން މަސައްކަތްކުރަމުންދާނެ" ރައީސް ޝީ ވިދާޅުވިއެވެ.
ފަލަސްޠީނުގައި މިނިވަން ދައުލަތެއް ގާއިމުކުރަންވާނީ 1967 ގެ އިމަށް ބަލައިގެން އިރުމަތީ ގުދުސް ފަލަސްޠީނުގެ ވެރިރަށުގެ ގޮތުގައި ހަމަޖައްސައިގެންކަމަށް ، ރައީސް ޝީ ވިދާޅުވިއެވެ. ފަލަސްޠީނުގެ ޖަމާޢަތްތަކުގެ މެދުގައި އޮތް ދެކޮޅުވެރިކަމާއި ނުތަނަވަސްކަން ނައްތާލުމަށްވެސް ޗައިނާގެ އެހީ ލިބޭނެކަމަށް ރައީސް ޝީ މިބައްދަލުވުމުގައި ޢައްބާސް އަރިއަހުގައި ވިދާޅުވިއެވެ.
ފަލަސްޠީނަކީ އ.ދގެ ފުރިހަމަ މެމްބަރަކަށް ހަދައިދިނުމުގެ މަސައްކަތް ކުރިޔަށް ގެންގޮސްދެއްވާނެކަމަށާއި ބައިނަލްއަގްވާމީ އެހެނިހެން ޖަމާޢަތްތަކުގައިމެ ، ފަލަސްޠީނަށް ތާއީދުކޮށްދެއްވާނަމޭ ، ރައީސް ޝީ އައްބާސް އަރިއަހުގައި ވިދާޅުވިއެވެ.
ޗައިނާއަށް ކުރަށްވަމުންދާ ތިން ދުވަހުގެ ދަތުރުފުޅުގައި ، ވެރިރަށް ބެއިޖިންގްއަށް ، ޢައްބާސް ވަޑައިގެންނެވީ މިދިޔަ ހޯމަ ދުވަހުއެވެ.
މިދަތުރުފުޅުގައި ޗައިނާގެ ރައީސް ޝީއާއި ބޮޑުވަޒީރު ލީ ކިއާންއާއި ބައްދަލުކުރެއްވުމުގެ އިތުރަށް ، އެގައުމުގެ މަތީ ފަންތީގެ ވަރަށް ގިނަ އެހެނިހެން ލީޑަރުންނާއި ރައީސް ޢައްބާސް ބައްދަލުކުރެއްވިއެވެ.
މިދިޔަ އަހަރު، ސަޢުދީ ޢަރަބިއްޔާގެ ވެރިރަށް ރިޔާޟްގައި ރައީސް ޢައްބާހާއި ބައްދަލުކުރަށްވަވާ، ރައީސް ޝީ ވިދާޅުވި، "ސަރަޙައްދީ، ބައިނަލްއަގްވާމީ ޙާލުތައް ކޮންމެފަދަ ގޮތަކަށް ބަދަލުވިޔަސް، ފަލަސްޠީނުގެ ޙައްގު މަގާމް، ފަލަސްޠީނަށް ހޯދައިދިނުމަށް، ދޭންޖެހޭ މަދަދު ދިނުންމަތީ ޘާބިތުވެ، ޗައިނާއިން ދެމިތިބޭނެ."
ކިޔުންތެރިންގެ ހިޔާލު