އެހެން އެއްވެސް ގައުމުއެއްގެ ނުވަތަ ބައެއްގެ އެހީތެރިކަމާއިނުލާ ، ކޮވިޑްގެ އޮމިކްރޮން ބާވަތަށް އަމާޒުކޮށް އިންޑިއާއިން އުފެއްދި ވެކްސިން ބޭނުންކުރަން އިންޑިއާގެ ޑްރަގް ކޮންޓްރޯލަރ ޖެނެރަލް ހުއްދަދެއްވައިފިއެވެ.
އިންޑިއާގެ ޕޫނާގައި މަރުކަޒު ގާއިމުކޮށްފައިވާ ޖެނޯވާ ބަޔޯފާމަސޫޓިކަލްސް ލިމިޓެޑުން އުފެއްދި މިވެކްސިން (ޖެމްކޮވެކް – އޮމް) ކުއްލިހާލަތުތަކުގެ ގަވާޢިދާއި އެއްގޮތަށް ބޭނުންކުރަން ހުއްދަދީފައިވަނީ މިދިއަ ހޯމަ ދުވަހުއެވެ.
މި ކުންފުނީގެ އޮމިކްރޮން ވެކްސިނަށް އިންޑިއާ ސަރުކާރުން ހުއްދަ މިދިނީ މިކުންފުނިން ކޮވިޑަށް އުފެއްދި ، ނަމަކަށް ޖެމްކޮވެކް-19 ކިޔާ ، އިންޑިއާގެ ފުރަތަމަ ވެކްސިން ބޭނުންކުރަން އިންޑިއާ ސަރުކާރުން ހުއްދަދިންތާ އެއްއަހަރު ފަހުންނެވެ.
މިއިން އެއްވެސް ވެކްސިނެއް އަދި ޖެނޯވާ ކުންފުނިން ބާޒާރަކަށް ނުނެރެއެވެ. ނަމަވެސް ޖެނޯވާކުންފުނިން މިދިއަ އަންގާރަ ދުވަހު ބުނި ގޮތުގައި ކުރިއަށް އޮތް ދެތިން ހަފުތާގެ ތެރޭގައި މި ދެވެކްސިންވެސް ގަންނަން ލިބޭނެއެވެ.
މިއިން އެއްވެސް ވެކްސިނެއް އަދި ޖެނޯވާ ކުންފުނިން ބާޒާރަކަށް ނުނެރެއެވެ. ނަމަވެސް ޖެނޯވާކުންފުނިން މިދިއަ އަންގާރަ ދުވަހު ބުނި ގޮތުގައި ކުރިއަށް އޮތް ދެތިން ހަފުތާގެ ތެރޭގައި މި ދެވެކްސިންވެސް ގަންނަން ލިބޭނެއެވެ.
ކިޔުންތެރިންގެ ހިޔާލު