މިއަހަރުގެ ބައްޕައިންގެ ދުވަސް ފާހަގަކުރެއްވުމުގެ ގޮތުން އެކުވެރި ޢަރަބި އިމާރާތުގެ (ޔޫ.އޭ.އީގެ) ރައީސް މުޙައްމަދް ބިން ޒައިދުއް ނަހްޔާން ޓްވީޓަކުން ކުރެއްވީ " އޭނާ އެނގޭތަ؟ " މިސުވާލެވެ.

ބައްޕައިންގެ ދުވަހަކީ ދުނިޔޭގެ 111 ގައުމަކުން ކޮންމެ އަހަރަކު ފާހަގަކުރާ ދުވަހެކެވެ. މިއަހަރުގެ މިދުވަހަކީ މި ހިނގާ ޖޫން މަހުގެ 18 ވަނަ ދުވަހެވެ.

އިމާރާތުގެ ރައްޔިތުންވަނީ ރައީސް މުޙައްމަދުގެ މިޓުވީޓް ޖޯޝާއިފޯރީގައި ބަލައިގެންފައެވެ. މިޓުވީޓަށް އެމީހުން ދިން ޖަވާބުތަކުން ރައީސް މުޙައްމަދުގެ ޓުވިޓަރ ޞަފުޙާވަނީ ފުރިފައެވެ.

މި ޓުވީޓުތަކުގެ ތެރެއިން ވަރަށް ގިނަ ޓުވީޓުތައް ބުނި ގޮތުގައި ގައުމުގެ ބައްޕައަކީ ރައީސް މުޙައްމަދެވެ. މިކަމުން އިމާރާތުގެ ރައްޔިތުން ރައީސް މުޙައްމަދަށް ކުރާ އިޙްތިރާމާއި އަދި އެމީހުންގެ ހިތުގައި އޭނާޔަށް އޮތް ލޯބި ފެނިގެންދާކަމަށް ގަލްފު ނޫހުން ބުނެއެވެ.