އިސްރާއީލުގެ ވިރޮބޯޓިކްސް ކުންފުނިން އުފައްދާފައިވާ ރޮބޮޓްތައް ބޭނުންކޮށްގެން ހޮންގްކޮންގްގެ އުސް އިމާރާތްތަކުގެ ބޭރު ސާފުކުރުމުގެ މަސައްކަތް ކުރިއަށް އޮތް މަސްތަކެއްގެ ތެރޭގައި ފަށާނެކަމަށް ސައުތް ޗައިނާ މޯނިންގް ޕޯސްޓް ނޫހުން ބުނެފިއެވެ.

ޓެލްއަވީވްގައި މަރުކަޒުވެފައިވާ އިސްރާއީލުގެ ވިރޮބޯޓިކްސް ކުންފުނިން ބުނި ގޮތުގައި، އެކުންފުނިން އުފައްދާފައިވާ ލުއި ރޮބޮޓްތަކަށް ސައުވީސް ގަޑިއިރު ، ސާފުކުރުމުގެ މަސައްކަތްކުރުމުގެ ގާބިލުކަން ލިބިފައިވެއެވެ.

މި ރޮބޮޓްތަކުގައި މަޞްނޫޢީ ސިކުނޑީގެ ޓެކްނޮލޮޖީ (އާޓިފިޝަލް އިންޓެލިޖެންސް ޓެކްނޮލޮޖީ)

ބޭނުންކޮށްފައިވާތީ ސާފުކުރަންޖެހޭ ތަންތަން އަމިއްލަޔަށް ދެނެގަތުމާއި އަމިއްލައަށް އެތަންތަން ސާފުކުރުމުގެ ގާބިލުކަން މިރޮބޮޓްތަކަށް ލިބިގެންވެއެވެ.

މީގެ ކުރިން ހޮންގްކޮންގުގެ އުސް އިމާރާތްތައް، ގާތް ގަނޑަކަށް ނުވަ ހާސް އިމާރާތް، ސާފުކުރަން ބޭނުންކުރި ޠަރީގާއަށްވުރެ، ގޮތަށްވުރެ، ދިހަ ގުނަ ބާރު ދުވެލީގައި މިރޮބޮޓްތަކުން އިމާރާތްތައް ސާފުކުރާނެކަމަށް، އިސްރާއީލު ކުންފުނީގެ ބާނީ އަދި އެންމެ އިސް ވެރިޔާ އީޑޯ ގެނޮސަރ ވިދާޅުވިކަމަށް ސައުތް ޗައިނާ މޯނިންގް ޕޯސްޓުން ބުނެއެވެ.